رواية زوجي معاق الفصل الرابع 4 بقلم شيماء طارق
رواية زوجي معاق الفصل الرابع 4
#روايه_زوجي_معاق
#الفصل_الرابع
#شيماء_طارق
بسم الله الرحمن الرحيم
"""""""""""""""""""*"""""""""""""""
مراد بابتسامه هاديه قال: ايوه فعلا انا بحضر رساله الدكتوراة بس برده أنا عندي فرع من الشركه بتاعتي هنا!
منى: اه ماشي هتيجي امتى
مراد باستغراب :بتسالي ليه؟!
منى باحراج قالت :علشان انا ما اعرفش حد هنا وهفضل طول اليوم قاعده لوحدي !
مراد: انا جبتلك تليفون عندك على السفره عليه رقمي ورقم ماما وبابا ومامتك وباباكي تقدري تكلمي اي حد لو حسيتي بملل!
منى بسعادة قالت: تمام شكرا يامراد!
خرج مراد وفضلت منى
لوحديها منى روقت الشقه وعملت الأكل علشان مراد وقعدت تستناه قدام التلفزيون وجابت فيلم كرتون وقعد تتفرج عليه جه مراد من الشغل وكان تعبان و اتاخر قوي لانه كان عنده الضغط شغل.
مراد اول ما دخل وهو مرهق جدا وبيقول: ازيك إيه اخبارك عامله إيه يا منى؟!
منى ::الحمد لله بخير احضر لك الغداء ؟؟
مراد ::اخذ شاور الاول وبعد كده اتغدى !
راحت منى جهزت السفرة وبعد كده اتغدت هي ومراد
واحد صاحب مراد اتصل بيه ومراد كان فرحان جدا وهو بيرد عليه.
مراد: الو ازيك يا احمد عامل ايه!!
احمد: الحمد لله يا هندسه سمعت انك اتجوزت مبروك يا عريس ؟؟
مراد:: الله يبارك فيك يا احمد ربنا يخليك يا حبيبي انتم السابقون ونحن ان شاء الله بكم لاحقون؟!
منى بصت لمراد وهي متضايقه جدا ومراد اتحول 180 درجه بيهزر ويضحك وكمان بيقلش.
احمد: ليه يا اخويا هو انت مت ما انت زي الفل اهو بالمناسبه الحلوة دي انا عازمك عندي على الغداء تجيب المدام معاك هنتشرف بوجودها ؟؟
مراد::ان شاء الله يا احمد عايز حاجه يا حبيبي؟!
احمد: لا سلامتك يلا سلام!
مراد قفل التليفون مع احمد ومنى كانت بتبص له من فوق لتحت وكانت متغاظه جدا وهي بتقول له:مين اللي كان بيكلمك يا مراد وحلوة انتم السابقون ونحن اللاحقون دي؟؟؟؟
مراد وهو بيحاول يكتم ضحكته وبيقول: بهزر مع صاحبي في ايه يا منى ما تكبريش الموضوع وكمان ده صاحبي ومعايا في نفس الشركه!
منى:امممم
مراد ::هو عازمني انا وانتي النهاردة عنده في البيت ان شاء الله ؟؟
منى :تمام يا ريت انا نفسي اخرج لاني زهقت من قعده البيت ومش بحب اقعد في البيت كثير!
مراد:: تمام جاهزي نفسك على الساعه 7:00 هنروح عنده
البيت!
دخلت منى جهزت نفسها وكانت غايه في الجمال اول ما شافها مراد تنه
منى:: ايه مش يلا مراد يلا بينا ؟
مراد هو متنح ومش عارف يتكلم وبيقول :تمام تمام يلا
مراد وصل بيت احمد اول ما دخل احمد رحب بيهم جدا هو ومراته وبعد كده قعدوا عشان يتعشوا سوا بس كانت نظرات احمد مش كويسه لمنى هو كان معجب بحجابها وان هي مش حاطه اي ميك اب في وشها وان هي طبيعيه.
احمد بيقول لمراد بمنتهى الوقاحه: انت كل حاجه بتكون احسن مني في الدراسه حتى في الجواز كنت فاكر اني سبقتك واتجوزت احلى بنت في الدنيا كلها طلعت غلطان وانت اللي سبقتني برده يا ابن القرده؟!
مراد::😠😠
مني ومراد اتضايق جداً ومراد وحس بالغيرة وما كانش قادر يتكلم لان هو كان في بيته وبعد كده منى علشان تخف التوتر طلبت من مرات احمد اللي كانت قاعده ومتضايقه جداً من طريقه جوزها ان هي تدخل الحمام.
مراد أول ما منى طلعت من الحمام قال لاحمد: شكرا على العزومه يا احمد يا ريت ما تتكررش تاني علشان مش هاجي ؟؟
احمد هو بيحاول يمسك في مراده عايزه يقعد وبيقول:دي لسه بدري يا مراد؟
مراد :بدري من عمرك يا احمد! يلا يا منى عشان ورايا شغل
الصبح
اتحرك مراد ومنى من بيت احمد منى مصدقت ان هي تمشي من بيت احمد مراد.
مراد كان شكله باين عليه الضيق وهو بيسال منى وبيقول لها::ايه رايك في العزومه يا منى ؟
منى حابه تستفز وقالت:: لطيفه جداً واحمد ومراته ناس لطاف جدا انا اول مره اعرف ان المهندسين دمهم خفيف كده؟
هي طبعا ما كانتش طايقه احمد بس هي كانت عايزة تغيظ مراد وطبعا هي نجحت في كده مراد سكت وما ردش عليها وبدا يسوق بطريقه خوفتها جدا وبعد كده وقف العربيه مره واحده
منى وهي مرعوبه جدا بتقول::مراددددددد؟
مراد بعصبيه وهو بيزعق فيها وبيقول: نعم عايزه تقولي حاجه تاني ؟
منى: بالراحه يا مراد انا بخاف قوي انا عملت ايه في ايه انا والله مش هتكلم خالص انا هسكت؟!
مراد حاول يهدي نفسه وهو بيشغل العربيه وهيمشي تاني وبيقول: خلاص مش عايز كلام تاني في الموضوع ده!
راح البيت منى ومراد كل واحد دخل اوضته مامه مراد كلمت ومنى حكيتلها على كل حاجه وهي قالت لها تتجنب احمد خالص وما تقولش المراد على حاجه عشان ما يحصلش مشاكل بينه هو وصاحبه ومنى نفذت اللي حماتها قالتلها عليه عدى كم يوم على الزيارة دي في يوم مراد راح الشغل وتاخر جدا ومنى كانت هتمو'ت من الرعب وكل شويه بيتهيا لها حاجات وفضلت تتصل بمراد كثير واخر ما تعبت فضلت تعيط بطريقه هستيريه وفضلت طول الليل رايحه جايه بس مع شروق الشمس مراد جاء من الشغل ومنى اول ما شافيته جريت عليه وحضنيته وكانت بتعيط على اخرها ومنظرها كان يخوف.
مراد خدها في حضن وطبطب عليها وقال:: مالك يا منى ايه اللي حصل حد زعلك حد عملك حاجه ؟
منى كانت مرعوبه جدا وكانت خائفة ومراد اتاكد من ده وفرح جدا ان منى ما بتحسش بالامان غير في وجوده دي حاجه اديته عزيمه وقوه من جواه ظ
منى بهدوء وهي بتطلع من حضن وبتقول:: انا جعانه قوي يا مراد
مراد وهو مصدوم قال :انتي اخر مره اكلت امتى ؟؟
منى باحراج:"انا اكلت اخر مره معاك الصبح!😳
مراد:: يا مجنونه انتي ما اكلتيش من ساعه ما فطرتي معايا ؟؟
منى :انا مش بعرف اكل لوحدي !
مراد بدا يحس بوجوده مع منى ان هي خلاص اتقبلته وبقت مش بتعرف تاكل او تنام من غير ما يكون موجود .
مراد وهو بيبص لها بحبه وبيقول: منى انا عامل لك مفاجاه كبيره جدا غمضي عينك؟!
تابع....؟؛
رواية زوجي معاق الفصل الخامس 5 من هنا
لقراءة الرواية كاملة (جميع الفصول) من هنا
