رواية حافية القدمين الفصل الثامن 8 بقلم نوره عبد الرحمن

رواية حافية القدمين كاملة عبر روايات الخلاصة بقلم نوره عبد الرحمن

رواية حافية القدمين الفصل الثامن 8

#حافية_القادمين 8 #بقلم_نوره_عبدالرحمن 

يسرى : انت كويسه

فريده بتعب : اي اللي حصل 

يسرى : حضرتك شكل السكر نزل معاكي والحمدلله شكلك بقيتي احسن 

فريده : لكن انتي منين عرفتي أن السكر نزل معايا

يسرى : بابا ساعات كان بيحصله كده وكنت بعمله ميه وسكر ويبقى احسن .. على فكرة يافريده هانم انا عملتلك سكر وميه لكن هروح دلوقتي اجيبلك حاجه مسكره عصير او اي حاجه عشان تخفي بسرعه

فريده مسكت أيدها : استنى 

يسرى : في ايه يا فريده هانم 

فريده : متشكره يابنتي مكنتش اتوقع انك هتعملي كده بعد اللي شفتيه مني 

يسرى بابتسامه: هعملك عصير مش هتأخر 

مر اسبوع كل حاجه هاديه يسرى عرفت تأثر على العيله كلها فريده بدأت تتحسن علاقتها معاها ووسيم واخد الحياد دائما ومش بيتدخل بحد.. تيا قلبا وقالبا مع يسرى.

جسور لسه غايب  ..

وفي يوم 

نزلت يسرى الدرج وحست انها دايخه وسندت على تيا

تيا : انتي كويسه

يسرى بتعب : مش عارفه حاسه اني دايخه ونفسي غامه عليا ..

تيا : طب تحبي اطلعك اوضتك..

يسرى : لا انا عاوزه اقعد في الجنينه عشان اشم شوية هوى يمكن اتحسن

فريده معاها ايلاف وايمي : في ايه يابنات

تيا : ياسو تعبانه ياماما

فريده بقلق: ليه يابنتي مالك

يسرى : مفيش انا كويسه بس شوية تعب ونفسي غامه عليا 

ايلاف بخبث : مش يمكن حامل ..

فريده بفرحه : حامل 

يسرى بحرج :  لا لا هو شوية تعب وهيروحوا لحالهم 

فريده : لااا اكيد دي اعراض حمل 

يسرى :  لاانا متاكده مش حامل هي شوية تعب ..

ايلاف : شكلك عارفه انك حامل ومخبيه علينا ..

يسرى بانزعاج : مش حامل انا متاكده بعد اذنكم ..وطلعت اوضتها بضيق

ايلاف همسة لفريده : اقطع ايدي من هنا أن ماكانت حامل دي كلها اعراض حمل ياماما

فريده والله عندك حق اول ما يوصل جسور هبلغه يهديها دكتور ويعمل تحليل يتأكد

ايلاف بحماس ايوا هو ده ياماما المفروض يحصل كده...

***********

مش عارفه تنام فونها اتعطل بقاله مده وهي مش عارفه تتواصل مع جسور كان الوقت متأخر خرجت من أوضت تيا وكانت هتدخل اوضتها حست بحد بحضنها من ورى ابتسمت بحب وهي بتلف وبتقول جسور لكنها اتصدمت براجل غريب زقته وبعدت عنه بسرعه وكانت هوقع لكنه سندها وحاوط خصرها بسرعه وهو بيقول بخبث بسم الله عليكي  ولسه هيقرب يبوسها .. زقته وضربته بالقلم  ولسه هتصرخ كتم بقها بمنديل ووقعت عالأرض وشالهاا ودخلها اوضتها فاقت الصبح وكانت...فاكره نفسها شايفه كابوس...

*************

رجع جسور وكان بيدور فعنيه عليها بقاله كتتير مسمعش صوتها ولاشافها سلم عالكل وهي كانت بعيده عنه بتبصله بشوق كبير لكنها مكسوفه تقرب منه تحضنه تعبر عن شوقها ليه .

جسور: شكلكم كنتوا خارجين ..

فريده: اه يابني احنا كنا معزومين على فرح بس هنتصل نعتذر مكناش نعرف انك هترجع النهارده

جسور: لا ياماما روحوا اتبسطو البنات شكلهم جاهزين وانا مش هطير يعيني هترجعو وتشوفوا الهدايا بعدين..

ايلاف :وانا من رأيك يا جسور هنشوفك بعدين وانتي يا يسرى ليه مصره متروحيش الفرح ..

يسرى : ايوا انا هروح ابلغهم يحضروا ىجسور العشا اكيد تعبان من السفر 

جسور كان عاوز يفضل معاها لوحدهم كان مستني اللحظه دي بقاله كتتير وفعلا يسرى راحت المطبخ وطلبت من الشغالين يحضروا الاكل وطلعت عشان تجهز نفسها وهي برضو مستنيه اللحظه دي بقالها كتير 

اما عند فريده 

فريده بهمس: بقولك ايه يابني

جسور : اي ياامي

فريده :مراتك شكلها والله اعلم حامل.

جسور ضحك بسخريه وقال: والله ازاي 

فريده: كل الأعراض اللي عندها بتقول كده  لو هتوديها عند حكيم عشان نتأكد انا هموت واشوفلك عيال 

جسور بمجاره وهو متاكد أن مفيش من ده :حاضر ياامي ان شاء الله هشوف  لكن شكلك راضيه على يسرى 

فريده :مراتك زي البلسم يابني

جسور باس جبينها بحب وقال :والله انتي اللي زي البلسم يا امي ..

ايلاف ابتسمت بخبث وقالت :مش ياالله ياماما هنتاخر

فريده : ماشي ..يابنتي ماشي 

وفعلا خرجوا كلهم..

جسور كان تعبان جدا...

طلع اوضته واترمى على السرير و سامع صوت الميه من الحمام وعرف انها جوى حضروا الشغالين الاكل .. وهو كان مستنيها ... رن تلفونه بعد ما خرج الشرفه 

ورد على فون الشغل وقفل المكالمه ولاحظ رسائل جياله من رقم غريب ..

فتح الرسائل. واتصدم لما شاف مراته يسرى قدام اوضت نومه وفي راجل قريب خاضنها و بيبو*سها وشألها ودخلها أوضت النوم ..

كتم بقه بايده بصدمه أما الصور كانت على سريره يسرى لابسه قميص نوم فاضح وراجل صدره عري*ان نايم جنبها وقع الفون من ايده أيده بدأت تترعش افتكر كل حاجه زمان حبه لايلاف خيانتها ليه وجوازها من اخوه .. خيانه .. خيانه .. خيانه .. حتى البنت الوحيدة اللي راهن على برائتها وطهارتها في حضن راجل تاني في أوضت نومه وعلى سريره يبقى الحمل اكيد بجد مش تهيؤات من مامته حس بالخذلان بالخياينه ..دخل الاوضه من غير روح من غير قلب من غير عقل ..

كانت عنيه على باب الحمام 

خرجت من الحمام لابسه قميص نوم قصير باللوون الوردي  وفارده شعرها 

كانت حاطه لامساتها الاخيره مسرحه شعرها وراشه العطر اللي بيحبه وحاطه  مكياج خفيف .. ابتسمت بحب اول ما شافته مالاحضتش تغير ملامحه ولا عنيه اللي بتطلع شرار 

جريت ناحيته ودفنت وشها بحضنه وهمست وحشتني ..

جسور حط أيده على كتفها وحركه بخفه بعد شعرها عن رقبتها ولفه على كفه وشدها مع صدمت التانيه 

الفصل الجاي ممنوع لأصحاب القلوب الضعيفه💔.

يتبع ..

رواية حافية القدمين الفصل التاسع 9 من هنا

رواية حافية القدمين كاملة من هنا