رواية ما لا يقال (ريم وكريم) الفصل الثالث 3 بقلم رضوى وليد

رواية ما لا يقال (ريم وكريم) عبر روايات الخلاصة بقلم رضوى وليد

رواية ما لا يقال (ريم وكريم) الفصل الثالث 3

بالفعل انحنى حسن أسفل السفرة ليلتقط المفاتيح، وفي لحظة عابرة تجاوز فيها حدوده، شعرت ريم بلمسة أربكتها وأجفلتها(لمس رجليها من اول الجزمه حتي فتحه الفستان اللي بتنتهي فوق ركبتها)

كادت أن تطلق شهقة من الخضه، لكنها تمالكت نفسها بصعوبة، والكل من حولها غارق في انشغاله، لا أحد ينتبه.

مرت ثوانٍ ثقيلة، عقلها يرفض ما حدث، وغضبها يسبق تفكيرها.

قررت أنها متسكتش..

بحركة سريعة، ومن دون أن يلحظها أحد، فعلت ما أوقفه عند حده.

 مسكت السكينه الصغيره اللي موجود عالسفره ومنغير تفكير ادخلتها فـ فخذه انتظرت عده ثوانٍ اخرجتها ومسحت دم السكينه بفستانها الاسود

حاول حسن كتم ألمه، جامد الملامح، كأن شيئًا لم يحدث، بينما كانت ريم ثابتة في مكانها، قلبها يخفق، لكنها لم تشعر بالندم 

ريم

-انا شبعت

اسماء

:شبعتي ايه انتي مأكلتيش حاجه

-أكلت والله

كريم لاحظ توتر ريم وقال

=وانا كمان شبعت

ريم

_هروح اغسل ايدي

كريم

=جاي معاكي

قدام الحمام:

=ف ايه مالك يريم تعبانه او حاجه؟!

-لا مفيش حاجه

=حاسك مش كويسه و مكلتيش كويس

-مفيش حاجه يكريم

دخلت الحمام وهي حاطه اديها علي قلبها وانافاسها سريعه.. مش عارفه تعمل ايه 

بتفكر تقوله وتفضح اخوه ولا هي خلاص جابت حقها وان ده مش الوقت المناسب انها تقول..هدت من نفسها و طلعت من الحمام لقيت كريم مستنيها.. قالت

-ممكن نروح

=لسا بدري 

-معلش انا عايزه ارووح 

=متأكده انك كويسه يريم

-اه يكريم خلاص

=مضايقه من امي طيب 

 - لالا

= اومال فيه ايه؟!

ريم بنرفزة 

-يعني لما اقول ان عايزه اروح يبقي لازم يكون فيه حاجه يكريم

=وطيي صوتك

ريم وهي مش بصاله

-انا عايزه اروح

كريم بعصبيه من عنادها 

=يلا نروح 

         _______________________

كريم قال وهو بيدور بعنيه 

-اومال فين حسن

ام كريم

:قام من علي الاكل وقال جاله شغل مهم ومشي علي طول

=ربنا معاه.. واحنا كمان ماشين 

ام كريم

: ايه يكريم انت لسا مقعدش معانا في أيه انت التاني

-معلش مرا تاني يأمي

           ___________________

ف العربيه 

=ها مالك يريم طول القعده مش مريحاني في حاجه ؟!

-قولتلك كويسه

=تحبي منروحش

-...

= عندي ليكي مكان بتحبي

        _____________________

<< قدام البحر والدنيا ليل مع صوت البحر ونسمه الهوا والدنيا هاديه ومفيش ناس كتير >>

قال وهو بيشاور 

=ايه رأيك،... تعالي نقعد هناك

=قوليلي بقي مالك انا عارف ان في حاجه مضيقاكي قولي ايه هي ونحلها سوا

-مفيش حاجه يكريم بقي.. متزهقنيش

كريم وهو بيحاول يهدي اعصابه

=لا فيه عنيكي بتقول فيه..عيونك حزينه ليه؟!

-....

= طب مضايقه من موضوع امبارح

-وهو ده موضوع اصلا عشان اضايق منه

كريم 

=طيب.. اومال فيه 

-مفيش حاجه يكريم مفيش حاجه 

نامت علي كتفه وحضنت دراعه جامد و عيونها مدمعة وكان نفسها تحكيلوا وتقولوا وهي ف حضنه.. بس الخوف والتوتر سيطر عليها

         _____________________

الساعه 10 مساء 

ريم ف الحمام بتعيط بحرقه مش قادره تنسي مش قادرة تعدي اللي حصل مش قادره تستوعب ولا تنسي قشعره جسمها مع لمسته ليها بتفكر تطلع تصحيي كريم وتقوله علي كل حاجه.. لانها مينفعش تسكت ده تحرش وفنفس الوقت مترددة لانها خدت حقها ومسكتتش... 

وقفت نفسها من العياط واخدت نفس عميق وطلعت عشان تنام 

اول مريحت جسمها جمب كريم حست انه صحيي

كريم وهو بيح'ضنها

 =في حاجه اصلك اتأخرتي فـ الحمام

 ريم وهي بتشد علي دراعه جامد

 _لالا مفيش..

=تصبحي علي خير يحبيبتي

              _______________

ف السفره علي الفطار :

-كريم ..انا عايزه اقولك علي حاجه

يتبع.....

رواية ما لا يقال (ريم وكريم) الفصل الرابع 4 من هنا

رواية ما لا يقال (ريم وكريم) كاملة من هنا