رواية تزوجت تلك المجنونه الفصل الأول 1بقلم ساره سالم
رواية تزوجت تلك المجنونه الفصل الأول 1
#تـزوجـت_تـلـك_المجنونة
بـارت 1
#بقلم_سـاره_سـالم
ياسين: صباح الخير يحبيبتي
ساره بضيق: صباح النور
ياسين: اممم مالك قلبه وشك ع الصبح ليه
ساره: ليه انت مش عارف انت عملت اي
ياسين باستغراب: عملت اي انا معملتش حاجه
ساره: لا والله اعمل نفسك ملاك بقا
ياسين بضيق: ملاك اي وعملت اي انجزي قولي في اي ع الصبح
ساره: نقصك اي علشان تخوني يبتاع النسوان انت
ياسين برفع حاجب: نعم يختي خونتك امتا انا
ساره: ف الحلم
ياسين: ف الحلم امممم طيب ي حبيبتي انا هنزل الشغل وخليكي انتي مع احلامك ولما ارجع هبقا اشوف الموضوع ده واهاا ياريت يعني ملكيش دعوه بي حد
ساره: اي ده هو مشي من غير م يتأسف حتا طب والله لامشي عند اهلي ي ياسين وهوريك
ف مكان تاني
مامته: صباح الخير يحبيبي
ياسين وهو بيبوس ايد مامته : صباح الفل ي ست الكل
مامته: رايح الشغل يحبيبي
ياسين: ايوا ي ست الكل عايزه حاجه
مامته: عايزه سلامتك وعايزك بخير ع طول يحبيبي
ياسين: سلام
مامته: سلام
ياسين مشي وراح شغله وهو هيتجنن من مراته اللي كل شويه تقوله حاجه شكل
نرجع تاني عند ساره
ساره وهيا بتكلم مع صحبتها ف الفون
ساره: يبنتي بقولك نزل ع الشغل وسبني كده
صحبتها: طب انتي عايزه اي دلوقتي واحد قايم من النوم مراته بتقوله انت بتخوني ف الحلم عايزا يعمل اي 😂
ساره: بس اسكتي انتي متعرفيش حاجه بقولك اي انا هقفل دلوقتي وهروح عند اهلي ولما اوصل هناك هكلمك
صحبتها: تروحي عند اهلك ليه؟
ساره: كده عايزه اروح اقعد يومين هناك وكده كده انا بتلكك علشان اروح عندهم واقعد يومين 😂
صحبتها: يخربيتك
ساره: اومال لو تعرفي انا هعمل فيه اي قبل م امشي
صحبتها: هتعملي اي يمصيبه انتي
ساره بخبث: ملكيش دعوه اقفلي يلا باي باي يروحي
صحبتها: ربنا يستر وربنا يعين جوزك والله
ساره قفلت مع صحبتها وهيا بتفكر تعمل اي قبل م تمشي (والله هو م ناقص هو هيتشل لوحده والله 😂)
ساره بخبث: بس لقيتها
ساره: الوو ايوا ي عمو حسين
عمو حسين: ايوا يبنتي عامله اي
ساره: بخير ي عمو حسين لو انت ف المحل كنت عايزه شويه حاجات
عمو حسين: تحت امرك يبنتي قولي
ساره بخبث: كنت عايزه *****************
عمو حسين: ماشي يبنتي كده الحساب 1000جنيه
ساره: ماشي ي عمو حسين ابعتلي الحاجه دي بعد ساعه ونص كده يكون ياسين جه بس علشان يحاسب (قصدك علشان يتشل 😂)
عمو حسين: لو عايزه الحاجه دلوقتي مفيش مشكله الفلوس بعدين (ونبي انت غلبان خالص ي عمو )
ساره: لا لا تسلم مش عايزهم دلوقتي
هااا نخش ع اللي بعده بقا
ساره: ايوا ي عمو علي
عمو علي: ازيك ي ست البنات
ساره: بخير الحمدلله كنت عايزه شويه خضار وفاكهه من عندك
عمو علي: اتفضلي ي ست البنات
ساره: عايزه *************
عمو علي: ماشي كده الحساب 700جنيه
ساره: تمام ابقا ابعتلي الحاجه بعد ساعه ونص يكون ياسين جه بس
عمو علي: تحت امرك ي ست البنات
ساره: الوو مطعم ***
~ايوا ي فندم مع حضرتك
ساره: كنت عايزه اعمل اوردر
~تمام ي فندم اتفضلي
ساره: تمام عايزه ********
~تمام ي فندم حساب حضرتك 2000 ممكن العنوان ي فندم
ساره: العنوان *********
ساره دخلت الاوضه وجابت كل هدوم جوزها وطلعت وحطيتهم في البانيو وفتحت عليهم المياه وطلعت لمة هدومها وغيرت هدومها وهيا ماشيه فصلت الراوتر وخبته بس افتكرت حاجه ف رجعت تاني راحت جايبه صابون وحطتو عند باب الحمام ومشيت نزلت ركبت وف طريقها لبيت اهلها نزلت بوست ع الفيس وكتبت فيه (شقه للبيع مسحتها حلوه جداً وسعرها لقته وللتوصل فون وكتبت رقم جوزها)
ساره: علشان تبقا تخوني تاني ف الحلم ي ياسين (اومال لو كان ف الحقيقه كان اي اللي هيحصل 😂)
عند ياسين
ياسين: هيا مرنتش ليه هيا زعلت بجد طب ده حلم انا مالي طيب يارب صبرني
صاحبه: انت بتكلم نفسك
ياسين: اسكت متركزش معايا ويلا علشان نمشي
صاحبه: يلا
ومشي ياسين هو وصاحبه ياسين طلع شقته ولما دخل فضل ينادي عليها بس هيا مش بترد ف فكر ان هيا نزلت عند مامته ف لاقي تلفونه بيرن ف رد
ياسين:سلام عليكم مين معايا
ـــ حضرتك منزل اعلان ان في شقه للبيع
ياسين: لا الرقم غلط انا منزلتش حاجه ومعنديش شقق للبيع اصلا
ـــ ازاي حضرتك الاعلان لسه نازل من شويه
ياسين: بقول لحضرتك معنديش شقق للبيع سلام
وقفل وكل شويه رقم يرن ويقوله نفس الكلام
لحد مازهق وقفل الفون قام علشان ياخد شاور مالقاش هدومه جه يخش الحمام اتزحلق ووقع ع ضهره حاول يقوم وكل مايجي يقوم يقع تاني وف الاخر قام واتصدم لما لاقي هدومه كلها ف البانيو
ياسين: اهاااا ي جزمه بتحطي هدومي كلها وحيات امي ماااشي جه يطلع اتفكر الصابون اللي ع الارض عمله ومسحه وطلع لاقي الباب بيخبط راح فتح
ياسين: ايوا يبني
الولد الي واقف: الست ساره طلبت الحاجات دي من عمي حسين والحساب 1000
ياسين بصدمه: 1000نهار ازرق ماااااشي ي ساره
حطهم هنا يبني لحد مااجيب الفلوس واجي
عند ساره كانت وصلت بيت اهلها وسلمت عليهم ودخلت غيرت هدومها وقفلت الفون وطلعت اقعدت مع مامتها تستنا باباها لحد مايرجع من شغله
نرجع عند ياسين تاني
بعد مادفع الفلوس بتاعت السوبر ماركت لاقي الباب بيخبط تاني
ياسين: ايوا
ـــ الست ساره طلبت الحاجات دي والحساب 700
ياسين: 700اممم منك لله ي ساره ثواني هجبلك الحساب
الولد مشي وهو قاعد ماااشي ي ساره اشوفك بس وربنا م هسيبك بس اصبري عليا مكملش كلام ولاقي الباب بيخبط اهااا ده اكيد الجزار
( مفاجاه ي فوزي 😂)
ياسين من غير مايعرف سال ع الحساب ع طول
بتاع الدليفري: 2000ي فندم
ياسين بصدمه اكبر: 2000 ماشي ثواني
خد الحاجه ودخل 3700ف نص ساعه ده غير اللي عملته ف هدومي والصابون بس كده انا عرفت هيا اللي نزلت الاعلان (انت لسه واخد بالك 😂😂 ) اهاا ي حيوانه ده انتي يومك اسود
فتح تلفونه وبيرن عليها تلفونها مقفول جه يبعتلها ع الواتساب النت مش شغال عنده راح يشوف الراوتر ملقهوش نهارك ازرق انتي شلتيه طب اعمل فيكي اييييييه وانتي مش باينه من الارض اصلا
(ده بقا اسمه تنمر) راح عند مامته وسال عليها بس مش هناك رن ع حماته
ياسين: ازيك ي طنط عامله اي
حماته: بخير يحبيبي طول مانت بخير
ياسين: يارب دايما اومال ساره فين برن عليها تلفونها مقفول
حماته: ف المطبخ وبتقول تلفونها فصل شحن ثواني هنادي عليها تاخد التلفون ساره انتي ي بت
ساره: نعم ي ماما في اي ي وليه انتي(ولازمتها اي ماما بقا)
مامتها: خدي ي ام لسان طويل عايز قصه خدي ردي ع جوزك
ساره بتوتر: جوز مين جوزي انا
مامتها: اومال جوزي انا يعني
ساره: مش يمكن ي ماما بابا هو اللي بيتكلم 😂
مامتها: خدي ي زفته الله يعين جوزك عليكي والله
ساره: الوو
ياسين بعصبيه: بتقفلي تلفونك ي ساره ع اساس مش هعرف اكلمك مثلا ولا هعرف اوصلك ينفع اللي انتي عملتيه ده؟
ساره: انا نسيت اعملك بلوك من عند ماما اصلا
ياسين: كمان وحيات امي ماشي انا هجيلك وهشهد امك وابوكي عليكي وبعد كده هنمشي ع شقتنا و حسابنا هيبقا بيني وبينك وانتي اكيد عارفه العقاب بتاعي بقا
ساره برعب بس بتحاول تداري: ع فكره انا مش خايفه
ياسين: واضح اووي هنشوف ي سرسور وقفل ف وشها
ساره:ده قفل ف وشي عادي كده ونبي تستاهل اللي عملته اروح افرفش شويه بقا قبل ماينكد عليا (ده مفيش احساس خالص 😂)
يتابع
رايكم ف الكومنتات اكمل ولا
ولايك جميل زيكم
#بـقـلـم_سـاره_سـالم
