رواية فرخنده ضحية الدجال قصه حقيقيه بقلم نورهان احمد فتحي
رواية فرخنده ضحية الدجال قصه حقيقيه بقلم نورهان احمد فتحي
لو فاكر أن اللي حصل السنه دي من جر.ائم كان ابش.ع ما وصلنا ليه ك بشر احب اقولك إن في جر.يمة حصلت سنه 2015 من ابش.ع الجرا.ئم اللي ممكن تحصل في تاريخ البشرية ...
حكايه انهاردة حقيقيه 100%حصلت في العاصمه الأفغانية كابل..
مقت.ل فرخندة صاحبه ٢٧عام علي يد الجهل و العن.ف الغير مبرر للمرأه مات.ت بس عشان وقفت قدام دجال بيتكلم بإسم الدين عشان كانت بتمنع ان النساء تروحله عشان ميستغلهمش بحجه إنه السبب في إنهم هيتجوزو و يخلفو فرخندة كانت حافظة القرآن كامل و كانت متخرجة من جامعه و معاها شهادة الدراسات الاسلاميه محجة حجاب شرعي كل اللي عملته إنها حاولت توقف دجال عند حده بحكم انها مسلمه متدينه و مدرسه للدين الاسلامي ..
الحكايه بدأت عند مسجد شاه دو شامشيرا
هناك في ضريح اسمه ضريح الملك ذو السيف.ين وده ضريح مقدس هناك جدا ومعروف وبدأت فرخندة تتجادل و تتناقش مع المُلا(كلمه بمعني الشيخ عندنا كدة) زين الدين إنه بيعمل ا.سحار و اعمال و بيبيع السح.ر و الد.جل و الشعو.ذة دي بإسم الدين و إنها هتسبب بفضيحه ليه يسكت زين الدين يقولها خلاص عرفت غلطي .. لا طبعا مايقولش .. فيقوم شيطانه موسوسله بأيه بقي بأنه يصرخ بصوت عالي و يزعق عن المسجد أثناء النقاش بينهم إن فرخندة حرقت المصحف و دنست القرآن و بالفعل عمل كدة وصوته يعلي و الناس تتجمع و ترد فرخنده رحمه الله عليها تقوله أنا مسلمة و المسلمون لايحرقون القرآن هحرق القران إزاي و أنا مدرسة دين وهو يزعق و يش.تم و يقول للناس.دنست القرآن و شغاله لصالح الامريكان طبعا الناس عارفه المُلا بدأت كل الرجاله اللي حوالين الضريح تتجمع حوالين الملا و فرخنده و كل ما يجي حد يقولو الناس إنها دنست القرآن و جاسوسه وشغاله تبع الامريكان و الشائعات زادت لحد واحد منهم الله لا يوفقه راح منفعل و قام بض.ربها بخشبه علي دماغها و بدأت المجز.رة أزيد من ١٠٠بني ادم بيض.رب في فرخنده برجول و اليدود و بأغصان الشجر و الواح خشبيه و بالحجارة و سح.ل في الشارع و قط.عوا حجابها و هي كل ده بتصرخ وتحاول تدافع عن نفسها ومحدش راضي يسمعها كل ده علي مرأى و مسمع من الشرطة الأفغانية اللي حاولت تدخل عشان تشيل فرخنده من أيديهم ماعرفتش لدرجة بقوا يطلقوا أعيرة نارية عشان يبعدوهم مفيش فايدة حاولوا يرفعوها علي سطع مركز من مراكز الدوائر الانتخابية هناك الناس طلعت فوق ض.ربوها و سح.لوها بردوا كل ده مكنش كفاية لا اسمعوا المحزن اكتر طبعا فرخندة فقدت الوعي عملوا ايه بقي ربطوها في العربيه و دا.سو عليها بيها ولم يكتفوا سح.لوها وهي مربوطه كدة ٣٠٠ قدم بالعربية لحد ما وصلوا لنهر كابل قالو بس كدة احنا نض.رب فيها حبه كمان بالحجارة لاقوا لسه فيها الروح و بتتنفس لا بقي دانت لازم تمو.تي يعملوا ايه قرروا إنهم يو.لعوا فيها اه و الله طبعا حاولوا يو.لعوا فيها النار مش بتو.لع ليه لان جسمها غر.قان د.م يسكتوا لا خلعوا قمصانهم ورموها عليها و و.لعو في القمصان بس وهنا حر.قوا جثمانها .. بقلم الكاتبة نورهان أحمد فتحي
كل ده و اهلها ميعرفوش أن دي فرخنده هو وصلهم من الأخبار أن في بنت دنست القرآن و شغاله مع الامريكان اتس.حلت و اول ما عرف جاتلة صدمه من اللي حصل و اتكلم و وجهه اتهام للملا إنه عشان ينقذ نفسه اتهمها بكدة و تتسبب في مقت.لها طيب الشرطة موقفها ايه ؟
المتحدث باسم شرطة كابل في الاول قال إن فرخنده زيها زي اي حد مش مؤمن شغال مع الامريكان فكر إنه لما هيعمل كدة هينجوا بفعلته و هياخد الجنسيه الامريكيه و إنه مؤيد للحصلها مش هو بس اللي كان مؤيد ده كمان نائب وزير الإعلام و الثقافة كان مؤيد و رئيس لجنه الشكاوي لمجلس شيوخ البرلمان كان مؤيد لمقت.لها كل ده لحد ما والدها قرر إنهم بردو يعيدو التحقيق في القضية و طبعا بعد ما راجعوا الكاميرات و كلام بعض الشهود اثبت إنها لا حرقت المصحف و لادنست قران و لا اشتغلت مع الامريكان و لا كانت جاسوسة بدأت تطلع مظاهرات في المناطق اللي اتسح.لت فيها فرخندة نساء و رجال بيطالبوا بالقصاص بس النساء كانت اكتر بحكم انها قضيه نسائية عشان اللي اتعرضتلها فتاه وبدأو يلبسو اقنعه عليها د.م كنيه عن اللي حصلها و اتهم ابو فرخنده الشرطة إنها معملتش الجهود اللازمه لإنقاذ بنته اللي شهادتها عن الدراسات الاسلاميه
رد فعل الدوله بعد إثبات إنها ما.تت ظلم قبضوا علي كل اللي وشهم باين في الكاميرات كانوا حوالي ٢٨ شخص بس و١٣رجل شرطة
و بعد ما أعلن وزارة الحج أنها لم تحرق القران قال كبار علماء المسلمين هناك احمد علي جبريل إنهم مكنش عندهم دليل عشان يعد.موها بالشكل التعسفي ده وان اللي حصل حرام شرعا ولازم المعاقبه عليه
و طبعا جنازتها كانت تعتبر من اغرب الجنازات الأفغانية لأنها غير العادات و التقاليد عندهم حمل النعش النساء بس و لفوا بيه المكان اللي ما.تت و اتسح.لت فيه
وبعد كدة دفنوها
الغريب بقي إن اللي اتقبض عليهم تقريبا ولا واحد اخد اعد.ام ١٨اخدو ١٦ سنه و النقد اتخففوا و الاربعه الباقيين كانوا اخدو اعدا.م والنقد اتخفف الحكم لمؤبد ٢٠سنه والباقين اخدو من اربع لعشر سنين و الملا بقي سبب الكا.رثة دي اخد براءة مع أن المحققين والشرطيين قالوا إنهم شافوا بي.ضربها بس اخد براءه بردوا سنه ٢٠١٦ دعت لجنه حقوق المراه أن الأحكام تتعاد تاني لكن محدش بعد كدة سمع اي حاجة عن القضية ...
#الكاتبة_نورهان_احمد_فتحي
#فرخندة_ضحية_دجال
