رواية ما لا يقال (ريم وكريم) الفصل الثاني 2 بقلم رضوى وليد

رواية ما لا يقال (ريم وكريم) عبر روايات الخلاصة بقلم رضوى وليد

رواية ما لا يقال (ريم وكريم) الفصل الثاني 2

=يبقي انتي عايزاني اطربقها فوق دماغك 

قرب من ودانها وقال

=وانا مش هنولهالك ،تصبحي علي خير  يريم

،،وهو داخل الاوضه

=متصحنيش

ريم وهي واقفه متعصبه جدااا من بروده وبعد ساعه تفكير ونرفزه دخلت الاوضه لقيته نايم قررت تنام هي كمان

_________

صحيت لقيت كريم محضر السفره وجاي من المطبخ ومعاه الشاي وقال 

=هل هذا كافي لتغفري لي عزيزتي 

ريم مدتلوش اي اهتمام ودخلت المطبخ تجيب ميه لقيت كريم حضنها من ورا وبيقول

 =انا اسف اني ضايقتك امبارح وزعلتك وعصبتك مع ان المفروض انتي اللي تعتزري 

-اوعا يكريم

=

-كمان انا اللي اعتزر ده اللي ناقص

قال وهو رايح للسفره

=لاء متعتزريش انا اهو اعتزرت وخلصنا قوليلي بقي كنا بنتلكم ف أيه امبارح 

-عن حبيبة القلب الزميله ف الشغل 

=ليه بقي الكلام ده 

-عامةً ميهمنيش لا انت ولا وهي ميخصنيش 

قال بضحك 

=احلفي كدا... اخ منك يريم

انتي لو كنتي استنيتي شويه وانتي بتراقبيني كنتي شوفتيني وانا بوقفها عند حدها وزميلنا اللي نازل معانا كان ف الحمام ورجع

-كداب كداب يكريم واخترعت حوارات

=انا كداب يريم انا عمري كدبت عليكي فحاجه قبل كدا؟؟!

قالت وهي مربعه اديها وبتهز رجليها 

 _البت دي عايزه منك ايييه

قال بِجديه مُزَيفه

=حامل مني وعايزاني اصلح غلتطي

رفعت حاجبها ومتكلمتش

=مش ده اللي مستنيه تسمعي

...والله زي مقولتلك كانت عايزاني اعزمها علي حاجه واصرت وانا عزمتها هي و وائل زملنا ف الشغل عشان منبقاش لوحدنا ودخل الحمام.. يلا بقي فوكيها

-اه يعني مش نازله معاك انت بس.. مع اتنين المحترمه 

=ملناش دعوه

ريم برفعه حاجب

 -بعد كدا مين قالك اني كنت براقبك يعني انا كنت هستناك لحد متيجي.. ده انا كنت روحت جبتها من شعرها

قال وهو بيقرب منها 

=بتغيري 

-بس يكريم

=طب تعالي نفطر عاملك بيض بالبسطرمه اللي بتحبيه 

_________

=معزومين عند اهلي انهارده 

-يوووه ماانت عارف ان مامتك مبتحبنيش روح لوحدك 

=مينفعش يريم امي عزماني انا وانتي واختي وجوزها وكلهم هيبقوا هناك بعد كدا متقوليش كدا تاني امي بتحبك زي اخواتي بظبط

-طيب يكريم 

=هاجي اخدك الساعه 5.. تكوني جاهزه 

-اوكي

قام وهو يقبلها ومشي 

_______________________

-الو يماما عامله ايه

=الحمدلله يريم انتي عامله ايه

-معزومه انهارده عند مامة كريم

بتريقه

=وده من امتي ده

-مش عارفه 

=ابقي طولي بالك بقي 

-........

=انتي عامله ايه مع جوزك

-كويسين الحمدلله

=شكلكم زعلانين

-لا ولا اي حاجه 

=طب ايه.. مفيش حاجه جايه فـ السكه كدا ولا كدا

-اه فيه

=احلفي

-والله ،الاوردر اللي طلباه

=ايه يبت العسل ده؟

-اومال انتي عايزه ايه يماما لسا بدري علي اللي فدماغك ده احنا لسا مكملناش 6 شهور جواز

=وماله يحبيبتي نستني ،ابقي سلميلي علي كريم

-حاضر ،سلميلي علي بابا و اسراء و صلاح (اخوات ريم الكبار)

=يوصل يحبيبتي ،سلام

         _____________  

=يريم انا مش قايلك تجهزي 5 يعني لسا مخلصتيش

_ عشان عارفه انك لسا هتيجي وتغير 

= جهزتيلي لبسي 

قالت بتريقه وهي بتلف له  

_اه.. بسرعه بقي انت كل مرا تأخرنا كدا

=انا برضو

قال وهو بيبص علي فستانها 

=مفيش غير الدريس ده

_ليه ماله

=بصي رجليكي

-دي فتحه صغيره 

=دي صغيره؟! دي فوق ركبتك 

قالت بسرعه

-لا مفيش غيره وارجوك متبوظش الليله 

=عشر دقايق والاقيكي خلصتي 

. . . . . . . . . . . . . . . . . . . . . . . . .

كريم وهو بيفتحلها باب العربيه

= ده ايه القمر ده 

بس القمر دايما مأخرنااا

.....فالعربيه

-اخوك هيبقبي هناك؟

=اكيد، ليه ؟

-بسأل عادي،

هنجيب ايه اكيد مش هندخل ادينا فاضيه

=انتي تحبي نجيب ايه

-مش عارفه .

          ___________

 وصلوا ودخلوا ولقيوا اسماء (اخت كريم الكبيرة) وجوزها واطفالهم موجدين وملك(اخت كريم الصغيره) وسلموا وهزروا وريم ارتاحت لما ملقيتش حسن (اخو كريم) وقالت ممكن ميجيش وفوقت هزارها مع اطفال اسماء دخل حسن وهو يحمل الحلويات وكان يرتدي بنطالاً اسود وعضلاته بارزه من القميص الابيض مع ابتسامته وشكله الوسيم 

والتوتر جواها كالعاده لما تشوفه

.... بعد مسلم علي الكل جه وسلم عليها وداس علي اديها جامد

هي متعرفش بيعمل معاها ليه كداا وليه بيحسسها بالتوتر ده بس قررت تجمد اديها هي كمان

=اهلا بمرات اخويا عامله ايه 

بنظره حاده -تمام

    _____________________________

كل اللي اعرفه ان حسن اكبر اخواته من نفس الاب لكن امه توفت.....

 بعدها بفتره ابوه اتجوز ام كريم جابت اسماء وكريم وملك 

كنت بحس انه مش سالك  لكريم حقود عليه مع ان كريم كويس جدااا معاه يمكن عشان كريم مهندس ناجح و مشهور مش عارفه..

غير نظراته ليا ببقي عايزه اقول لكريم وفنفس الوقت مش عايزه اوقع بينهم بتمني يطلع ظني غلط 

    ______________________________

 ف الجنينه الخلفيه :

كريم كان بيشوي الكباب والكفته قال

=رييم تعالي هوي معايا

ريم وهي بتتنهد بحب

-كريم اللي ميعرفش يعمل حاجه لوحده 

= يعني ابقي وحش لما اتلكك واجيبك جمبي عشان بتوحشيني 

ملك : احم ماما عايزاك يكريم 

=ديما ف الوقت المناسب يملك ،تعالي يحبيبتي نشوفها عايزه ايه ،خدي يريم لحد ماجي 

قالت وهي بتضحك

-مستنياك 

حسن وهو بياخد مروحه شواية تانيه وبيقف جمب ريم يساعدها 

: مكنتش اعرف ان الاسود بيبقي عليكي جامد كدا

-كويس انك واخد بالك بس مش كل حاجه بتتقال احترم اني مرات اخوك الكلام ده ميتقلش ليا 

= براحه عليا مش كدا مجرد رأي 

-احتفظ بيه لنفسك

قال وهو بيحط ايده فجيبه وماشي

 =موعدكيش

ع السفره :

ريم :وانتي عامله ايه يملك فالثويه العامة؟

ملك :اهو تمام قوليلي انتي ايه الحلاوه والعسل دةة

--انتي اللي قمر يمل.....

ام كريم

 :هو كريم ديما كدا بيبان تأثيره علي اللي حواليه بيحلي اللي معاه يعني

قالت بثقه وهزت كتفها 

-يبقي هو محظوظ بقي انه اخد وحده تتأثر بالحلو كدا

كريم لما لقي الحرب هتقوم

=أأ اولادك عاملين ايه يأسماء

اسماء بضحك

: كويسين خاالص

=ياتري شاطرين ف المدرسه يحبايب خالوا

..................

كريم=

ايه يحسن مش ناوي تفرحنا وتتجوز عايزين نفرح بيك ياخي

حسن بضحك

 =لاااا جواز ايه يعم انا زي الفل كدا 

.............

حسن انحني تحت السفره عشان يجيب مفاتيحه اللي وقعت اللي ريم حست انه موقعها بالعامد وحست احساس قووي انه هيعمل حاجه لانه اتعمد من البدايه يقعد جمبها.....ومن ناحيتها التانيه كريم...

واحساسها عمره مخاب...

يتبع...

رواية ما لا يقال (ريم وكريم) الفصل الثالث 3 من هنا

رواية ما لا يقال (ريم وكريم) كاملة من هنا