رواية الكبرياء أم الحب عبر روايات الخلاصة بقلم سلسبيل أحمد
رواية الكبرياء أم الحب الفصل الثاني 2
- انا بكرهك تعرف كده ولا لاء!
- معرفش لاء.. كل الى اعرفه انك واقعه في حبي من الدور العاشر من ساعه لما كان عندك 18 سنه
ضحكت: بالظبط! كنت طفله مش بتفهم! فا ده كان زمان ياحبيبي كان زمان يعني انت تروح دلوقتي تتجوز واحده من الى بتتكلم عنهم و تفكك مني انا
- يعني ايه! يعني عاوزة تطلقي يعني؟
= ياريت!!! انما انت معندكش د*م عارف ان بابا و جدو اجبروني عليك و مكمل وقال ايه عمي اجبرك عليا يا عيني! انت فاكرني هصدق ؟ عمي عمره ما بيقدر يجبرك على حاجه والا كان قدر يمنعك زمان انك تسافر وترمي كل حاجه وراك!
رد بخبث وقلب ترابيزات: طيب ياستي انا محدش اجبرني وكداب انتي بقا؟ اجبروكي! هو انتي طفلة؟ مش بتعرفي تقولي لاء يعني ؟
= انت متعرفش حاجه فا اخرس
- اخرس!! طريقتك بيئة يا لولي ارتقي شوية
= قولتلك بقا! مش عاجبك طلقني! يا اما تفكك مني
غمزلها: عاجبني
- يا تقل دمك ياني
= دمي تقيل بس بتموتي فيا
- انت يابني اهبل جايب الثقه دي منين؟
= منك.. هيكون منين
وقفت قصاده بكل ثبات: فوق يا زين ياحبيبي من الأوهام دي عشان بقيت مثير للشفقه! بعد سفرك زمان انا نسيتك! مفكرتش فيك للحظه ولا كنت فارق معايا
رفعت ايدها قدام وشه و شاورت على صباعها: وهنا كان في دبلة واحد غيرك!
كملت و هي مبتسمه: انما انت مكنتش في حساباتي
اصلا! بس انا بقي كنت في حساباتك و اها انت سافرت وشوفت بنات بس معرفتش تنساني! انا متنسيش حتي لو لفيت الكوكب كله هتفضل فاكر ليلي و هتفضل في قلبك.. عشان انا مفيش زي.
"زين كان بيسمعها وساكت استفزته جدا لدرجه انوه جسمه سخن وحس ان في بركان جواه بص بنظراته الناريه اتجاها.."
قطعت صمته واتحركت: انا مروحه البيت اجهز عشان انزل الشركه واكمل شغلي مش واحد زيك الى هيعطلني عنه وانا بقالي سنين ببني فيه.
" ركبت عربيتها و مشيت "
>>>>>>>>>>>>>>>>>>>>>>>>>>>>>>>>>>
|| في فيلا كمال الصواف ||
- اعملك قهوه؟!
= لاء انا رايح الشركة
- استني قبل ما تنزل يا كمال انا برن على بنتك من امبارح و مش بترد!
= عرسان يا وفاء يمكن مشغولين
- لاء انا حاسه انها لسه واخده على خاطرها منك بسبب الجوازه! ولا يمكن الواد ده عمل لها حاجه تزعلها!
ضحك: زين؟ ده بيحبها! هيعملها ايه بس
وفاء بتفكير: وهي بقا؟ بتحبه!
- أكيد يا وفاء ريحي بالك وانا هبقي اكلمها واطمنك
= ماشي مع السلامة يا حبيبي
>>>>>>>>>>>>>>>>>>>>>>>>>>>>>>>>>>
|| في الشركة ليلي فعلا جهزت وراحت مكتبها و كمال اوردي كان رايح شغله برضو فا اتفاجئ بيها هناك ||
- ايه يا استاذة ده؟؟ مش في اجازه شهر عسل ولا جدك نزلك اجباري
ابتسمت و قومت حضنته: وحشتني والله يا كوكو
- بنت مش في الشركه! انا هنا كمال بيه!
ضحكت: ماشي يا كمال بيه عموما انا زهقت من القعده ونزلت عادي
= على بابا برضو؟ انتي اتخانقتي مع زين!
- ابدأ... انت عارف زين يا بابا مزعلنيش خالص
= ربنا يخليكوا لبعض ياحببتي شوفتي لما سمعتي كلامي؟
- معاك حق المهم انت عامل ايه؟
= انا كويس! صحتي بومب اهو!
- بجد يا بابا
= ايوا والا مكنتش نزلت الشغل!
- بس حضرتك مفروض ترتاح على فكره انت وجدو!
= لما تمسكوا نفسكوا شوية انتي و زين.
- زين؟!
= أها مش عثمان بيه هينزله معاكي
ابتسمت: امممم طيب هكمل شغلي بقي
"بابا مشي وانا د.. مي فار طلبت السكرتيرة و اتأكدت انوه جدو في مكتبة و فاضي"
*طق طق طق*
- اتفضل .. برضو نزلتي الشغل
"قعدت و بصتله وضيقت عيني"
- الاه فيه ايه؟
= زين هينزل شغل معايا هاه ؟
- احم.. كمال ابني مش بيتبل في بوقه فوله صح
= لسه مقبلاه بره اها وقالي ممكن افهم بقا يا جدو ليه بتعمل كده مش كفايه جوازه بالعافيه كمان يقرفني في الشغل! كده كتير
- معلش هو طلب يتعلم معاكي!
= إيييه! هو الى طلب!!! يبجاحته!!!
- معلش عشان خاطري
جزيت على سناني وبعدين ابتسمت بالعافيه: تمام ياجدو تمام بس خليك فاكرها.
" وفعلا روحت اكمل شغل وبعدها بكام دقيقه لقيته داخل عليا بأبتسامته المستفزة "
- ازيك يا روحي عامله ايه؟ انا جاهز نشتغل
= شد كرسي واقعد جمبي و ركز مش بحب اعيد كلامي مرتين ركز مع كلامي و تبص على اللاب توب تشوفني بعمل ايه
- على اخر الزمن بتعلم من واحده ست
= واضح انك لسه فلاح و السفر بره مخلاش تفكيرك يرتقي و كمان جاهل! و بتتنك عليا
- يلا نبدا
= انا بقول كده برضو
" بدأنا و كان بيتعمد يتغابي تقريبا ! "
- بقولك ايه انا زهقت منك اي الغباء ده ؟ خلي حد غيري يعلمك لازق فيا ليه؟
= اختار واحده غيرك يعني تعلمني
- متختار يعم
بصلها بتركيز: مش بتغيري يعني؟
- انت مش فارق معايا ياحبيبي اعمل الى تعمله
" زين اتعصب من كلامها و لكن مبينش و قرر فعلا يكمل التدريب مع حد تاني غيرها.. وفضل الحال بينهم قط و فار سواء في الشركة او البيت! "
>>>>>>>>>>>>>>>>>>>>>>>>>>>>>>>>>>>>
|| بعد مرور اسبوعين ||
- يعني إيه تختار معايا الفستان وانت مالك بلبسي!
= واضح انك بتنسي اني جوزك! ولا هتضحكي عليا بصنيه البطاطس ام لحمه الحلوة دي الى كلت نصها!
ليلي حبست ابتسامتها: وعشان انت جوزي بطبخلك مش بضحك عليك
- أصلي عارف البنات و الهفه الى بتجليهم ياحببتي فا هختار معاكي الفستان و تختاري معايا البدله و نروح حفلة الشركه زوج و زوجه حلوين كده.
= ماشي.. لما نشوف اخرتها معاك
" نزلنا نختار الفستان و خلاني اشتريه طويل ومقفول وانا اختارت معاه بدله حلوة.. او.. هو كان حلو!! وانا كنت بحس اني بقع في حبه من تاني! زي زمان و يمكن اكتر!"
- يلا يا ليلي انا جهزت!
= تمام جايه
" خرجت وهو نظراته ليا فضحته! كان باصصلي بأعجاب واضح..! "
- احممم.. يلا بينا
= يلا.
>>>>>>>>>>>>>>>>>>>>>>>>>>>>>>>>>>
صلي على محمد
|| في الحفلة عثمان كان بيستقبل الناس هو و كمال و عصام أبوه زين ||
عثمان: ابنك فين اتأخر كل ده ليه تربيتك هتفضل عر..ه
عصام وهو بيبتسم للناس: ده ابن كلىىب ولا اعرفه.
وفاء: كمال شوفت الأستاذ متأخر ازاي وانا جايه مخصوص عشان اشوفه هو وليلي الى بتتهر* ب مني من ساعه ما اتجوزته!
عثمان: هتتهر* ب منك ليه يا وفاء اهدي احنا في حفله ليلي و زين كانوا مشغولين في الشركه بسبب الصفقه الى عشانها بنعمل الإحتفال ده بعد ما نجحت.
كمال: اهو جم هناك اهو.
" ليلي و زين دخلوا سلموا عليهم وفضلوا يتكلموا و وفاء مسابتش ليلي وفضلت على ودانها.."
عصام: ايه الجواز عامل ايه
- دبستني في الجوازه و بتشمت فيا ولا ايه
= بس يا ولد انت واخد احلي بنت في الدنيا ومتنساش يا حبيبي انك بتحبها
زين بنفي: انا !!!
عصام ابتسم: تمثيلك سيء
زين بهرو*ب: انا رايح اجيب عصير..
" وقف عند البوفيه و عينه كانت على ليلي وهي بتسلم على ناس من الشركه.. وقف وشاف بنت جميلة كانت أجنبية تبع الشركه الى عملوا معاها الصفقه.."
- hi
= hi
" وقف مع البنت و فضلوا يضحكوا و يهزروا وكان قاصد يعمل كده عشان عايز يشوف غيره ليلي..! و لكن هي لما لاحظت قررت تحار*به بسلا*حه "
- كريم.. شكلك حلو جدا في البدله.
رد بهزار: انتي احلي يا ليلي.. ومش بعاكس لحسن انتي الشركة كلها فيها اهلك!
ضحكت: طيب لو حد زعلك في الشركه قولي بقي اعتبرني الواسطه بتاعتك
ضحك وبصلها بأعجاب: ده من حظي والله..
"زين مقدرش يستحمل و استأذن من البنت و راح عند ليلي خدها على جمب بشياكه"
- مين ده
= ملكش دعوه
- هديكي حتت قلم
ابتسمتله بأستفزاز: متقدرش يحبيبي متقدرش
شالت ايده بعيد عنها بهدوء: روح ياحبيبي كمل شغل المراهقه بتاعك ده وسبني اسلم على الناس
- طب ايه رأيك اننا هنمشي بقي يلا
= نمشي؟ امشي انت!
- بقولك يلا!
" ليلي خرجت معاه بره عشان محدش ياخد باله "
- انت شكلك عايز تتخانق انا مش همشي في حتة!!
= انتي شخصيتك عامله كده ليه! انتي مكنتيش كده
ضحكت بسخريه: فاكرني لسه زي ما سبتني من 6 سنين ! ده انت قديم اوي يا زين!
" زين بصلها بستغراب وليلي حرفيا كانت قادره ولا غاده عبد الرازق وطول فتره جوازهم بيحاول يضايقها مش عارفه ولا حتي شايفها بتغير عليه او بتحبه و ده مجننه لأنه ببساطه!! شكله لسه بيحبها! "
- انتي مبقتيش تحبيني بجد يا ليلي صح؟
ليلي بصتله وابتسمت: هو انت لسه واخد بالك!
زين اتنفس وبصلها: و عاوزة تطلقي
" ليلي بصتله و ارتبكت عيونه كانت حاده..! وكأنه مستني انها تقول أها و هيطلقها فورا..! "
ليلي بصتله بعناد و ...
يتبع..
>>>>>>>>>>>>>>>>>>>>>>>>>>>>>>>>>>
متنسوش رأيكم يصحابي.💜🫶
#الكبرياء_أم_الحب. 2
