رواية حنين وأحمد عبر روايات الخلاصة بقلم سلمى أيمن
رواية حنين وأحمد الفصل الأول 1
_هو حضرتك بتبصلي كده لي
انتبه ليها بعد ما كان سرحان فقال
=هاا.. لا مفيش حاجه بس اول مره اشوف حضرتك هنا
_ازاي يعني ما انت ساكن في بلكونه اللي قدامي... ولا انت لسه ساكن هنا جديد
=لا انا بقالي سنين عايش هنا بس ممكن عشان ماليش في وقفه البلكونه اوي وكل فين وفين بقف هنا فا اول مره الاحظك
_اممم ممكن...
=هو مش ده بيت طنط نعيمه
_ دي تبقا امي.. انت تعرفها
=ايوه بسلم عليها كل ما اشوفها ومكنتش اعرف انها عندها بنت
_بنت وولد عندي اخ اصغر مني اكيد شفته بيلعب كل يوم في شارع اسمه محمد
=محمد... انتي تبقي اخته
ضحكت بخفه وقالت
_ايوه
=رغم السن اللي ما بيني وبينه بس فيه صداقه قويه بينا بحبه الواد ده اوي
_ايوه محمد محبوبه في شارع هنا
صمت للحظه فقال
=معلش لو مش هزعجك.. ينفع تقوليلي اسمك اي
_اسمي حنين
=وانا احمد اتشرفت بيكي
قالت بأبتسامه خفيفه
_وانا اكتر بتمنالك التوفيق... انا..هقفل البكونه دلوقتي لاني ورايا اشغال هعملها دلوقتي
وبادلها الابتسامة وقال
=اها طبعا اتفضلي
وفضل باصص عليها لحد ما غابت عن عينيه، وكان هو زاي ما هو متحركش والابتسامه في وشه
_الظاهر هقدي باقي عمري في بلكونه هنا
وقبل ما يطلع شاف في الشارع الشاب اللي بيدعي "محمد" وخطرت في باله فكره وارتسمت ابتسامه خبيثه في وشه ونزل بسرعه من بيته وهو بينادي عليه
_يا محمد... يالا يا محمد
بص عليه محمد بأستغراب وقال
= نعم
_عامل اي
استغرب اكتر من سؤاله وبصله من فوق لتحت وقال
=انت مين يايسطا
_اي يا محمد بسلم عليك
=وهو انا مشهور في المدينه عشان اي حد يشوفني يسلم عليا
_ وفيها اي قولت اتعرف عليك وكمان احنا بنشوف بعض كل يوم فا نعمل صداقه حلوه مابينا
=تمام يسطا مفيش مشاكل
_انا اسمي احمد هكون سعيد جدا بصُحبتك يا محمد
=هو انت معندكش صحاب
_لا عندي بس بتسأل لي
=اصل بصراحه من طريقتك دي كانك وحيد مقطوع من شجره ولا عندك قريب ولا زميل حسيتك لما شفتني لاقتني الامل الوحيد في صُحبته
ضحك بخفه من كلامه
_عسل عسل يا محمد بقولك اي... طالما بقينا صُحاب وكده ما تديني رقمك
بصله محمد من غير كلام فقاله احمد
=اي في اي
_بصراحه يا زميلي انا مش مطمنالك
=لي عملت اي
_ احنا مكملناش خمس دقايق علي بعضهم وصحبتني وعرفتني وعاوز رقمي وشوية كده وهتقولي اسم امي اي.. انت ناوي علي اي يسطا
=يا حبيبي عادي صُحاب وكده
_يسطا انا معرفكش عشان اديك رقمي انت هتضحك عليا انا مبتمشيش معايا الحورات دي وامشي روح شوف طريقك
عاله صوته في نهاية كلامه فأرتاب احمد لحسن حد يشك فيه فقال
=طيب بص هقولك علي حاجه بس ده مابيني و بينك ومتقولهوش لحد
_ايوه كده هتكون صريح معايا وتقولي اي خطتك من البدايه هكون معاك بلسم في الحكايه... قول يسطا وسرك في بير
شاور له احمد في البلكونه اللي في دور التاني اللي جمبيه وقال
=شايف البلكونه دي اللي في العماره في دور الثاني دي
_ايوه مالها
=انت اكيد ساكن هنا صح
_وانت ايش عرفك انا ساكن فين
=يعم متقلقش بقول بس.. مش ساكنه معاك اختك حني
وقبل ما يكمل جملته مسكه محمد من ذراعه بغضب وانفعال
_ وانت مالك ومال اختي يا ياض ليك شوق في حاجه فيها ولا اي
بصله احمد بتعجب ولاحظ انظار الناس عليه وقال بأبتسامه خفيفه
=اي يا محمد.... مالك يا حبيبي في اي ما كنا هاديين سوا انفعلت لي
ضغطت محمد علي ذراعه اكثر وقال
_لا بص تيجي عليا اعديهالك تيجي في حد من صحابي مليش فيه انما اختي خط احمر واللي رجله تخطي فيه ميلومش غير نفسه
قال بصوت واطي
=انا فخور بيك والله
_بتقول اي عالي حسك وسمعني
بص ليه ومسك ايده وهو بيحاول يشيلها
=طب احترم السن اللي مابينا حته وسيبني اكمل جملتي عشان تفهمني
_لو علي اختي يبقا يغور السن ولا حدود طالما كده
=يبخت اختك بيك والله بس شيل ايدك واعرف باقي كلامي اي
نزل ايده وسمع التاني وهو بيقول
_بص انا معجب بي اختك وحبيتها فا عاوزك في خدمه بسيطه تخليني اتواصل معاها
=وانت عاوزني اديك رقم اختي بالسهال كده ولا كانك هتتفق معاها علي شغل معلش معندناش بنات لجواز
_يا حبيبي انا مش جاي اتسلي انا فعلا بحبها
=معلش شوف غيرها تحبها انما اختي متنفعش
_طب لي يعني اي سبب شايف فيا حاجه غلط
=انت كلك غلط في غلط
_نعم قصدك اي
تنهد محمد بزهق وقال
=بص حطها حلقه في ودانك اختي مش للجواز وهيا حاليا مركزه في دراستها لما تخلص ابقا شوف الحوار مع ابويا مش معايا انا اشطا يا صاحبي
_هيا في سنه كام
=في ثانيه ثانوي
_احلف بالله ده انا افتكرتها اكبر
=شوفت بقا قولتلك مش هتنفعك
_طب بص انت مش عاوز اختك تنجح وتبقا من الاوائل
هز راسه بنعم فاكمل تاني
=انا بقا ممكن اساعدها واخليها من اوائل معايا صحاب كتير قدها ممكن اخليهم يبعتولي الملازم ودورس وانا علي فكره كنت من الاوائل وانا في تانيه فا هعرف اساعدها اوي
_بس لو
قاطعه احمد وقال
=متقلقش مش هعمل حاجه
_بس انا بردو مش هقدر اديك رقم اختي
=مش عاوز رقم اختك بس اقدر اكلمها من تلفونك
_امممم ينفع بس هيا مكالمه واحده بس
=اشطا يا صاحبي
وقال في سره
_كده اشطا علي العسل
....
حل الليل والشوراع بقت منوره بي اضواء خفيفه من محلات اللي في شارع وكان في شقه اللي بيها حنين وهيا قاعده بتتفرج علي شارع وبتشوف اخوها محمد وهو بيلعب
فا سمعت صوت تلفونه وهو بيرن فقالت بصوا عالي عشان يسمعه
_محمد تلفونك بيرن
مسمعهاش لانه كان مركز في الكوره اللي بيلعبها فا نادت تاني عليه وقالت نفس كلام فا انتبه ليها وقال
=ردي عليه ده صاحبي قوليلو انو انا مش فاضي
ردت علي تلفون وسمعت صوت شخص وكان مألوف عليها شوية بس قالت
_محمد مش فاضي دلوقتي لما يخلص هخليه يكلمك
وقبل ما تبعد التلفون من ودانها قالها
=انتي معرفتنيش لسه
_اعرفك لي.. انت مين
=ركزي شوية وانتي هتعرفي
_اي قلة الادب دي.. ولا احترم نفسك
= شبه اخوكي في اسلوبه بالظبط
صمتت دقيقه وقالت بتعجب
_متقوليش هو انت
فكمل هو كلامها
= ايوه هو انا بتاع بلكونه
_معلش مكنتش اعرف انو انت.. قصدي يعني معرفتكش فا معلش علي طريقة كلامي
=لا ولا يهمك عادي
_انت كنت عايز محمد في حاجه
صمت قليلا وهو مش عارف يرد بي اي فقالت هيا
_الو.. انت معايا
=ايوه معاكي معلش دوست علي صمت الصوت بالغلط... كنت بقول كنت عاوز محمد في حاجه كده كنت مستلفها منه فا قولت ارجعله
_اهاا تمام هو.. هو بيلعب في شارع انديهولك تديهالو
=لالا عادي في يوم تاني ارجعهاله.. بقولك اي هو انتي في ثانيه ثانوي مش كده
_ايوه عرفت ازاي
=بعرف احزر سن اي حد من اول ما اشوف وشه من اول لحظه
ضحكت وقالت
_والله
=مش دايما عشان محلفش كذب.. طب تديني انا كام كده
_اممممم 26 كده
=يا شيخه حرام عليكي كبرتيني كل ده لي
_ مانا معرفش مش شاطره في حاجات دي
=انا 22
_امم مش بعيده اوي
= اربع سنين ومش بعيده اوي
_عادي طب انا اللي يشوفني يقولي 25 سنه ومعظم الناس افتكرتني متجوزه ومخلفه كمان
=لا يا ستي مش لدرجه متجوزه
_ناس معندهاش نظر بيجوزوني وانا لسه سنجل
=انتي متقليش عن تسعه سنين ولا اللي شايف اكتر من كده يبقا محتاجله نظاره يلبسها
ضحكت بخفه وقالت
_مش لدرجتي كده
سمعت صوت من وراها
= بتكلمي مين وانتي بتضحكي بالشكل ده
يتبع....
رواية حنين وأحمد الفصل الثاني 2 من هنا
