اسكريبت طفولتنا (كامل جميع الفصول) عبر روايات الخلاصة بقلم سلسبيل أحمد
اسكريبت طفولتنا الفصل الأول 1
- مين الي كنتي معاه دا !!!
ببرود: قصدك انهي!
- قصدي انهي ! الى وصلك بعربيته دلوقتي!؟؟؟؟
= صاحبي
- صاحبك! وبترجعي فالوقت دا معاه انا مش عاجبني طريقتك دي ولا تصرفاتك!
= والله كل واحد حر وانا حره !
كانت طالعه فا مسكتها من دراعها بقوة وزعقت: استني هنا هو مين سمحلك ب دا اصلا انتي مجنونه ؟ وبعدين مال شكلك! انتي بتشربي صح!
زقت ايدي بغل: اوعي ايوا بشرب وانت مالك بصحابي ولا بحياتي اصلا! انت فاكر نفسك مين
- هوا اية الي انا مالي؟ انتي مدام هتقعدي هنا تحترمي البيت الي انتي فيه وتحترميني
ضحكت بسخريه وهي بتتمايل: وانا احترمك ليه انا اعرفك. انت تعرفني؟ فاكرني اصلا ! وبعدين انا مبعملش حاجه غلط و محدش يقدر يقربلي والبيت الى بتتكلم عنه انت خلتني اقعد فيه بالعافيه مش عاجبك همشي بعد اذنك
>>>>>>>>>>>>>>>>>>>>>>>>>>>>>>>>>
سابتني وطلعت وانا واقف مش عارف اتصرف معاها
! انا من حقي لما اشوفها بتغلط امنعها!
تاني يوم الصبح طلعت كانت نايمه غطتها وبصيت عليها باسف وخرجت علي الشركه بسرعه.
بعدها بتلت ساعات جالي موبايل وانا براجع شغل من البودي جارد الي معينهم يراقبوها و فيهم يونس وهو زي اخويا ومعنديش غيره اعتمد عليه
- ايوا يا يونس هي لحقت تخرج ولا اية؟
= اه خرجت يا اسر راحت فيلا في (.......)
- مع مين ؟!
= شلة بنات و ولاد بس شكلهم غريب وكلهم لبسهم مش تمام نعمل حاجه؟
- لاء بس خلي عينكم عليها يا يونس
قفلت ومسكت دماغي من التشويش مش عارف افكر ولا عارف اتكلم معاها.! مش مدياني اي فرصه بعدها عني عشر سنين عمل حاجز كبير بينا
_____________________________
- اسر ؟
= ايوا
- مالك انت كويس؟
= مش كويس خالص من ساعه ما نور وصلت
- ليه بس دي حتي باين عليها كويسة جدا
= لا يا ليلي دي بتخرج مع ولاد وبتشرب ولا كأنها لسه عايشة فى امريكا !
- نعم ! وانت سايبها! انت هتستعبط يا اسر دى اختك
= انا مخلي بودي جارد وراها ويونس اخوكي معاهم
- والله يونس ! وليه مش انت الي تاخد بالك!
= اعمل اية انا حاسس انها غريبه عني وبتكرهني
- لا انت لازم تعقلها يا اسر حتي لو غصب عنها لانها مش هتفهم ان دا غلط عشان خدت عليه بقالها 10 سنين وهي بره البلد فالغربه
= هحاول المهم انتي رتبي الميتينج بسرعه عشان امشي لاني مش ضامن كوارثها والى بتعمله
.
.
>>>>>>>>>>>>>>>>>>>>>>>>>>>>>>>>>
كنت داخل خلاص الميتينج وبعدل البدله بس موبايلي رن وكان يونس فا اضطريت ارد
- الو في حاجه؟
= في واد شكله مش تمام وصل قدام الفيلا وهوا ماشي وقفنا وعرفنا انه ديـ ـلر كو.كا.ين لازم نخرجها حالا
- اية كو.كا.ين! ينهار مش فايت
= ندخل ناخدها قبل ما ؟
قاطعته: انا جي حالا استني
نزلت جري على عربيتي من غير تفكير
وروحت العنوان واتفاجئت ب يونس بيحاول يدخل الفيلا وهيكسر الباب!
- بتعمل اية ؟؟
= انا سمعت صوت سريخ فوق!! وفيه دوشه كأنها خناقه اسمع!!!
يتبع..
