اسكريبت جزيرة الرفض بقى جني عماد
جزيرة الرفض بقلم جني عماد
عمركوا سمعتوا عن جزيرة سكانها بيقتـ'ـلوا أي حد يحاول يقرب منهم؟
تعالوا اقولكوا شوية معلومات عن جزيرة "نورث سنتينل_North sentinel island" أو اللي ممكن نقول عليها "جزيرة الرفض" بسبب رفض سكانها للتعامل مع العالم الخارجي
جزيرة "نورث سنتينل" جزيرة في المحيط الهندي ضمن أرخبيل اسمه جزر "أندامان ونيكوبار" اللي تابع للهند بالمناسبة.
جزيرة صغيرة مساحتها حوالي ٦٠كم² تقريبًا، حواليها شعاب مرجانية وده بيصعب وصول الزوارق ليها
سكان الجزيرة دي واللي بالمناسبة اسمهم "شعب السنتينليز" ممكن نعتبرهم من أندر وأقدم الشعوب البدائية اللي لسة عايشة بنفس أسلوب ونمط الحياة من آلاف السنين
معندهمش كهربا أو تكنولوچيا أو نت أو أي حاجة من الحاجات المتطورة دي، حياتهم كلها عبارة عن صيد سمك وحيوانات صغيرة وجمع ثمار وأدواتهم بسيطة مصنوعة من الخشب والحجر.
رغم إن الجزيرة شكلها حلو بسبب شجرها ورملها إلا إنها من أخطـ'ـر الأماكن لو فكرتوا تزوروها أو حتى تقربوا منها!
لإن ببساطة أي حد بيقرب من الجزيرة دي سكانها بيقابلوهم بالسهام والرماح وبيحاولوا يقتلـ'ـوهم
ومن أشهر المواقف المعروفة اللي بتبين مدى رفضهم لأي تواصل بينهم وبين العالم كان سنة ١٩٧٤ لما فريق تصوير حاول يروح هناك يعمل فيلم وثائقي عنهم، وأول ما قربوا من الجزيرة سكانها استقباهم بسيل من السهام لدرجة إن واحد من الفريق اتصاب في رجله!
وموقف تاني إن صيادين غرقوا وحاولوا يوصلوا لأقرب يابس، فراحوا الجزيرة بالغلط، اتقتـ'ـلوا فورًا بمجرد وصولهم
وموقف كمان كان سنة ٢٠١٨ حاول شاب أمريكي اسمه "چون ألين تشاو" إنه يدخل الجزيرة علشان يعرفهم الدين المسيحي ويبشرهم بيه، لكنه أول لما وصل هاجمـ'ـوه وقتلـ'ـوه على الشاطئ، ولحد دلوقتي محدش قدر يسترجع جثتـ'ـه
ومواقف تانية كتير وكتير، وبسبب كل اللي حصل ده الحكومة الهندية أصدرت قرار وقانون رسمي يمنع أي حد يقرب من الجزيرة لمسافة ٥ كم وده علشان تحمي الناس منهم وتحمي سكان الجزيرة كمان..
هتسألوني تحميهم ازاي؟ اقولكم إن العلماء بيقولوا إن شعب السينتليز -شعب الجزيرة يعني- معزول عن العالم وعلشان كده جسمهم معندوش المناعة الكافية ضد الأمراض اللي عندنا، يعني مجرد برد عادي ممكن يبيدهم وينتهوا، وده من أحد الأسباب اللي الحكومة بتحظر التواصل معاهم
لكن برضه يظل الغموض حوالين الجزيرة كبير جدًا، محدش يعرف عددهم بالظبط لكن التقديرات بتقول ممكن من ٥٠ لـ ٤٠٠ شخص
وكمان محدش فاهم لغتهم وبيقولوا إنها مش من أي لغة احنا نعرفها أو متعودين عليها
ومحدش يعرف تفاصيل حياتهم وروتينهم اليومي غير إنهم صيادين وحياتهم بسيطة وبدائية
الجزيرة فعلًا لحد دلوقتي رمز للغموض، بس السؤال هنا..
ليه هما منعزلين بالشكل ده؟ هل معتقدين إن بعدهم حفاظ على نفسهم؟ ولا شايفين إن التقدم والتطور خطر؟ وهل أنتم شايفين إن هما محرومين من حاجات كويسة عندنا ومش عندهم؟
شاركوني>>
#چنى_عماد
#چبنيا
