رواية الجنيه والشيخ الفصل الأول 1بقلم نور محمد
رواية الجنيه والشيخ بقلم نور محمد
الجنية والشيخ |١|
كان يمشي ليلاً في مكان شبه خالي لتظهر امامه فجأة
لانا: لو سمحت عمارة ٦ فين اصل كل العمارات هنا من غير ارقام
احمد وهو يشير في اتجاه: اللي هناك دي
لتختفي لانا فجأة
احمد بخوف: بسم الله ...انا شكلي اتجننت ولا ايه
لانا من خلفه: هو انت احمد عبدالله الدوشي
احمد بفزع: ياست بقا انتي بتطلعي منين
لانا: انت احمد
احمد: ايوا انا انتي مين
لانا: هقولك بعدين انا لازم امشي هجيلك تاني بالليل
واختفت بكل بساطة
احمد بخوف: ما هو ده ليل احنا اصلا بالليل.... لا بقا كدا كتير ايه الجنان ده
عاد احمد لمنزله وما حدث يشغل تفكيره
مريم والدة احمد: حمدلله على السلامة يا حبيبي اجهزلك عشا
احمد : الله يسلمك يا ست الكل بسرعة جهزي الاكل واقع من الجوع
مريم : عينيا يا حبيبي على ما تصلي العشا يكون جاهز
دخل احمد غرفته بدل ملابسه وتوضأ وصلى وخرج مرة اخرى
احمد : ماما خلصتي
مريم : ايوا تعالى.... عملت ايه في الشغل النهاردة
احمد : الحمدلله يوم عادي
مريم: بقولك يا حبيبي انا عايزة اروح ازور خالتك بقالي كتير ما شوفتهاش
احمد: براحتك طبعاً تحبي اوصلك قبل ما اروح الشغل
مريم : لا مش بدري كدا انا همشي على الضهر كدا
احمد: هترجعي متى
مريم : ممكن بعد يومين كدا انا جهزتلك اكل هتسخن بس وتاكل اوعى تكسل
احمد: ماشي بس متطوليش اكتر من كدا... الحمدلله شبعت
مريم : بالهنا ...اكيد مش هقدر اسيبك اكتر من كدا
احمد بنعاس يحمل الاطباق: ترجعي بالسلامة...انا هدخل انا بقا تصبحي على خير
مريم وهي تساعده بحمل الاطباق: وانت من اهله
دخل احمد غرفته بعد ان ساعد والدته بغسل الاطباق والقى بجسده على السرير لتظهر لانا مرة اخرى
لانا: احمد انت نمت
احمد بنوم: لا لسه صا... بسم الله انت دخلتي هنا ازاي
لانا بتعجل: دخلت وخلاص اسمعني بسرعة مفيش وقت
احمد : هو ايه اللي دخلت وخلاص هو مكتب دي اوضتي وبعدين ازاي دخلتي من غير ما ماما تشوفك
لانا بزهق: محدش بيشوفني غير اللي عايزة يشوفني
احمد بغباء: ده اللي هو ازاي
لانا: يعم كفاية اسئلة... انت لازم تساعدني لازم تكمل اللي ابوك بدأه
احمد بحزن: الله يرحمه بس اكمل ايه هو انتي ليكي فلوس عند بابا
لانا بعدم فهم: لا ليه
احمد بجزع : لا متقوليش انا بابا كان متجوز على ماما وانتي اختي
لانا بعصبية: يا د*ين امي ممكن تبطل غباء وتسمعني ابويا لو لاحظ غيابي هتكون مصيبة
احمد: طب احكي بسرعة بتضيعي وقت ليه
لانا : انا اللي بضيع وقت ... مش مهم بص انت لازم تكمل الطقوس اللي ابوك بدأها والا العواقب مش هتكون كويسة ابدا
احمد: انا مش فاهم طقو*س ايه
لانا بخوف: متقولش انك متعرفش ابوك كان شغال ايه
احمد بثقة : لا طبعاً عارف ابويا كان تاجر وكان بيعالج الناس اللي عندها مشاكل
لانا بيأس: هي ليلة مش فايته انا عارفة.... ابوك فعلاً كان تاجر قدام الناس بس من وراهم كان حاجة تانية خالص حاجة كبيرة اوي وليها مكانة
احمد بتسرع: لا متقوليش ابويا كان تاجر مخد*رات لا لا اكيد كان ظابط مخابرات
لانا بعدم صبر: يالهوييييي يالهوي عليا وعلى سنيني انا لازم اغور دلوقتي وهجيلك تاني
ثم تختفي
احمد بتفكير: اكيد معاها جاهز بيخفيها ما هو العلم اتطور بردوا بس ما قالتش ابويا كان شغال ايه يا ترى كان شغال ايه؟؟؟؟
اكمل ولا ايه؟؟
يتبع
لقراءة باقي فصول الرواية اضغط هنا ( رواية الجنيه والشيخ )
