قصة رجلان وامرأة ( قصه حقيقيه ) بقلم أحمد عبد الرحيم
قصة رجلان وامرأة
#جرائم_حقيقية #رجلان_وامرأة
الأيام دي قصة المستشار المجرم أيمن حجاج رجعت للواجهة
بشدة بعد حلقة من مسلسل اتذاعت قريب .
قصة أيمن حجاج وشيماء جمال وحسين الغرابلي حصلت في يونيو 2022 وقتها مصر كلها اتكلمت عنها .
أيمن حجاج مستشار كبير ليه وضعه ومكانته دا في الظاهر لكن في الباطن كان فاسد كبير ومجرم في حق الدولة.
قابل المذيعة الجميلة شيماء جمال.
جميلة مثقفة مطلقة،وعندها بنت
عجبته ،
اتجوزها لكن زواج عرفي واشترط إنها ما تعرفش حد علشان هو متجوز بالفغل وعنده أسرة.
بعد الجواز انكشف القناع عن وجه أيمن الحقيقي
وظهر تحت وجه رجل العدالة ،وجه زعيم عصابة
متورط في صفقات مشبوهة وأحكام لمصلحة أشخاص
عنده عقارات وممتلكات وثروة كبيرة من أعماله المشبوهة
بعض المصادر قدرت ثروته بحوالي 400 مليون جنيه .
شيماء عرفت أفعاله وللأسف وافقت عليها وبدأت تساعده في عقد الصفقات مقابل نسبة .
بعد فترة بدأت تلح عليه في إعلان زواجه منها وكمان تطلب منه متطلبات مادية أكتر.
أيمن شعر أنه اتورط بشدة وأن شيماء تمثل حبل ملفوف على رقبتها وبفكركم إنها كانت مذيعة .
فكر يقتلها وبدأ يخطط .
جه في باله شحص يعرفه اسمه حسين، الغرابلي
رجل أعمال ، لكنه أيضًا شحص مشبوه.
أيمن قابل حسين وكلمه عن مشكلته وفي نفس الوقت حسين حكاله عن مشاكل مادية عنده وحاجته لملايين.
تم الإتفاق بينهم .
تخلصني من شيماء وأخلصك من ديونك
وكأنها قصة فيلم عربي بوليسي .
رتبوا كل حاجة مع بعض وبداوا التنفيذ
أيمن قال لشيماء أنه هيشتري لها مزرعة وهياخدها يفرجها عليها.
شيماء صدقت وفرحت بالمزرعة وراحت معاه وهناك كان حسين منتظر .
قالها أنه السمسار اللي هيحلص في المزرعة .
في لحظة كان كعب مسدس أيمن في رأس شيماء في ضربة عنيفة. وبعدين الإتنين خنقوها.
لما أدركت اللي بيحصل صرخت وبكت وتوسلت وقالت لأيمن:
حرام عليك ..ما تقتلنيش. عندي بنت اربيها
لكن هيهات.
خنقوها وربطوا جثتها بحبال وجنزير ووضعوها في حفرة جوا المزرعة اللي كانوا مأجرينها .
ورشوا على جسمها ووجهها مية نار علشان ما حدش يعرفها
شيماء اختفت، والدتها وبنتها عرفوا أيمن،
بدأ يدور معهم ويبكي بدموع التماسيح على " زوجته الحبيبة " لكن في لحظة شركاء الجريمة اختلفوا.
أيمن تهرب من حسين وما دفعش المبلغ اللي اتفقوا عليه
الشرطة كشفت الجريمة كلها .
أيمن راح السويس واختفى هناك وكان يستعد للهرب من مصر
اتقبض عليه واعترف بكل شيء بالتفصيل.
كان في انتظاره حكم الإعدام هو وحسين.
وفي صيف 2025 اتنفذ الحكم. بالفعل .
اللي فتح الموضوع حلقة المسلسل اللي اتذاعت وبدأت والدة شيماء تظهر في الإعلام تتكلم عن الفضية .
المصادر:
موقع مصرواي
موقع المصري اليوم
موقع اليوم السابع
#أحمدعبدالرحيم
