رواية الجميلة والوحش كاملة عبر روايات الخلاصة بقلم سلسبيل أحمد
رواية الجميلة والوحش الفصل الثاني 2
- فكي الحزام وانزلي تحت بسرعه
= فيه اييييه؟!
"قرب مني وفكه بسرعه وهو سايق وحط ايده على دماغي ونزلت لتحت و.."
- في عربية ماشية ورانا وبتزنق عليا
اتكلمت بحْصْنه: ينهار ابيض هنمـ ـوت؟؟ انا مش عايزه امـ ـوت دلوقتي لا
سيف بصوت عالي: خدي الموبايل من جيبي بسرعه و
"مكملتش كلامي لقيت العربية بتقرب والشباك بيتفتح"
- ما تهدي ياعم سيف ده انا
سيف بدهشه: يوسف!
ركنت العربية على جمب: اطلعي خلاص مفيش
" ليلى فضلت تاخد نفسها كأنها كانت بتغرق "
- انا حاسه اني هيغم عليا
"سيف بصلها بسرعه وحط ايده على جبينها وبعدين طلع ازازة المياة من جمبه ورش على وشها"
= انت بتعمل ايه ياعم انت هبرد
- هتبقي احسن بصيلي كده
= لاء
سيف اطمن انها كويسه: متعمليش حاجه لحظه واحده هنزل واجيلك تاني.. انتي كويسه متقلقيش
= استني هنا مين الى كان هيمو..تنا ده!!
- متقلقيش ده تبعنا
سبتها و نزلت من العربية بصتله بعصبيه
- انت مجـ ـنون يا يوسف ؟ ما تبقي تقولي انك ورايا افتكرت حد غيرك بيراقبنا ولا مزقوق علينا يأخي
= لما تبقي تفتح موبايلك ياعم! الريس قالي اطلع وراك على الطريق آمنك بدل معتز ماهو كان وراك وانت رايح مختش بالك منه ازاي
- لا خت بالي طبعا و كنت عارف انه ورايا لكن المفروض وانا راجع هتبقي نفس العربية الى ورايا الى فيها معتز الى لونها ارزق حدفوك عليا ليه؟ وغيرت لون العربية افتكرتك حد تاني بديهي يعني
= معتز جاله تأمين ضروري فا جيت مكانه وكلمتك كتير اقولك انا راكب عربية لونها ايه واني وراك بس انت قافل الموبايل يا ذكي
- الموبايل فصل.. ما علينا يلا نكمل عشان مينفعش نقف هنا اتحرك ورانا
"اتنهدت ودخلت العربية"
- مين ده بقي ولما هو تبعنا خلتني انزل تحت ليه!
= سوء تفاهم..
>>>>>>>>>>>>>>>>>>>>>>>>>>>>>>>>>>>
" صلِ على محمد "
" وصلوا الفيلا بسلام و سيف دخل ليلي وبعدين خرج لـ يوسف بقلمي سلسبيل احمد "
- حمدلله على السلامه انا هرجع للقياده بقا ابقي افتح موبايلك ها
= ماشي يا معلم سلام
- صح نسيت اقولك حاجه يا سيف
= في ايه ما تقول
- انا سامع اخبار مش مطمناني عن أبوها
= سمعت منين؟
- مانا روحت الجهاز امبارح و.. شوفته
= شوفته؟؟! طب و ؟
- حالته وحشة خليك حريص انها متاخدش الموبايل عشان متعرفش اي حاجه
= متقلقش انا واخده منها انا قاطع اي اتصال بالنت اصلا عندي
- تمام.. ربنا معاكم..
" سابني ومشي وانا رجعت لها مكنتش عارف اعمل اي حاسس الدنيا بتتعقد اكتر واكتر كل شوية و هي متعرفش اي حاجه.. و ده فحد ذاته ظلم ليها."
" طلعنا الفيلا و نامت في صمت وانا فضلت سهران شوية بظبط كام حاجه وبعدين نمت.. "
>>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم.
|| تاني يوم الصبح | الساعه 7 ||
* طق طق طق طق *
قومت وانا بزق نفسي بالعافية افتح الباب: أيوه جايه... سيف؟
فركت عيني بنعاس وبصتله بأرهاق: هو انت بجد بتصحيني الساعه سبعه!
= أيوه
- ليه؟ هنبيع لبن لو هننزل نبيع لبن قولي متخبيش عليا!
= فوقي كده وانزلي تحت عايزك
- انا عايزه انام
= قدامك ربع ساعه
مشي فا زعقت: اوووووف على فكرا !!
دخلت الحمام بصيت فالمرايا: وكمان شافني منكوشه!!!!
"غسلت وشي وفضلت بالبيجاما الى مرسوم عليها سبونج بوب و نزلت "
- نازله بالبيجامه؟
= هوا في ايه عاوزني اللبس ايه يعني
الساعه سبعه الصبح؟
- ترينج! مثلا
= انا عايزه انام الله يخليك
- مفيش نوم في كام حاجه لازم تعرفيهم وتتعلميهم
= ها ايه هما وايه الحاجات الى ماليه جنينه الفيلا دي
- دول هتتمرني عليهم
= ليه هو انا هدخل بطولة الامم
- انتي عندك امتحان فى الكلية كمان شهر جوه اللجنه انا مش هبقي معاكي و هبقي بره في حاجات لازم اعلمهالك عشان لو حصل اي حاجه يبقي معاكي كام ثانيه تلحقي نفسك بيهم عبال ما اللحقك انا
= انا عايزه اعرف حاجه!! مبدئيا انا اكيد مش هقعد معاك شهر مش هقدر استحملك لاء تاني حاجه هي اي نظرية المؤامره الى انت عايش فيها دي ! انا طول الوقت في حراسات عاديه انما انت اوفر !
الحقيقي اكتر بودى جارد غريب شوفته
- هو انتي مش بتعرفي تقولي حاضر؟
= انا زهقت!! بجد زهقت
- كل ده عشان مصلحتك!
بصتله بنفاذ صبر: الامتحان الى بتتكلم عنه ده هيبقي جوه كلية فيها اكتر من 100 الف بني ادم محدش فيهم حياته زيي كلهم عايشين طبيعين!! انا بس الى طول حياتي خنقه و وحدة!
قعدت بحزم و قلة حيلة: يارب تيجي تخدني من هنا بسرعه يا بابا انا تعبت !! انا زعلانه منك اوي عشان سايبني كده
"عيوني دمعت فا مسحت وشي وحاولت معيطش.."
نزل لمستوايا: طيب.. انا مقدر الى انتي فيه لكن فعلا الظروف مش تمام دلوقتي وحياتك ممكن تبقي في حْطر..! البيدج بتاعتي على فيسبوك سلسبيل احمد.. ليلي انتي يادوبك هتتعلمي كام حاجه تفيدك و ازاي تدافعي عن نفسك و على فكره الحارس الشخصي مش بس بيفضل مع الهدف بتاعه لما ميبقاش في حد مسؤول عنه لما والدك يرجع احتمال يفضل معاكي جارد برضو عادي
- وهو فين بابا؟
= اوعدك اني هخليكي تكلميه قريب
- انت قولت كده كتير!
= هكلم القياده تانى تحاول توصلنا بيه و تكلميه
- طيب اوعدني بده
سيف بصلها بصمت وهي اتكلمت: و متوعدش بحاجه مش هتعملها
اتنهد: هخليكي تكلميه قريب أوعدك بده.
- طب شاور على قلبك
= ايه ده مش فاهم؟
- شاور على قلبك و اوعد يعني هيبقي وعد لازم تنفذه
= لازم اشاور يعني؟! مانا وعدت خلاص
- أها هو انت مشوفتش كرتون البيت الى بيطير !؟ متعرفش مين استاذ فريد زين و رامز من فريق الكشافة وابو الفصاده؟
بصلها بعدم فهم: ايه!
>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
" وبعد دقايق كانت قاعده ليلى تشرح بكل ضمير الكرتون وهو شغال قدامهم هما الاتنين من البروجكتور الى سيف شغله.. بقلمي سلسبيل احمد "
سيف بندم: يارتني ما قولتلك اني معرفش كرتون البيت الى بيطير كنت كدبت ارحم
= اتفرج بقا الله! انا وعدتك لما نتفرج هعملك الى انت عايزه و نتمرن وكل حاجه وشاورت على قلبي على فكره..
- طب اتفرج على اي بذمتك؟ كلـ*ب بيتكلم و حيو*ان غريب شبه البطه وراجل عجوز عصبي
= بطه ايه؟ اسمها جميل ودي ابو الفصاده مش بطه! وبعدين كله الا استاذ فريد زين
- ايا كان! انا مش بشوف انا الكلام ده ، ده بتاع عيال اتفرج انا ليه؟؟
= طب اتفرج وكفايه كلام
قلبت عيني بملل: الصبر يارب
...
- ها... اهو خلص الحمدلله
= عجبك صح متنكرش
سيف خدها على قد عقلها: امال ايه طبعا نفذي وعدك بقا
= طيب هطلع اللبس و انزل نتمرن
" طلعت لبست ترينج اسود ينفع للتمرين و انا نازله شوفت موبايل سيف على الترابيزة بينور .. و جاتلي فكره هتاخد وقت بس مش مهم..!! "
- بُصي بقي احنا هنبدء بـ حركات سهله وبعدين همرنك ازاي تصْـ.ـربي مش بس تدافعي لكن انتي محتاجه تشيلي أوزان جبتلك اربعه كيلوا تلعبي بيهم كل يوم
= انا بفرهد بسرعه وفرهدت من كلامك
- كويس يبقي يلا نبدأ
= انت ماسك ايدي جامد افك نفسي ازاي
- انا وريتك من شوية ازاي تفكي نفسك و قولتلك ركزي يلا نفذي بقا
بتمثيل الارهاق: مش عارفه! انت اقوي مني
- انا قولتلك فين اماكن الضعـ ـف!! اضـ ـربي براسك لورا على الهدف الى هو أنا !
= مانا كده هخبطك !
- ياستي اخبطيني ياستي
" رجعت براسي لورا فا خبطت فيه وحسيت اني انا الى اتوجعت..! "
- انت كويس؟
= كويس ايه يا ليلي كويس ايه ده كأن كيس مخده خبطني انتي حتي راسك ضعيفه ..
ضحكت بألم: انا الى راسي وجعتني اصلا
بصلها بجديه: بصي استخدمي رجلك أكيد هتبقي اقوي اصْربي تحت كأنها ركله كأنك بتشوطي كوره و بعدين احْبطي براسك واجري يعني صْربه جامده بالرجل.. وخبطه بعدها علطول بأقوي ما عندك في الاماكن الى شاورت لك عليها
" عملت زي ما قالي و فضلنا نتمرن كتير بعد كده لبسني القلبظات فـ ايدي كأني هلعب ملاكمه وفضلنا نتمرن حوالي ساعه.. "
- سيف انا تعبت والله اوي
= خلاص قربنا نخلص
اتنفست بتعب: مش قادره
قلع القلبظات ورماها: طيب تعالي نفطر
- ياريت..
" قعدنا على الترابيزة بعد لما حاولنا نعمل اي أكل عشان زهقنا من الاكل الجاهز "
- انا متفاجئ إن ليكي في المطبخ
= انا هتم 20 سنه كمان كام يوم! وهمتحن وبعدها ادخل تالتة كلية يعني مش صغيره انا كبيرة
- بالنسبالي انا صغيره
= ليه عندك كام سنه؟
- 27 سنه
= و ده يخليك تفضل تقولي يا طفله
- ماهو انتي طفله فعلا..
= برضو؟! طيب
- عيد ميلادك يوم ايه؟
= يوم 25 بعد تلت ايام خلاص
- عبال 100 سنه ياستي..
= تعرف.. في عيد الـ17 بابا خلاني اتعلم اسوق بايك
و دي كانت احلي هدية هو عملها.. هو اشترى لي بايك مخصوص وجاب حد يعلمني.. ومع ان دي حاجه فرحتني.. بس مكنتش فاهمه انه بيعمل كل حاجه بيعملها عشان يشغلني ومبقاش ملاحظه انه مش موجود علطول.. هو خلاني اتمني امنيه واحده بس انه يفضل جمبي علطول.. ميحصلوش اي حاجه ولا يبعد عني..
- بصي لنص الكوباية المليان هو بيحاول يعوضك
= مش عاوزاة يعوضني بحاجه تانيه غيره.. هو موجود ليه يعوضني بوجوده؟
- لأن مفيش حاجه بتمشي زي ما البني ادم عاوز علطول.. هو ظروف شغله صعبة.. فا بيحاول على قد ما يقدر يحميكي.. و يوفر لك حياة كويسة..
اتنهدت بأستسلام: يمكن معاك حق.
- طب هنكمل تمرين بقي ولا ايه؟
= لاء لاء لاء! كفايه اوي كده
- هنكمل حاجات بسيطه ؟
= مش قادره صدقني انا هطلع اخد شاور واكمل نوم
- طيب.. لينا معاد بكره.
ضحكت: اه الى فيه صحه بقا ان شاء الله
" طلعت اوضتي قفلت الباب و جهزت ترينج جديد بدل الى اتبهدل ده.. اخدت حاجتي و دخلت الحمام اخد شاور شوية عشان عضـ ـلاتي شدت عليا من التمارين الى عملناها وبعدين خلصت ولبست هدومي و سرحت شعري وبقي كله تمام..
روحت عشان افتح الباب مفتحش!! قلبي بدأ يدق جامد بحْوف .. وايدي كانت بتترعش فا معرفتش اسيطر على المقبض بتاعه و مقدرتش افتحه جامد وهو معلق!! خبطت عليه جامد وانا حْايفه "
- سيف !!! يا ســيف
"زعقت جامد ومكنش سامعني و بدأ نفسي يروح"
" كنت حاسه ان هتجيلي نوبة دْعر من كتر الحْوف "
" لحد ما سمعت صوته بره باب اوضتي وفضلت ازعق عشان يدخل "
- ليلي فيه ايه ؟؟
" مكنتش سامع فيه ايه فا طلعت بسرعه حاجه حـ.ـاده من معايا و فضلت احاول افتح الباب بتاع اوضتها لكن معرفتش دخلت الاوضة الى جمب اوضتها بسرعه و نطيت على البلاكونه بتاعتها وبعدين اكتشفت انها محبو..سه في الحمام والباب بتاعه بالذات صعب جدا افتحه من عندي "
- يا سيف انت سامعني
" هديت انفاسي "
= متخافيش يا ليلى اهدي و حاولي تفتحيه
- مش عارفه!!
= افتحي شباك الحمام بس عشان نفسك
" فعلا راحت تفتحه ورجعت وقفت ورا الباب "
- انا كنت بدخل علطول ومكنش بيعمل كده
= مهو لما بيتقفل جامد ساعات بيعلق هدي نفسك و حاولي تفتحيه فيه الباب بيعمل تكه وبعدين حركي القفل هتسمعي تكه تانيه وخلاص هتلاقيه فتح
- انا اتحبـ ـست
اتكلمت بعياط: الباب علق انا اتحبست
= بطلي عبـ ـط يا ليلى اتحبستي ايه بس.. انشفي على الباب اضغطي على المقبض جامد
بعياط: مش عارفه
" سيف مسح على وشه بنفاذ صبر "
- اكسر الباب
= اكسر ايه مش هعرف
- يعني انت مش قوي بقا !!
= ممكن بس تبطلي عياط انا مشوفتش حد بيحب العياط بالشكل ده قبل كده اهدي كده وخدي نفسك
- ماشي... انا هاديه اهو
= اعملي زي ما قولتلك يا ليلى
" فضلت احاول اعمل زي ما قال واعصاب ايدي مش راضيه تجمد !!!! اتعصبت جدا ولكن فضلت اتنفس براحه وانا سامعه صوته بره فا ده خلاني نوعًا ما اهدي شوية لحد ما حسيت اني قادره امسك الاوكره بقلمي Slsbell Ahmed مسكتها وضغطت عليها بكل قوتي وسمعت اول تكه"
سيف اتكلم بسرعه: شاطره برافو عليكي كملي!
" كررت نفس الموضوع تاني وسمعت التكه التانيه وبعدها هو فتح الباب علطول من بره واخيرا خرجت"
- انتي كويسة؟؟ حصلك اي حاجه
" ليلى كانت بتنهج عشان هي دراما كوين شوية "
سيف بقلق: انتي غرقانه كده من الخصْه ولا دي مياة ؟؟
ليلي وهي بتاخد نفسها: مش عارفه.. خلاص انا بقيت كويسة
- اكيد؟
= ايوه انا هنام مش قادره حاسه اني اتشليت من الخصْه
- انتي جبانه بشكل مش طبيعي و بتموتي في الدراما انا وانتي عماله تزعقي قولت في مصيبه
= وهو دي مش مصيبه؟ انا كنت هموت
- تموتي؟؟ عشان محبوسة في حمام!!.. تصبحي على خير يا ليلى
" نزل و سابني وانا حاولت أهدي فضلت دقايق ببلع الحْضه طبعا شكلي عبيـ ـط دلوقتي وطفله اكتر من الأول بس انا طول عمري كده.. بخاف من الباب المقفول.. وبخاف وانا لوحدي! "
>>>>>>>>>>>>>>>>>>>>>>>>>>>>>>>>>>>
|| الساعة 11 بليل ||
" صحيت و فضلت شوية عقبال لما فوقت بعدها نزلت اشوفه فين لاقيته بيتمرن جامد في الجنينه.. عمري ما شوفت بودي جارد بيتمرن كده..! "
- سيف...
بصلها بتريقه و كمل صْرب: مساء النور خشي كملي نوم لحد بكره الصبح
- لا زهقت وحاسه اني تعبانه
= ماهو محدش بينام كل الفترة دي انتي
بتــ ـقتلي جسمك بالبطيئ!
- طب شغلي كرتون
= انتي مش بتزهقي؟ روحي شغليه انا وريتك تفتحيه ازاي
" ليلى مشيت وبعدين سيف جاتله لحظه ادراك فا اتحرك بسرعه "
- لا لا اصبري انا هشغله..
= ليه؟
- عشان ساعات بيهنج كده لوحده قولي عايزه كرتون ايه؟
" دخلنا و شغلي كرتون تنه و رنه وفضل يبص علي الجهاز وانا مش فاهمه بس عدتها!"
- احنا ليه مش بنفتح الشاشة و
دايما تشغل افلام متحمله مش لازم نحمل الفيلم
سيف بذكاء: عشان الإعلانات و كده وميعلقش و المتحمله احسن
= اقصد ان احنا مفيش تواصل خالص مع العالم الخارجي! ومفيش نت هو ده من ضمن التأمين!
- حاجه زي كده
= ليه هو التلفزيون والنت حْـ ـطر !
- انتي هتفضلي تتكلمي وتسيبي الكرتون ولا ايه ؟!
رجعت اتفرج: لاء طبعا
" فتح موبايله وهو جمبي ولكن معرفتش اشوف الباسورد..! "
" فضل شغال على اللاب بتاعه بعدها وانا خلصت الكرتون و روحت اشوفه بيعمل ايه "
- اطلعي كملي نوم بدل ما انتي مرقباني كده
= انت بتوزعني؟
قفل اللاب: لا انا هاروح اتمرن تحبي تيجي معايا؟
= هتفرج بس انا مش قادره اتحرك..
" فضلت اشوف تمارينه وقد ايه بالنسبالي مستحيله عضلاته متقسمه في جسمه بشكل متناسق و ده دليل انوه مش بيلعب عشان يضخم شكله و لكن بيمرن عضلات جسمه كلها بالتمارين .. وده صعب "
بصلي: ها هتيجي تتمرني ولا لاء
- كفايه الصبح! هيبقي الصبح وبليل
= تعالي مرني صْربتك على الأقل واعصابك الى مش على بعضها دايما.. اللبسي القلبظات و يلا
" لبستهم بقلة حيله و وقفت قصاده وبدات اصْرب الحركات الى علمهالي مكنش بيصد صْرباتي! "
- انت بتسبني اصْربك ليه
= عادي قولتلك انتي كيس مخده انا حرفيا مش حاسس بصْربتك
- كيس مخده!!! والله !!
" اندفعت عشان اصْربه بكل عْل فا وقعت على الأرض وضحك عليا. "
- قومي قومي هاتي ايدك
= شكرا بعرف اقوم لوحدي !
- محتاجه تلعبي بالحديد الى جبتهولك
= سيف انا هصارحك
- ايه؟
" جاتله رساله فا فتح موبايله يشوفها وانا بصيت عليه.. شوفت الباسورد! "
- كنتي هتقولي ايه؟
= احمم بقول الاربعه كيلوا دول مستحيل اقدر اشيلهم انا اخري تلاته وبشيله بالعافيه
- عاش لا حقيقي عاش انتي لازم تتمرني وغـ ـصب عنك مش بمزاجك عشان تتعلمي ازاي تدافعي عن نفسك على الاقل!
= حاضر.. معاك حق بس هطلع بقي انام احسن انا عيلة صغيرة ياعم
- تصبحي على خير
ابتسمت: وانت من اهله
>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على نبينا محمد '
" وانا على سريري قبل ما انام كنت حاسه بسعاده وشعور امان بقالي كتير محستوش بقي عندي دلوقتي ! حاسه اني مبقتش جبانه وحسيت اني ممكن اقفل الباب مش اسيبه موارب.. بعد لما فتحته لوحدي.. وبعد لما حسيت اني ممكن اتعلم ادافع عن نفسي.. ابتسمت براحه نفسية وفعلا العلاج النفسي بيتم من خلال تأثير و شعور نفسي "
|| بعد مرور يومين | يوم 25 ||
"صحيت على خبط هادي على الباب وقومت افتح"
- برضو هفضل كل يوم اصحي بدري؟
= بدري فين انا سبتك نايمه لحد الساعه 9 عشان بس ده يوم عيد ميلادك يلا ننزل نتمرن اجهزي
اتاوبت بنوم: اوكيه
>>>>>>>>>>>>>>>>>>>>>>>>>>>>>>>>>
" نزلت وهو كان في الجنينه اتفاجئت بـ موبايله اخيرا سايبه على السفره.. مسكته بسرعه وكنت بفتحه "
- انتي بتعملي ايه؟
رفعت عيني وبصتله: ايه!!
يتبع
#الجميلةة_والوحَش2✨️🌃
#سلسبيل_أحمد #بيلا
