اسكريبت " خديجه " بقلم مصطفي أيمن
" خديجه " بقلم مصطفي أيمن
دايمًا بيقولوا الأطفال احباب الله بس الطفلة اللي قدامك دي كسرت القاعدة و كسرت براءة الأطفال و معرفش أهلها هما السبب ولا هي من يوم ولادتها فيها حاجة غلط!!
في صعيد مصر وبالذات في قرية (طنسا) اتولدت خديجة بنت الهواري على أيد الدايا (حسنات) اللي أول ما شافتها قالت اعوذ بالله من الشيطان الرجيم و جريت مكملتش الولادة خوفًا من اللي شافته بتقول حسنات و أنا بولد (بهيرة) اللي هي أم خديجة، كنت حاسة أني بخرج حجر من جهنم من بطنها أيدي نفسها ماكنتش مستحملة أشيل الطفلة أحساس غريب لما تبقى شايل طفل ومش طايق تبص في خلقته ولا حتى تشيلها، بس حسنات كان عندها حق ما هو مش معقول طفلة لسة مولودة وعينها مفتحة والنني اسود و واسع بس مش هو دا اللي خلى الدايا تهرب و تحاف أحب اقولك لا يا عزيز المرعب الطفلة خديجة اتولدت وهي عندها أسنان من قدام هما صغيرين أه بس دا شئ مش طبيعي بالنسبة لواحدة لسة مولودة مكملتش ساعة اصلا!!
اليوم دا القرية ماكنتش في سيرة على لسانهم غير ولادة خديجة، ابوها عمل عقيقة و دبح 10 عجول و فرق على معظم أهالي القرية لحمة، الهواري كان معرورف بماله الوفر بزيادة بسبب تجارتها في المواشي، بس الغريب يومها الناس اللي كلت من اللحمة دي جالها تسمم بسبب اللحمة ، اهالي القرية كان عندهم هاجس أن السبب في كل دا هو (سمير) و لو قولتلي مين سمير دا يعم هو كمان؟!!!
هقولك دا راجل كبير على باب الله معندوش مكان ينام فيه متشرد بمعنى أصح بس طول اليوم بيفضل يتجول في انحاء القرية و كل واحد بيديله اللي في النصيب اذا كان أكل او فلوس و اهالي القرية كانوا بعتبروا بركة وبيحبوا يتكلموا معاه، المهم يا عزيزي المرعب يوم العقيقة دا سمير مرديش ياكل من اللحمة وقال ان اللحمة دي مش كويسة و أن في شئ جاي على القرية هيأذيها و فضل يحذر الناس من اللحمة بس مفيش حد صدقه بل فضلوا يستهزؤوا بكلامه و يتريقوا عليه!!
سمير كمان قال التسمم دا مش سبسبب اللحمة دا بسبب وجود خديجة في القرية ومن اللحظة دي محدش هيشوف خير ابدا
الهواري يومها لما سمع كدا من سمير فضل يزعق فيه و يقوله أن بنته دي اشرف من أي جد موجود هنا وانها بنت اكابر و انضف منه
انتهى يوم العقيقة بالتسمم و الكل كتم على الموضوع بس بدأ ينتشر في القرية كلام الدايا حسنات و انت عارف عزيزي المرعب لو الست عرفت خبر او سر تاني اليوم العالم كله هيعرفه و هو دا اللي عملته حسنات ، كانت كل حد تقعد معاه تقوله على بشاعة ومنظر الطفلة بنت الهواري وقد أيه هي قبيحة وملامح وشها شبه الجن و عندها سنان شبه مصاصين الدماء، الكلام دا وصل للهواري و أزعجه جداً وحذر القرية كلها أنه لو سمع حد بيقول كلمة على بنته هيقطع رقبته
مرت السنين و القرية سمعت كلام الهواري وبطلت تجيب سيرة بنته لكن حصل العكس و الهواري هو اللي بقا بيشتكي للناس على تصرفات الطفلة الغريبة اللي مراته (بهيرة) خلفتها بيقول الهواري أنهم في أولى ليالي للطفلة معاهم ، عملها سرير صغير تنام فيه جمبهم و كان ساعات بيصحى على اصوات صراخ الطفلة دي ولما كان بيقلق من النوم هو مراته كانوا مبيلقوش الطفلة في مكانها هتقولي طيب دي طفلة مش بتعرف تمشي يعم مصطفى كانت بتبقى فين؟!!!!
الغريب يا عزيزي أن صوت صراخها بيبقى موجود في الأوضة لكن هالطفلة نفسها مش في سريرها لغز مش كدا!! طيب تعالى ارعبك أكتر و اقولك ان الطفلة دي كانت بتبقى تحت سريرهم!!!!!
شئ غريب وعجيب و الهواري بيقول دا محصلش مرة دا حصل كتير دا غير بقا أن من ساعة ما هي جت بقا بيشوف خيالات في الغرفة لشئ اسود قال أنا كنت بكدب نفسي أنها هواجس و أرق من تعب الشغل لكن اتأكدت انها حقيقية من كلام مراتي اللي بقت بتخاف تقعد في الغرفة لوحدها أو في البيت عمومًا و مع العلم البيت في الأول كان متعمر بأهل الهواري لكن بعد الولادة بدأت تحصل فجعة موت غريبة أولهم أمه وابوه وبعديهم أعمامه لحد ما البيت كله خاف يحصله حاجة و سابوا الهواري يعيش فيه لوحده
الموضوع بدء بأذى عيلة خديجة و دخل على القرية بعد 8 سنين من ولادتها و لما كبرت شوية شافوا علامات شبه الوشم على أيد الطفلة حاجة أنت متقدرش تمسحها و لا قادر تعرف هي جت منين بس هي عبارة عن حروف بالعربي متشقلبة في كل حتة في جسم الطفلة ، بدء يظهر غضبها كمان على الأهالي في القرية بعض الناس قالت انهم بيشوفوا طفلة في نواحي الاراضي الزراعبة اللي قريبة من بيت الهواري!! والكلام دا بيحصل قبل اذان الفجر بساعة بيقولوا شوفنا طفلة ملامح وشها مش حلوة خالص عينها سودة معندهاش لسان و معندهاش سنان غير اتنين كبار من مقدمة الفك البوق و لابسة ملابس غريبة ظاهر منها رقبتها اللي عليها اوشام خضرة تحس انها محفورة على جسمها و اللي ارعب من كدا بقا انها بتنده عليك ، الناس في الأول كانوا بيقولوا عليها النداهة و كانوا بيخافوا يقربوا من بيت الهواري بسببها بس لما ناس كتير شافتها و قالوا لبعضهم على مواصفات شكلها اجمعوا كلهم على أنها خديجة بنت الهواري واللي اثبتت الكلام دا الدايا الي ولدتها!!
لحد هنا و كل اللي بيحصل ممكن نقول انه عادي، لكن اللي جاي دا مبقاش عادي بالنسبة لأهالي القرية، في يوم و ليلة سمعت الاهالي خبط على ابواب بيتهم و الكلام دا كان قبل اذان الفجر بساعة برضو!
في اللي سمع صوت الخبط و في اللي كان في سابع نومة ومسمعش حاجة، بس إلي قام و فتح الباب عشان يعرف مين اللي جاي زيارة في وقت متأخر كدا مشافش حد ورا الباب بس هو شاف حاجة تانية واللي شافه كان غريب على عينه كانت قطعة من اللحم بس مش بتاعت حيوان لاء دي بتاعت بني ادم!!
تاني يوم الصبح البلد كلها صحيت على صراخ واحد شاف جثة الست حسنات الدايا على باب بيتها مرمية ومتقطع منها حتت كان يوم ميتنسيش و صعب يروح من الذاكرة بسبب تفاصيله المرعبة!! بعد تلت أيام من موت حسنات كبار القرية عملوا قاعدة عشان يعرفوا اللي حصل للست دي و اجتمعوا كلهم على أن السبب بنت الهواري و يومها الهواري كان قاعد معاهم في التجمع دا و معجبوش الكلام وقام زعق فيهم كلهم، حاولت الناس تهدي فيه وفضلت تتكلم معاه انه يعرض بنته على الشيخ (حمدان) و دا راجل بتاع ربنا و زي ما تقول كدا القرية كلها بتلجئ ليه في أوقات الشدة
الهواري خد بكلامهم و خد بنته هناك عند الشيخ و حمدان أول ما شاف خديجة طلب من أبوها يسيبهم لوحدهم ولما سابهم حصل اللي محدش توقعه و اللي أكد للهواري أن بنته فيها حاجة غلط ، بعد نص ساعة لما سابهم مع بعض سمع صريخ بنته جاي من الغرفة اللي قاعدين فيها ولما دخل شاف الشيخ حمدان ماسك بطنه و الدم بيخرج منه بغزارة و بنته قاعدة في الزاوية حاطة ايدها على وشها و بتصرخ ماكنش فاهم في ايه؟!!
لحد ما قرب من الشيخ و حاول يلحقه لكن الشيخ قال أن بنته مش طبيعية و مولودة بشئ مؤذي، خدام الشيخ يومها لحقوا بالعافية وطلبوا من الهواري يمشي هو وبنته ويشوفلها صرفة في حتة تانية
الهواري خد بنته و جري على بيته مهموم أكتر مش عارف هل كلام الشيخ صح ولا غلط يومها نام و صحي على صريخ مراته اللي كانت نايمة جمبه واللي كانت بتبعد ايد بنتها عنها اللي كانت بتحاول تموتها، الأب فاق شاف بنتها شخص تاني خالص، عينها واسعة وسودة و اسنانها اللي قدام طولت اكتر الأوشام اللي على جسمها بقت بارزة بشكل فظيع جسمها حجر ناشف جداً متقدرش عليه، حاول ابوها يمنعها من فعلها و حاول يكتفها بحبل من عنده عمل كدا بعد عناء طويل بسبب قوتها الغريبة على سنها الصغير، فضل ربطها يومها وشايف حالتها بتسوء أكتر بيبص عليها و الدموع بتنزل من عينه مش لاقي حل ليها ،
ميعرفش أيه السبب يومها اللي يخلي سمير متشرد القرية يعدي من تحت بيت الهواري و العجيب انه فضل ينده بكلمات تنصح الهواري بأنه يتخلص من بنته قبل ما تخلص عليه، بنت مش طبيعية ومن يومها قدومها على القرية عدد الاموات زاد و الفقر حل والناس بالها مش رايق حتى الأطفال اتمنعت من نزول الشوارع و القرية بقت شبه فاضية من بعد فدوم خديجة!!
هواجس أنه يتخلص من بنته بقت قدامه و هي الحل الوحيد عشان ينهي اللي بيحصل دا خدها من أيدها و نزل بيها عشان ينفذ كلام سمير لكن بهيرة مراته منعته من أنه يدفن بنته و هي حية!! هي أه فيها مشكلة و مؤذية لكن دي بنتها و متقدرش تستغنى عنها، حصلت مشدة كلامية بينهم أدت أن بهيرة تجري على السلاح اللي شايله جوزها تحت المخدة و توجه ناحيته و قالت انه لو خد بنته هتضربه بالنار، الهواري كان عارف أن مراته بتهدد وخلاص خوفًا على بنته وخرج من الغرفة وفي أيده بنته لكن الغريب أن بهيرة ضربت الرصاصة!!!!
بس هي ضربتها في مين؟!!! هل كانت بتستخدم السلاح من قبل عشان تعرف تنشل فعلا ولا هي قالت اخلص من نفسي احسن من أني اشوف بنتي بتتدفن قدامي!!
لكن الحقيقة هي عملت الافظع و قتلت بنتها بنفسها!!
بسبب أن بهيرة مفيش مرة مسكت سلاح، ضربت الرصاصة وهي نيتها تضرب بيها جوزها لكن للأسف تطلع و تصيب خديجة اللي خدت الضربة في بطنها عشان تقع على الأرض ويسيل الدم تحتها ببطء شديد، جريت الأم بلهفة وهلع على المصيبة اللي عملتها فضلت تضرب في جوزها وتقوله انه السبب و فضلت تمسك جسم بنتها تهز فيه على أمل انها تفوق لكن الواقع انها اصيبت اصابة قوية صعب أنها تتلحق حتى، طلب الهواري الناس تساعده وجري ببنته على أقرب مستوصف لكن للأسف كانت فارقت الحياة، بس العجيب أن القرية كلها اجتمعت على أنهم يداروا على فعلة بهيرة و يخبوا الجريمة اللي عملتها وفضلت سنة كاملة القرية مخبية الموضوع لحد ما أعلن ابوها حالة الوفاة بس لو كنت فاكر أنه اعلن وفاة بنته أحب اقولك لاء دي كانت وفاة مراته بهيرة!!
اللي صحي لاقها واخدة طلقة في بطنها بالمسدس بتاعه بنفس الطريقة اللي ماتت بيها بس هو مسمعش صوت طلق بيضرب ولا في اثار في الغرفة اني في حد دخل أو خرج و حتى الحيطان سليمة مفيهاش علامة لطلق ناري ،
و الاغرب بقا أن بصمات المسدس عليها بصمات أيد صغيرة مش حد بالغ الهواري متسجنش دقيقة في مقتل مراته ولا حد اتسجن لأن القاتل مجهول و الغريب أن الشرطة وجهت التهمة لبنته خديجة بس ازاي وهي ميتة بقالها سنة؟!!
محدش كان عارف حاجة غير أن خديجة حقها رجع بس مين اللي جابه دا السؤال اللي محدش وصل لأجابته و ليه أصلا خديجة اتولدت كدا أو كان فيها أيه اصلا محدش برضو وصل لأجابته وفضل اللغز دا محدش عارف أيه حله لحد ما أهل القرية نسيته وادفن معاهم في القبور بس كل اللي يعرفوا أن خديجة دي كان معاها شر و راح لما هي راحت.
لو وصلت لحد هنا متنساش تدعمني بلايك وشير وكومنت وتقولي رأيك في القصة و لو عندك موقف مرعب عايزنا نحكي تقدر تبعتلي على رسايل الصفحة أو على لينك صارحني.
