رواية ليلى وٱسر عبر روايات الخلاصة بقلم سلسبيل أحمد
رواية ليلى وٱسر الفصل السادس 6
ليلي: ايوا بس اسر .. انت عارف ان بينهم مشاكل و
قاطعها خبط اسر على ازاز العربيه وهوا متعصب!...
ليلي : احيه اسر افتح افتح
محمد فتح قفل العربيه راح فاتح الباب بسرعه وشدها من العربيه جامد
محمد نزل ولفله : براحه عليها اية الغشوميه داي
ليلي : اهدا يا اسر في اية
اسر : هو انا مش قولتلك قبل كدا ملكش دعوه ولا عايزاني اضربك تاني؟
ليلي: يا اسر عيب كدا
محمد ابتسم عشان يستفزه وبص ل ليلي: انا ماشي خلي بالك من نفسك يا جمر
ليلي : باي يا محمد
وبصت ل اسر بنرفزة
أسر فضل واقف باصص عليه لحد ما مشي وبعدين بص ليلي وهي عملت من بنها
اسر: والله؟
ليلي : اية ! علفكره انت مجنون كنا بنتكلم مجرد
كلام محصلش حاجه دا ابن عمي يعني !
اسر خد نفسه واتكلم بعصبيه بس بصوت واطي : مش هكلمك فالشارع قدامي!
ركبت العربيه وطول الطريق ساكته
واول ما وصلوا فتحت الباب وطلعت تجري
اسر : خدييي يعني هتروحي فين ما احنا لينا بيت يلمنا
ليلي دخلت عندهم بسرعه وقفلت الباب من جوه
فاطمه: يا ساتر في اية بتجري كدا ليه
ليلي ضحكت : عشان اقفل على اسر
فاطمه : عملتي اي
اسر طلع : كمان رايحه تستخبي فى شقتنا يا بجاحتك يا شيخه افتحي الباب يابت بدل ما اكسر وأدخل اكمل على تكسير على دماغك
ليلي : مش هفتح
فاطمه : حصل اية يابنتي ماله
ليلي : كنا بنتكلم انا ومحمد جه كلمه بمنتهي قلة الذوق يكلمه وبيقوله هضربك تاني
فاطمه : تاني يا اسر؟
اسر : يا ماما افتحي
فاطمه : افتحيله يابنتي
ليلي : لا ونبي ياخالتو
اسر : خايفه من اية دا انا هتفاهم معاكي بس
ليلي : يلا يكدااااب يكداااب
اسر : بقي قاعده معاه فالعربيه!!!
ليلي : يعني انا كنت قعدت معاه فشقة
اسر بزعيق : اههه يبنت المستفزه اااااااااافتحيييي يا مامااااعععععع
ليلي جريت على اوضته وقفلت الباب وفاطمه فتحتله : استهدي بالله كدا محصلش حاجه
اسر : ماما اسكتي انتي انا هربيها دي بتقولك شقه
ليلي من وراه بابا اوضته : تربي مين ياض دا انا ابلعك
اسر : حلو اوي يا شبح اخرجيلي بقي وريني نفسك
ليلي : لا انا مبسوطه فى اوضتك هنا تصدق الفيو حلو اوي من عندك
اسر خبط الباب جامد فا اتفتح
ليلي بخضه ورجعت لورا : اية المفاجآه الغير متوقعه دي !!
اسر قرب عليا ومسكها من قفها : سمعيني هه اسمع كنتي بتقولي اية؟
ليلي : بقول مليش غير اسر حبيبي الى هيقعد نتفاهم براحه
اسر : بتقعدي معاه فالعربيه ليه؟
ليلي : اصل في موضوع هوا تقريبا مصيبه وهيعصبك اوي
اسر : اكتر من كدا
ليلي : يووووه بكتير
اسر : هاه ؟
ليلي بصوت واطي خالص: محمد قالي تروح تطلبني من عمي
اسر : مش سامع علي صوتك
ليلي بصتله : عمي عمي
اسر : ماله؟
ليلي : احم تطلبني منه فالبلد وكدا
اسر : نعم يختييي!!!!!
فاطمه : بطل يا اسر بقي وتعالوا هنا ليلي جريت على عندها
ليلي : ياعيني دا اتصدم!
فاطمه : فيه اية؟
ليلي حكاتلها
فاطمه : عنده حق ماهو دا الي كنت هعمله
اسر : نعم انتوا بتهزروا؟
فاطمه : المشاكل ملهاش علاقه انت لازم تطلبها من اهلها
اسر : احنا اهلها!
فاطمه : هما اقرب ليها منك حسب القانون والشرع يا اسر والمفروض وكيلها عمها
اسر : اهه فا اروح هناك اطلبها ؟
فاطمه : بالظبط شوف هتروح امته بقي انا قايمه اعملكم الاكل وبلاش خناق يواد انت اياك تكلمها
ليلي : حبيبيتي حبيبيتي
اسر : خططها صح ابن ال....
ليلي : خطط اية كدا كدا هي متخططه
اسر : مش رايح فى حته
ليلي : احسن انا اصلا مش بحبك هاروح اتجوز محمد
اسر : ابقي فكري كدا عشان اكسرلك رجيليكي ياروحي.
ليلي ضحكت : خلاص يبقي تروح
اسر : انسي.
* بعد يومين الساعه 7 الصبح *
على طريق الصعيد _
اسر : الواحد برضو كلمته لازم تمشي
ليلي فضلت تضحك جامد
اسر : اضحكي اضحكي اوعي تكوني فكراني مدايق انا جاي بمزاجي
ليلي : طبعا امال
اسر : اه
ليلي بصوت واطي : علفكره انا بحبك اوي
اسر اتفاجئ : اية مسمعتش؟
ليلي بتمثيل : مقلتش حاجه!
اسر : طب انا بحبك اكتر علفكره
ليلي بأبتسامه : طب ممكن طلب
اسر : اهه قولي كدا يبتاعت مصلحتك
ليلي : اخس عليك
اسر : اطلبي خير
ليلي : عشان خاطري تحاول متتعصبش وتتخانق ممكن!
اسر : حاضر هحاول
فضلوا فالطريق تلت ساعات ليلي كانت نايمه على دراع اسر لحد ما وصلوا
فاطمه : صحيها يابني و يلا
اسر : ليلي ليلي . شكلها تعبان يا ماما
فاطمه: طب حاول تسندها براحه كدا
اسر طلعها وشالها براحه جدا وهي مسكت بأيديها في رقبته وفضلت مكمله نوم وهما كانوا قدام البيت فتحلهم محمد
محمد : وه مالها !
اسر : تعبانه من الطريق في اوضه هنا احطها تنام فيها.؟
محمد : ادخل تعالي معايا
طلع بيها اوضه وحطها عالسرير براحه وخرج نزلوا تحت
محمد بضيق : متبقاش تعملها تاني
اسر : هي اية دي؟
محمد : تشيليها كدا
اسر ضحك بسخريه : لا والله ؟
محمد : مينفعش تلمسها وانت لسه مكتبتش كتابك عليها ولا انا بتكلم غلط ؟
وفجأه قاطعهم صوت..
- صوتكم عالي ليه؟؟
وكان صوت عم ليلي ( سليمان)
وقفوا سلموا عليه وقعدوا واسر كان بيبصله بغصب مكتوم
سليمان : كنتوا بتتخانقوا اياك ؟
محمد: لا مفيش حاجه يا ابوي
سليمان : فين بنت اخوي
اسر برخامه : نايمه عشان تعبانه من الطريق
سليمان : العيله هتتجمع بليل تقدروا ترتاحوا دلوجتي
فاطمه: كتر خيرك
سليمان : طلعهم يا محمد
اسر : خليكي مع ليلي يا ماما انا هقعد بره شوية
فاطمه طلعت واسر خرج برا قدام البيت
محمد : اجبلك حاجه تشربها
اسر : هه تجبلي انا
محمد : طبعا مش ضيف لازم اكرمك
اسر ضحك بسخريه : لا شكرا
دخل واسر فضل واقف لحد ما خرجت بنت جميلة يمكن اصغر من اسر شوية
_ انت مين ؟
اسر : انا اسر انتي مين ؟
_ وه اسر مين بتعمل اية اهني دا بيتنا
اسر : حيلك ياستي انا ابن عم ليلي
_ اهه
اسر : انتي مين ؟
_ بتخونييييييييي
اسر : ليلي ! في اية يابنتي بخونك اية
ليلي بصتلها : اية دا اميرة؟
اميرة سلمت عليها وعرفت اسر واتعرفوا على بعض وبعدين دخلت
اسر : بخونك ها؟
ليلي : ايوا انت غدار
اسر : يعني انتي مش بتغيري تؤ تؤ انا غدار
ليلي ضحكت : بلاش انت هه
اسر : ليه ان شاء الله
ليلي بتريقه عليه : هاتي الجاكيت انا هديهولوا
اسر : متستفزنيش يبت
ليلي : براحتيي
فضلوا يتكلموا لحد ما اتجمعوا عالغدا..
محمد : اية رأيك فالمكان يا ليلي ؟
ليلي : جميل
محمد : تحبي تخرجي
ليلي ضحكت لان اسر كان متابع حوارهم بغيظ
لحد ما رد هو : لو هتخرج هبقي اخرجها انا
محمد ضحك : عشان تتوه سوا وننزل ندور عليهم
اسر : حاسب هتموتني من الضحك بخفه دمك
ليلي : احمم وبصت لفاطمه عشان تسكت اسر
فاطمه: اسكت يا اسر متتكلمش عالاكل يحبيبي
محمد ضحك بسخريه
شالوا الاكل وبعديها علطول العيله اتجمعت وسلموا على بعض كان موجود العيله كلها فعلا
عمة ليلي ( كريمه )
كريمه : اخيرا شوفناكي بتتخفي من ساعه الدفنه وجايه دلوجتي خير
كان كلهم بيبصولهت بحقد وكره ونفس النظرة لاسر وفاطمه
فاطمه : بتدرس مش فاضيه
كريمه : محدش وجهلك كلام عاد يا فاطمه
ليلي : خالتو تتكلم براحتها دي امي
سليمان ضرب بالعكاز عالارض عشان يسكتوا : منيش مجمعكم عشان تتعاركوا مع بعض انا جمعتكم عشان خطوبه ليلي هتبجي قريب
عم ليلي التاني ( محمود ) : خطوبتها كيف وعلى مين هي مش رفضت تتجوز دلوك
اسر بصوت قوي : عليا
محمود: ومن متي واحنا بنجوز من بره يا سليمان
كريمه : طبعا طالعه لامها
ليلي بدموع وصوتها كان عالي وعصبي : اتكلمي عن امي عدل اياكي تقولي عنها حرف واحد
اسر مسك ايديها : اهدي دموعك متنزلش
يلا بينا نمشي يا ماما
سليمان : مخلصاش كلامنا
فاطمه : الكلام خلص لحد هنا الخطوبه هتبقوا تعرفوا معادها جيتوا اهلا وسهلا مجتوش يبقي براحتكم بعد اذنكم
محمد : لي كدا يا ابوي
سليمان : الاجتماع خلص وسابو ومشي
وهوا خرج وراه ليلي
محمد : ليلي انا اسف جدا متزعليش
اسر : ملكش دعوه بيها
محمد : مكلمتكش ياد انتاا
اسر : اركبي يا ليلي
كانت واقفه لسه فا زعق : اركبييي
ركبت ودخل بعدها العربيه ومشي..
باك #
( فى الوقت الحالي )
اسر : كان يوم اسود
ليلي : عندك حق
اسر : بلاش سيرته بقي المفروض انهارده احسن يوم فحياتنا
ليلي : المفروض عند المكوجي
اسر ضربها بالمخده : اتخمدي
ليلي : والله لانكد عليك الصبح
اسر قرب منها
ليلي : اية التلزيق دا اتخمد بعيد عني
اسر : اتقي الله بقي ده انتي مخلتنيش احضنك فالفرح ولا ابوسك
ليلي : انت فاكراني اية ؟ لاء احترم نفسك
اسر : هوا انتي مجتيش كتب كتابنا ولا انتي بتبرشمي
ليلي : انت شكلك قليل الادب بقي
اسر : هي الساعه كام ؟
ليلي : واحده
اسر تصدقي فعلا ببقي قليل الادب بعد 12
وقرب عليها وباس خدها بسرعه
ليلي : اعاااااااااا متحرش
اسر حط ايده علي بوقها : باس يخربيتك اية
ليلي : والله العظيم اروح عند خالتو يسافل
اسر : واهون عليكي تسبيني ليله فرحنا يا لولي
ليلي : اه اتحرق
اسر : بتموت فيا ..
اسر من غير ما تاخد بالها شد فيشة النور
ليلي جريت علي حضنه وهوا ابتسم بخبث : في اية
ليلي : النور
اسر : مش كنت سافل من شويه لو سمحتي ابعدي عني بلاش تلزيق
ليلي وهي مسكه فيه : لا خلاص
اسر : طب هاتي بوسه
ليلي بعند : لاء
اسر : وربنا اقوم واسيبك لوحدك
ليلي : لا يا اسر ونبي
اسر : خلاص هاتي بوسه
ليلي : هديك بكره عشرين بوسه
اسر : دلوقتي
ليلي : لاء
اسر كان هيقوم مسكت فيه : خلاااااص
وباست خده بسرعه جدا وكانت مكسوفه اوي
اسر : معجبتنيش
ليلي ضربته على دماغه : اخرس بقي
اسر : اههه يا شريرهه اههه دماغي ومثل انه وجعته
ليلي: خلاص اسفه معلش وحضنته
اسر : يااه اول مره احس بدفا الحضن
ليلي : مهزق اقسم بالله
اسر : يارب النور يقطع العمر كله عشان تفضلي في حضني يا قطه
ليلي : فكرني بكره اشتري كشاف
اسى : لو دخل البيت وربنا لاكسره خمسين حته
ليلي فضلت تضحك جامد
اسر : بلاش الضحكه دي
ليلي : ليه
اسر باسها تاني : عشان بتخليني اقع فى حبك من اول وجديد..
( تاني يوم الصبح )
صلي على محمد
اسر صحي على خبط عالباب وقام بسرعه يفتح عشان ليلي متصحاش لقيها فاطمه وكان معاها فطار
فاطمه: كل دا نوم
اسر : لحقت اوحشك؟
فاطمه: ولا طيقاك انا جايه ل ليلي
خرجت ليلي وهي بتتمطع : والله بحبك انا
اسر : اهي صحيت القطه
فاطمه : حبيبيت قلبي تعالي كلي
اسر : طب اروح اشوفلي زبالة أعيش فيها؟
ليلي : اه يلا بسرعه
اسر : اهون عليك يا قمر
ليلي: اية التلزيق دا لمي ابنك يخالتو الاه
فاطمه : سيبك منه
اسر بتمثيل الزعل : انا حاجه ملهاش لازمه تمام
ليلي : لاء ازاى يا اسوور
اسر : كنت عارف انك بتموتي فيا
ليلي بمشاكسه: انت مش حاجه اصلا يا حبيبي
فاطمه ضحكت : تعالوا كلوا كفايه نقار خلاص
اسر : طب والله بت قلابه
ليلي : اخس عليك
اسر : يابت!
فطروا وبعدين فاطمه مشيت وليلي كانت فاتحه الفون
ليلي : هاه !! ماسك جديد
ليلي : اسر اسر يا اسرررر
اسر : اية نعممم
ليلي : اسر متيجي نشول الماسك دا بيقول اية !!
اسر : ارحمي خلقتي
ليلي : ونبي ونبي ونبي
اسر : طب قولي هاه
ليلي : دا حاجته مش موجوده نجيبه بعد الغدا بقي
اسر فى سره : احمدك يارب
* بعد شويه *
دخلت تعمل اكل ولكن اتحرق وقعدت جمبه تعيط
( هو الاندومي قصر ؟ )
اسر شافها مسحت دموعها بسرعه
اسر بخضه : في اية اتلسعتي ولا في اية ؟ واية الريحه دي
ليلي : حرقت الاكل
اسر ابتسم بحب : بتعيطي عشان حرقتي الاكل؟
ليلي : ايوا
خدها فحضنه وطبطب عليها : خلاص فداكي
ليلي : انا اكتشفت اني مش بعرف اعمل اكل خالص يا اسر
اسر ولسه بيطبطب عليها : واحده واحده هتعرفي متقلقيش وبعدين مين قال ان ليا تقل على الاكل اصلا ؟
ليلي : يعني مش زعلان
باس خدها برقه : لاء
ليلي : اتفلق اصلا مش مهم انا عايزه اتعلم عشان اكل انا
اسر : ليلي انتي ملبوسه ازاى بتقلبي كدا بالله؟
قعدت تضحك وسط دموعها وهوا قرب مسحهم : طب تعالي نخرج ناكل بره
ليلي بنكد : قصدك ان اكلي وحش
اسر : يا ليلي انتي معملتيش اصلا يا حبيبتي وانا رفضت اكله!
ليلي : قصدك اني مبعرفش اعمل اكل انت بتذلني يعني طب حلو اوي يا عم أسر طلقني وخد واحده بتعرف تتطبخ
اسر: تعرفي حد طيب ولا هدور
ليلي : اييييييييييييه
اسر : بهزررر سورتيني يخربيتك انجري اللبسي يلا
ليلي زقته ومشيت : علفكره
اسر : اشجيني
ليلي : اووووف عليك
اسر : اوف عليكي انتي يا شيخه
نزلوا كلوا بره وهما مروحين ليلي طلبت تروح السوبر ماركت وتجيب حاجات للاكل ..
أسر : طب دلوقتي احنا بنجيب اكل جاين قسم الشامبو ليه؟
ليلي : افتكرت اني مجبتش شاور
اسر : شاور ؟
ليلي : اه الى بيعمل رغاوي دا حلو اوي
اسر : اه اه بتاع الأطفال مش كدا؟
ليلي بحماس : ايوا ايوااا
اسر : متأكدا انك هتتخرجي كمان سنه من الجامعه ؟
ليلي : يا رخم
اسر : لو واخد بنت اختي مش هتعمل كدا
ليلي : معندكش اخوات اصلا اسكت
اسر : فاتتني دي
ليلي : نجيب حاجات الماسك بقي
اسر بتتويه : اية دا اللحقي شوكلاته من الى بتحبيها!
ليلي : فين فين
اسر : اهي تعالي نجيب كتير
ونسيت حاجات الماسك وراحت
فضلوا يلفوا السوبر ماركت كله سوا واسر جابلها كل الى طلبتوا وبعدين روحوا
ليلي : اعععععععععاااااا
اسر : افتكرت يلهوي اكيد افتكرت
ايوا يا حبيبيتي
ليلي : نسيت حاجات الماسك
اسر : ياه ازاى نسينا يا خبر
ليلي : انزل هاتهم مليش دعوه
اسر : نعم؟؟
ليلي : والله لو مجبتهم لانكد عليك باقي اليوم
اسر : فكراني هخاف مش نازل واعملي الى تعمليه !
.
.
.
.
.
اسر : خدي الحاجات اهي
اهم حاجه يجماعه الثبات عالموقف هنهرج!
ليلي خدتهم وحطوا ماسك سوا وفضلوا يهزروا واسر يبهدلها بالماسك
وهي تتقمص ويصالحها
وقضوا شهر العسل وكان فى منتهي الجمال..
* بعد شهر *
اسر : قومي يبنتي قومي بقيييي
ليلي : ايه ايه
اسر : الجامعههه
ليلي : لاء لاء مش مصدقه اني هاروح تاني لاااا
اسر : ...
اسر : قومي يبنتي قومي بقيييي
ليلي : ايه ايه
اسر : الجامعههه
ليلي : لاء لاء مش مصدقه اني هاروح تاني لاااا
اسر : اخلصي عايز اغور عالشركه اتأخرت يا ليلي
ليلي : صحيت خلاص وعينيها بتقفل تاني..
اسر : اتقي الله و قوماااااااي
ليلي : مش قادرههههه
اسر : امال الى قادره عالتحدي والمواجهه جرالها اية ؟
ليلي : بقت مرهقه
اسر بص جمبه لقي كوبايه فى شوية مياه مسكها وبصلها بشر
ليلي : اقسم بالله لو فكرت ت
مكملتش كلامها وكان غرقها وكبها عليها وجري
قامت تغير ودخلت الحمام بسرعه ولبست راحت الجامعه
.
.
.
_ الو
- بترشني بالمياة وتجري هي دي الرجوله يالا؟
_ وصلتي ولا اية وفطرتي
- اهه هي خالتو هتنزلني من غير فطار وروحت موصلات واخد بالك
_ حقك عليا دي اول واخر مره عشان الاجتماع بس
بعد كدا هوديكي واجيبك
- طيب
_ بحبك
ابتسمت بكسوف
اسر بجديه - اوعي تكوني بتضحكي
ليلي مقدرتش تمسك نفسها وضحكت
اسر : ولما حد يجي يعاكسك دلوقتي ؟؟
ليلي : هتيجي تضربه وتعملي مشكله واترفد بسببك
اسر : جدعه اخرسي بقي ومتضحكيش
ليلي : ماشي وبحبك
قفلت فى وشه بسرعه
اسر : دبش دبش مفيش كلام
.
.
.
.
.
.
( فى مكان تاني عند محمد فالقاهره..)
_ اجري بسرعه قولهم يبعتوا دعم حالا معايا عسكري مصاب بسرعهههه
- الذخيره خلصت ومش عارفين نتعامل يا فندممم
_ خلي بااااالك
- محماااااااد
وقع محمد عالارض وهوا بيتفاده رصاصه كانت هتيجي فى زميلة..
.
.
.
.
.
.
- لولييي
_ اية يا ملك اشجيني
- انا كنت عايزه اكلمك فى موضوع
_ حبك فالمحاضرة يختي يعني ؟
- حاجه مهمه مش قادره
ليلي ضحكت : قولي بدل ما تنفجري وسط المحاضره
موبايل ليلي رن برقم غريب
_ استني اي ده مين ده ؟
- ردي يمكن أسر
اسر اية لاء
_ الو
- ليلي
_ اية دا مين ؟
- اني اميره
_ دي اميرة بنت عمي !
خير انتي بتعيطي ليه حصل حاجه
_ محمد فالمستشفي عنديكي اسمها (......) احنا عالطريق وفضلنا كتير بس محدش فيهم بيرد علينا روحي شوفيه ونبي عايزين نطمن عليه
_ يانهار ابيض حصله اية ومستشفي دي فالقاهره؟؟
- ايوا فالقاهره اني معرفش بيقولوا اتصاب وبعد كدا محدش راضي ولا يعرفنا مكانها ونبي حاولي تروحي
- حاضر حاضر سلام
قفلت معاها وخرجت من المحاضره وهي خايفه وملك راحت وراها
ليلي كانت تايهه ومش عارفه تتصرف ركبت هي وملك وفضلت تسال لحد ما راحت المستشفي
- لو سمحتي لو سمحتي
_ ايوا
- في حاله ظابط اسمه محمد اتصاب هنا فالمستشفي
_ ايوا فى ظباط فالدور .....
جريت ليلي على فوق ولقت ظباط فالممر
- محمد فين؟؟
رد عليها مقدم = انتي مين
ليلي بدموع - بنت عمه هو كويس ارجوك طمني
= هوا فالعمليات اضرب بالنار بس ان شاء الله يخرج كويس
دموعها بدأت تنزل وملك كانت بتحاول تهديها بس الاتنين كانوا بيعيطوا
ملك ردت على اميرة اخته ووصفتلها المكان ووصلت
اميرة : ليلي اخوي فين اخوي فين يا حضرة الظابط
سليمان: فين ولدي
المقدم : أرجوكم هدوء هو فالعمليات
سليمان : ليه فالعمليات حصله ايه رد عليا الله يطمنك
المقدم : مجرد رصاصه متقلقش ابنك هيبقي بخير صدقني
قعدوا كلهم مستنين لمده تلت ساعات وهوا لسه جوه..
.
.
.
.
.
.
.
اسر وصل قدام الجامعه وكان مستني ليلي تخرج بس مخرجتش وكان قلقان جدا فا رن عليها
- الو ليلي انتي كويسة ؟؟؟
اتكلمت وصوتها رايح _ اسر
يتبع...
