اسكريبت (كاملة جميع الفصول) عبر روايات الخلاصة بقلم ندى ممدوح
اسكريبت الفصل الأول 1 بقلم ندى ممدوح
-حب ولا صالونات؟
-نعم!!!
-حب ولا صالونات ؟ بصوت اعلى
حاسه اني كنت عايزة اقول ايييييييه بعلو صوتي
اتجنن ده ولا ايه
مش كفاية اني قاعدة مع واحد قدي يعتبر على اساس انه مدير الشركة
و انا الي فاكرة اني هقابل راجل وقور مسن محترم بعد ما قالولي اني اتقبلت في الخطوة الاولى بعد انترفيو مع hr
لا و قعدت سهرانة للفجر بحضر لاجابات للأسئلة المتوقعة
مش المتوقعة بس ده انا سهرت مع chatgpt بنحضر unexpected questions in interview
طبعا تلقيها شركة بابي و في وقت فراغ البيه بيجي يطلع عقده على الناس
-بما انك اخدتي الوقت ده كله في التفكير يبقى صالونات تمام ات..
قاطعته -معلش حضرتك بس انا في مقابلة شغل ايه التدخل في الحياة الشخصية ده !!
-انا بسألك مقدمة للشغل اهو اي حاجة تجيب مرتب و خلاص ولا بجد عندك شغف للموضوع و هتضيفي للشركة بس خلاص اتفضلي و لو في حاجة هيكلموكي
لسا جاية اتكلم و اتخانق
-الو حبيبتي مش هتاخر عيب عليكي
و شاورلي بيده اني اطلع و هو بيكلم في التليفون بكل رومانسية
خلص دور المعقد في الشغل و دخل دور الرومانسية مع صاحبته
طبعا ما الاشكال دي مش بترتبط رسمي عنده بابي و الشركة ما يلعب ببنات الناس براحته
طلعت و رزعت الباب ورايا و لقيت السكرتيرة بتبصلي باستغراب ولسا هتقوم تتخانق تقريبا
محستش بنفسي غير و انا بفتح الباب تاني جامد
-هو السؤال ده مش كان ممكن يتقال صح من الاول ولا هي رخامة و خلاص !!
اوك حبيبتي
ساب الموبايل بكل برود
-انتي خبطي و انا مسمعتش ولا ايه !
-لا انا مخبطش
السكرتيرة ورايا :يا استاذة عيب كدة اتفضلي برا اسفة يا مستر دخلت فجاة والله
بدات احس بالاحراج بصارحة انا اصلا مش بتاعة مواجهة و خناق و مش اول و لا اخر شركة اترفض فيها بس بجد السؤال نرفزني و المدير المغرور البارد ده جه على اعصابي اوي
قام البيه من كرسيه الملكي و وقف قدامي
اطول مني بكتير حتى و انا بكعب و بدلته شيك بصارحة و عنيه مركزة و صارمة كدة
-و الله انا براحتي أسال الي انا عايزه
و يا ريت تتفضلي و معتقدش حد هيكلمك كمل بضحكة ساخرة
-مش هتلاقي حد يشتغل معاكوا بالعقلية دي
قلت و انا طالعة عند الباب
طبعا لازم يرد -متقلقيش علينا المهم تلاقي انتي شغل
———
-عملتي ايه يا سما كلمتك كتير مردتيش ليه ؟
-زفت
-ليه بس ده انا دعيتلك كتير و قرأت سورة يس ؟ قلتي اللهم اجرني في مصيبتي و اخلفني خيرا منها ؟
-قلت ساعتها اه
-ايه الي حصل طيب احكيلي ؟
-معلش يا ماما انا تعبانة اوي ممكن اريح شوية بعدين احكيلك
-ماشي يا حبيبتي بس خير ان شاء الله انا واثقة في ربنا انه هيجبر بخاطرك ربنا كريم
دخلت السرير و انا عارفة اني مش هعرف انام
خلاص تعبت
دي الشركة الكام الي اترفض فيها
شكل كلام بابا كان صح اعلام دي للي عنده واسطة
بس ازاي لازم احقق حلمي و نفسي اكون اعلامية و هكون صادقة مش مطبلطية و بلا بلا بلا
افتكرت اغنية (ليه يا ابويا كنت منعتني) و ضحكت على خبتي بعدين الضحك قلب عياط
———
-ايه الاخبار يا سيف ؟
-زفت مفيش ولا واحد نافع
-بقولك ايه متهزرش ده الhr بيشكر فيهم كلهم
-يا بني كله ضايع حتى التلاتة الي كان فيهم امل شوية معرفوش يجاوبوا على سؤالي و بعدين انت هتصدق ال hr ولا صاحبك
-عيب يا صاحبي ده احنا عشرة عمر طبعا الhr لو صاحبي هيجيب درافها حبيبي بابا هينفخنا قال هنعين ناس و وثق فيك
-يا بني ما عشان ثقته فيا دي انا رفضت الناس
-و ايه موضوع البنت ال اتخانقت معاك دي
-ولا حاجة يا بني اتنرفزت لما سالتها سؤالي
-ليها حق بصراحة ده انت يا الله منك
-المهم متتاخرش انهاردة سارة منبهة عليا
————
صحيت على صوت الموبايل: سمر
-ايه يا سما فينك مش تطمنيني
-على خيبتي ولا ايه
-ليه احكيلي
-مش قادرة والله خالص لما ارتاح
-ليه بس طب انا عارفة ان شكل مش وقته بس انا مش هعرف اجي الخطوبة
-متهزريش انا اصلا قلت هاجي لما شجعتيني
-ما انتي عارفة انا عاملة حسابي بس….
مامتها و بابها اتخانقوا جامد و مامتها غضبانة عند جدتها و مش هينفع تسبها
-خلاص انا كمان مش رايحة
ماما دخلت عليا و انا بقول كدة و فضلت تحلف لاروح و انا اقولها يا ماما اصلا البنت كانت زميلتي في الجامعة بس سمر كانت مشجعاني تقولي و لو و لو و تحلف و لازم تغيري جو و بتاع
هو يوم باين من اوله مسابتنيش غير و انا لابسة الفستان و ساعدتي في الطرحة
بصيت لنفسي في المراية
بقالي كتير مشفتش نفسي حلوة lady كدة
دائما يا كاجوال يا فورمال للانترفيوهات الي بترفض فيها
و لابسة كعب شيك رفيع لاول مرة دايما بلبس كعب تخين مريح
———
ياه شفت ناس مشفتهاش من سنة من ساعة التخرج
الي اشتغل و الي اتجوز و الي سافر
و انا محلك سر ولا شغل و لا حب و لا زفت
رحت اسلم على سارة
العروسة القمر الحبوبة اكتر واحدة اجتماعية في الدفعة عزمتني مع اننا مش صحاب اوي و قالتلي فرصة نتجمع و نشوف بعض و كدة
-سما انتي احلويتي ولا ايه
-انتي الي عروسة قمر ما شاء الله الف مبروك معلش سمر….
لاقيت فجاة صوت مألوف قاطعني و هو بيحضن في سارة: ايه رايك جيت بدري اهو
-اسكت يا بكاش ده سما جات قبلك
هو
بس ببدلة اشيك من بتاعة الصبح و نفس الرومانسية الي بيكلم بيها في التليفون !
-سما سيف اخويا الي كان مسافر رجع الحمد لله سيف سما صاحبتي من الجامعة
وقفنا احنا الاتنين بنبص لبعض في صمت
وسيم بصارحة بس تغور وسامته مع عقده النفسية قال حب ولا صالونات قال
-انتوا تعرفوا بعض ولا ايه
-لا لا هنعرف منين ازيك يا سيف
-اهلا يا سما
-طب يلا تعالوا نتصور
وقفنا جنب بعض و كنت حاسة بتوتر غريب
ما اكيد مش هقول ده الي اتخانقت معاه الصبح و الشركة اتفرجت علينا
بعد الصورة مشيت ناحية باب القاعة و حسيت بحد ورايا
-سما استني مقولتيش ليه اننا اتقابلنا الصبح
فضلت ماشية: و تفرق في ايه
-طب استني نتكلم
طلعت برا القاعة و هو ورايا
-عن اذنك باه ملحقتش اكمل الجملة
محستش ازاي ده حصل
ااااااااه
#يتبع
