رواية دخلت إلى قلبي عبر روايات الخلاصة بقلم سلسبيل أحمد
رواية دخلت إلى قلبي الفصل الثاني 2
- انتي بتعملي اية هنا وممكن اعرف وواقفه تتكلمي مع واحد متعرفهوش ليه؟!
اتكلمت بسرعه
= كنت بسأله عليك اصلك تعبت اوي امبارح وصحيت ملقتكش فا قولت اجي اشوفك انت كويس؟
مسك على وشه بايده
- انتي بتتصرفي من مخك ليه وبعدين في حاجه اسمها موبايل مكنش لازم تيجي لحد هنا و اخرج اللقيكي بتتكلمي مع موظف انا مبحبش كدا فاهمه!
معرفتش ارد وكأن الكلام وقف ولتاني مره كنت عايزه اعيط جدا مشيت من قدامه بسرعه يمكن جريت كمان وروحت الفيلا وفضلت قافله الباب وقاعده جوه مفاتش نص ساعه وسمعت باب اوضتي بيخبط
- افتحي!
= لاء
- لاء ؟
= اه متكلمش معايا
- انتي هبله ولا اية
= ملكش دعوه
زعق - بقولك افتحي
= افندم
- هوا انتي بتمشي وتسبيني؟
= ايوا عشان زعقتلي
- عشان جيتي من غير م اعرف ولوحدك
= عشان اشوفك واطمن عليك
- ليه هوا انا عيل ولا اية
= انا غلطانه
- ايوا طبعا غلطانه و واقفه تكلمي موظف فالشركه لي اصلا!
= وانت مالك
مسك دراعي بعصبيه - انتي مجنونه احنا متجوزين ولا نسيتي وامبارح برضو بتتكلمي مع البودي جارد كأنه ابن خالتك مش فاهم انا
عيطت والمره دي متحكمتش في دموعي قدامه = لا عارفه منستش ومتخطتش حدودي بس انت مش حابب وجودي ولا عاوزني واتجوزتني بس عشان دي كانت وصيه جدو ليك بس انت مش طايقني اصلا معرفش ليه جدو حطني فالموقف ده طلقني احسن
فضل ساكت فا دخلت اوضتي ورزعت الباب ورايا وسبته
ديما بسمع ان صعب التعامل معاه وانه عصبي وانطوائي وعنيد وعمري ما تخيلت انه كدا.!
قعدت اعيط وتقريبا نمت من كتر العياط وانا علي الارض وصحيت لقيت نفسي عالسرير اتخضيت اني لوحدي ولكن أللتفت لقيته نايم جمبي؟!!!!!!!!!!
ابتسامه خرجت مني ونزلت وشي تحت الباطنيه
- صحيتي؟
_ انا سامعك بتفركي علفكره.
استغربت انه قال بفرك زي = بفرك؟
_ ايه في ايه
= ياتري مين الي شالني من عالارض ودخلني هنا
- هيكون مين هو في غيري انا وانتي؟
= اممم هتفطر؟
- لاء
قام دخل الحمام انتهزت الفرصه ونزلت عملت فطار بسرعه وبعدين لبس وكان بيتحرك للباب فا اتكلمت بصوت عالي
- حلو اوي الفطار دا.
بصلي بطرف عينه
- وكمان خفيف وينفع يتاكل بسرعه
لاحظت ضحكته الي بيخبيها فا ابتسمت
= بالهنا
- اقعد كل معايا!
= هبقي اجي عالغدا سلام
مشي كان جوايا احساس غريب فرحانه اوي!!!
-----------------
- الا بقولك يا عاصم متعرفش مصنع شوكلاتة؟
= هتغير النشاط ولا اية يا سياده المدير
- يخربيت غتاتك
= اعرف بس اشمعنه شوكولاتة
- وانت مالك ياخي
= طب حيس كدا اروح اكمل شغلي ها
- روح روح وانت ملكش منفعه كدا
غمزتله = سبها عليا وهظبطك في شوية حلوين
- داانت فاهم بقي!
= تربيتك
- تربيه بنت
= هوب هوب منتج
- على مكتبك ياض
ضحك ومشي
شوية وانا قاعد براجع حسابات مهمع للشركه جالي بعدها موبايل من البودي جارد واستغربت
- الو ...... اية حصلها اية ! ....... انا جاي حالا اقفل
-
"
دخلت اوضه المستشفي وانا خايف لقيتها قاعده وشها فيه كدمه ودراعها متجبس والدكتور واقف وجمبه الداده
- حصل اية ! انتي كويسة؟؟؟
= متخفش انا كويسة بس هو انت عرفت ازاي
بصيت للدكتور - خير؟
- مفيش هي بس وقعت ودراعها حصله كسر بسيط وفيه كدمات لكن مش خطيره
اتكلم بقلق- وقعتي ازاي
= من على السلم
بصلي بتفحص - حاسه بحاجه تانيه اي وجع ؟؟
= لاء
- متأكده؟
بصيت لعيونه الي كانت قلقانه = اسر انا كويسة متقلقش
- متخفش يا اسر بيه هي تقدر تروح مع حضرتك انهارده
الدكتور خرج والداده راحت تجيبلي العلاج
كان جوايا احساس مبهم انه خايف عشاني!!
- انا اسفه عشان خرجتك من الشغل
= مش تخدي بالك؟
- هو حصل يعنى ..
= في اية
- بص هو كان في فازة الى هي زرقا وحلوة اوي دي عارفها
= اها الي عالسلم مالها
- و الغاليه تقريبا ؟
= قولي
- أنا أنا
بصلي واتكلم بسلاسه = اي كسرتيها؟
رديت بطريقه سريعه - انا حاولت اللحقها قبل ما تقع بس انت حاططها بعد السلم علطول فا راحت وقعت من على الترابيزة وانا وقعت عالسلم وانا بحاول امسكها
فضل ساكت
- متزعلش هشتريلك واحده زيها
فجأه لاقيته بيضحك ومكنتش مصدقه انه بيضحك زينا اصلا
= انتي عبيطه اوي بجد
كشرت - ليه،
= هو انت فاكره اني هزعل على فازة و مش هزعل علييكي انتي؟
- ايوا لاني خت بالي انك بتحافظ على حاجتك وبتخاف عليها جدا
= ايوا لكن اكيد مش اهم من انسان يعني
- انت مدايق عشاني!
= اه مش ايدك اتكسرت وكان ممكن بعد الشر يحصل اسوء يمكن الفازة فدتك
عيوني لمعت وابتسامه ظهرتله من فراغ واختفت اول ما لاقيته انتبه لنفسه وقام
- هاروح الشغل وهخلي السواق يوصلك
خت نفس طويل = طيب
رجعت البيت وانا مش فاهمه حاجه حاسه اني بتعامل مع شخصين!! طب خايف عليا كمل جميلك وهاتني الاه ، ولا لاء لاء كفايه انه ساب شغله وجالي اساسا
رجعت اوضتي واستريحت خلاص لقيت الباب خبط
فا رديت بصوت عالي اوي
- افتحي يا داده مش قااادرهه اقوم تاني والله
اتفاجئت ب اسر داخل وماسك كرتونه كبيره اوي
= اسر ؟ اية دا !
- غمضي بسرعه بسرعه!!
غمضت وانا مستغربه وبضحك على طريقته= اية في اية!!
سمعت الكرتونه بتتفتح وفجأه دلق عليا كميه شوكلاتات كتيره اوي! فتحت عينيي وانا منبهره!!
= اية كل دا
- اصلك مقولتليش بتحبي انهي نوع
= انت بتهزر!
- لا مكنش قصدي اتعصب ساعه ما جيتي، قولت اجبلك حاجه حلوة بقي
ابغي اقوله مفيش حلو غيرك بس استحي : )
فضلت بصه لي بحب وعيوني فيها دموع = انا بحبك اوي شكرا بجد
ارتبك وكأنه كان مغيب وفجأه فاق
- العفو انا ... انا هنزل بقي عشان اكمل شغل سلام.
= طيب تعالي بسرعه بقي
مشي وانا حاولت اتحرك من كم الشوكلاتة الي حوليا قعدت اضحك لاني حاسه اني بدء يتقبلني نوعا ما وكنت فرحانه اوي لدرجه اني بضحك ايوا!
فضلت فالمطبخ انا والداده وبسألها على اكل زين المفضل عشان نعمله..
_________________
- ايوا يا عاشق
= اية دا؟
_ ياتري الشوكلاتة عاجبتها يا اسر؟ عارف ان زوقي حلو
= اتلهي هاه و بعدين وانا مالي يا عاصم
_ عامل البنت كويس يا مدب وتسألها عجبتك ولا
= انا بعاملها حلو
- ما دي المصيبه بتعاملها عادي مش حلو
= اه
- حاول تحبها ياحبيبي
= ايه!!!
_ اي دي مراتك!
= طب اخرس
_ ياخي اتقي الله
= روح على مكتبك خلينا نخلص اليوم المتعب دا
_ يابييي عليك!
= أنجز تعبان هموت واروح انام
_ قدامي فايل هراجعه وامشي وخليك انت في وكستك
= وكستي عجباني
.
.
شوية و موبايلي رن
- الو
= اسر قدامك كتير
- لاء
= قد اية كدا
- نص ساعه
= اممم طيب باي خلي بالك من نفسك
قفلت معاها وانا فى ابتسامه صغيره على وشي معرفش اية سرها
-----------------
- ها يا داده المكرونه خلصت!؟
= ايوا اهي خلاص هنحط الاكل
- لا لا عشان ميبردش، اهو شكله جه!!
جهزت الاكل بحماس جدا وسمعت عربيته وصلت وكنت فرحانه اوي
- اخيرا جيت!
= اخبارك دراعك اي
- كويسة يلا بسرعه عشان ناكل
= بس
- لاء انت قولتلي هتاكل معايا فالغدا
= حاضر طيب هغير واجي
شديت ايده - لا دلوقتي روحنا قعدنا عالسفره وشاف المكرونه الباشميل والبانيه واتفاجئ
بستغراب = عرفتي منين
ابتسمت وغمزلته - الداده قالتلي عملنها سوا دوق وقولي رأيك بسرعه!
= ليه تعبتي نفسك وانتي دراعك متجبس
- متخفش انا تمام المهم دوق
- هاه حلوة!
= لسه هدوق استني
- بسرعه طيب دوق
كل منها وبان علي ملامح وشه انها عجبته فا كنت مبسوطه
= جميلة اوي تسلم ايدك
- عجبتك اوي ولا نص نص
ضحك = ايوا اوي
خلصنا اكل وانا روحت عالسرير و هوا دخل ياخد دش ولما خرج قعد عالكنبه وكان هينام فا بصتله
- انا ممكن انام فى اوضتي
= لا خليكي عادي
- اصل انت ..
= اية
- انت مدايق اني فى اوضتك ولا مش بتحب تنام جمب حد
معرفش لي قولت كدا ولكن هو كان نايم جمبي قبل كدا هيروح عالكنبه ليه!
= لاء انا بس مش عايز اجي عالسرير عشان دراعك خدي راحتك .
نوعا ما اقتنعت بكلامه و كالعاده نام الاول لانه مرهق وانا فضلت اتأمل ملامحه الجميلة!
ونمت بس صحيت الساعه اربعه الفجر على صوت الباب الي تحت بيتقفل ولما بصيت جمبي ملقتش اسر!!
ونزلت بهدوء واتفاجئت بواحده بتحضنه
- وحشتني اوي يا حبيبي عامل اية
= الحمد كويس تعالي اطلعك اوضتك عشان ترتاحي
نزلت وانا رايحه اقتله واقتلها - مين دي !!!!!!!
يتبع..
