رواية أحببت ملتزمًا الفصل السابع 7 بقلم سلمى فكرى
رواية أحببت ملتزمًا البارت السابع 7
رواية أحببت ملتزمًا الجزء السابع 7
رواية أحببت ملتزمًا الحلقة السابعة 7
رواية أحببت ملتزمًا بقلم سلمى فكرى
 |
| رواية أحببت ملتزمًا |
رواية أحببت ملتزمًا الفصل السابع 7
الفصل السابع *احببت ملتزما*
ابتسام اتعرفت علي صحاب تقي و حبوها جدا و تقي فرحت انهم معاها علي طول مش بيسبوها و عدي شهر علي وفاه مامت تقي و الحياه رجعت زي الاول
عند رعد
ابتسام : رعد انا لقيت شغل
رعد : فين
ابتسام : ف شركه(.........) عارفها
رعد : طبعا دي شركه صاحبي اللي انت بتروحي لاخته
ابتسام : بجد
رعد : اه و الله يابنتي تحبي اتوسطلك يقبلوكي
ابتسام : لا لا انا هقوم البس عشان متاخرش ع الانترفيو
رعد : ماشي ي قلبي
________________________________________
ابتسام راحت الشركه و هي متوتره و خايفه متتقبلش دخلت لقت بنت ف الاستقبال
ابتسام : لو سمحتي جايه اقدم علي وظيفه سكرتيره كانوا عاملين اعلان
البنت : الدور التاالت في مكتب البشمهندس محمد بس ياارب متمشيش زي الباقي
ابتسام : ازاي هو محدش اتقبل
البنت : لا فيه بس سابوا الشغل انت اسمك ايه
ابتسام : اسمي ابتسام و انت
البنت : انا اسمي مروه
ابتسام : اتشرفت بيكي عن اذنك
مروه : الشرف ليا اتفضلي
ابتسام ركبت الاصانصير و طلعت و سالت عن المكتب خبطت و دخلت
ابتسام بحياء : السلام عليكم
محمد : وعليكم السلام ورحمه الله و بركاته
ابتسام : كنت جايه اقدم علي وظيفه سكرتيره
محمد : اه طبعا اتفضلي فين اوراقك
ابتسام : اتفضل اهي
شاف محمد الورق و عجبه و قرر يشغلها : تقدري تشتغلي معانا هنحطك اسبوع تحت التدريب الاول نشوف شغلك
ابتسام : تمام عن اذنك
محمد : اتفضلي
________________________________________
ف الجامعه
ريم : ايه رايكو نخرج
ندي : ياريت
ملك : انا كمان زهقانه ياريت و انت ي تقي
تقي : مش عارفه تعالوا نشوف ابتسام
ملك : ايوه انا حبيت البنت دي اووي رني عليها
تقي رنت علي ابتسام و ابتسام اول ما شافت الرقم فرحت جدا و ردت
ابتسام : السلام عليكم و رحمه الله و بركاته
تقي : و عليكم السلام و رحمه الله و بركاته ازيك ي ابتسام اخبارك
ابتسام : الحمد لله بخير و انت ي قمر
تقي : الحمد لله كويسه ايه رايك انا و البنات عاوزين نخرج تيجي معانا
ابتسام : امممم هقول ل ماما الاول و اشوف رايها ايه و هتصل بيكي
تقي : ماشي ي قمر سلام
ابتسام : في امان الله
ريم : هاا هتيجي
تقي : قالت هتقول ل مامتها الاول و هتشوفها بس ياارب توافق ف اللحظه دي جت بنت عليهم
البنت : البقاء لله ي تقي
تقي : مين
البنت : انا اسيل مش فاكراني ولا ايه
تقي : اه افتكرتك اهلا
اسيل : ولا يهمك اشوفك مره تانيه فرصه سعيده و مشت بسرعه من قدامهم
ملك : البنت دي غريبه اووي
ندي : فعلا ي تري هي عاوزه ايه مننا
تقي : فكك يابنتي منها و قعدوا يرغوا لحد معاد المحاضرات بتاعتهم
________________________________________
ابتسام روحت البيت
ابتسام : ماما ي امي
فاتن : ايوه ي حبيبتي
ابتسام : صحابي خارجين ي ماما
فاتن : صحابك مين
ابتسام : اللي هي اخت صاحب رعد دي ي ماما و صحابها
فاتن : موافقه بس علي شرط
ابتسام : قولي ي ماما
فاتن : يجوا يتغدوا معانا الاول
ابتسام : خلاص هقولهم و اتصلت ابتسام ب تقي
ابتسام : السلام عليكم
تقي : و عليكم السلام هاا هتخرجي معانا
ابتسام : ماما شرطت عليا حاجه الاول
تقي : قولي و احنا مستعدين ننفذ
ابتسام : هتيجو تتغدو عندنا انهارده
تقي : مش عارفه استني اخد رايهم
ابتسام : لا ي حبيبتي مش بمزاجكم هتيجو عشان عاوزه اخرج
تقي : خلاص ماشي ي قلبي سلام
ابتسام : في امان الله
________________________________________
في فيلا الشناوي
احمد : انت مش ناوي تتجوز يابني
معاذ : لسه ي بابا ملقتش البنت اللي تناسبني
احمد : ايه رايك اختارلك انا عروسه
معاذ : لا ي بابا
احمد : ليه يابني ما انت مش عارف تختار
معاذ : في واحده ي بابا عجباني
احمد : مين و اسمها ايه و عرفتها ازاي
معاذ : واحده ي بابا هقولك عليها اكيد بس اتاكد انها هتناسبني اتفقنا
احمد : اتفقنا
ي تري مين هي البنت دي ............
رواية أحببت ملتزمًا الفصل الثامن 8 من هنا
لقراءة الرواية كاملة اضغط هنا (رواية أحببت ملتزمًا)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
