رواية الميدوسا الفصل السادس 6 بقلم كوكا أشرف
رواية الميدوسا البارت السادس 6
رواية الميدوسا الجزء السادس 6
رواية الميدوسا الحلقة السادسة 6
رواية الميدوسا بقلم نورهان ناصر
 |
| رواية الميدوسا |
رواية الميدوسا الفصل السادس 6
رواية الميدوسا (بقلم كوكا اشرف )
الفصل السادس
بعد ان صعدت سناء فتحية لتغريد : اخيييه اهي الولية الحيزبون دي جت هتقوي مرات اخوكي زيادة اهي هي اللي مفرعناها كدا
تغريد : ولا البت اللي ساحبها في ايدها دي ريحتها مفحفحة وباين عليها غنية من منظرها وشكلها ولبسها ربنا يستر وعين الرجالة متشوفهاش
ثم ابتسمت بخبث :بقولك ايه ياما ايه رايك لو نستغل البت دي في ان سالم يشوفها اكيد تعجبه ونطلع في دماغ فاتن الموضوع ونخليها تشك فيهم يمكن يتخانقوا ويطلقها
فتحية : انتي اتعميتي مش شايفة العيل اللي علي باطها اكيد متجوزة هتبص لاخوكي ليه
تغريد : ياستي عنها مابصتله احنا عاوزين سالم اللي يبصلها وفاتن تعرف
فتحية بقلق : شكلك هيجي في يوم وتخربيها علي دماغنا احنا
في غرفة فاتن
فاتن : متتصوريش فرحتي بجد يامريم في مجيتك دي والله
مريم : حبيبتي يااحلي دكتورة بس غريبة انك بعد تخرجك تتجوزي بعدها علي طول بكام شهر بس دول تقريبا شهرين تلاتة
تنهدت فاتن : اعمل ايه سالم ابن عمتي وكمان هو الوحيد اللي هنا عاقل عنهم بصي انا كنت قلقانة اوي بس لقيته انه شخصية جميلة بجد وحنين ومتفهم وبيشوف انا عاوزة ايه ويحاول يعملهولي حتي لو مش مقتنع بيه
مريم بضحك: انتي عشقانة ولاهانة بقي
ضحكت مريم : لا ولا عشق ولا حاجة ممكن تقولي اعجاب علي تفكير بعقل اصل انا عمري ماهتجوز حد من برة البلد وسالم حد ليه وزنه هنا وابن عمتي والاهم انه عاااقل انتي عارفة دا لو زي اخويا غانم كنت انتحرت والله
ابتسمت مريم بشرود : عندك حق اهم شئ العقل والتفاهم وطلما هو بيعمل الي عاوزاه واللي يريحك حتي لو مش مقتنع بيه يبقي انتي اخترتي صح صدقيني
نظرت لها فاتن بااستغراب ثم حاولت ان تقلب الجو لهزار
فاتن بهزار : ايه هو المرحوم كان مطلع البلا عليكي ولا ايه
ضحكت مريم بغلب ثم تكلمت سناء اخيرا : لا ياختي المرحوم لسه في الروح ومدب اد الدنيا
نظرت لهم فاتن بعدم فهم
مريم : انا مش ارملة يافاتن زي مانتوا مفكرين انا متجوزة وجوزي عايش بس في مشاكل بينا فاتقدري تقولي منفصلين بس من غير ورق رافض يطلقني
فاتن : اخلعيه طيب لو مدايقة من وجوده في حياتك
سناء بتهكم : بتحبه ياختي هو في حاجة في الدنيا بتجيب الست لورا غير الحب المهم كملوا انتوا مع بعض وانا هروح اعد مع غالية في المطبخ تحت
نزلت سناء وتركتهم
فاتن نظرت الي مريم وجدت علامات الحزن علي وجهها
فاتن : كبري مخك يامريم بقي وشيلي سيرته اللي دايقتك دي انتي جاية تغيري جو هنا ولو حبة تفضفضي مع حد تقدري تتكلمي معايا
مريم : اقولك ايه بس يافاتن انا مليش حد لاصحاب ولا اخوات ولا قرايب مليش الا خال وبنته وعايشين في الامارات عشان كدا مصدقت اتعرفت علي طنط سناء
فاتن : انتي خريجة تجارة صح يامريم
مريم : ايوة بتسالي ليه
فاتن : طيب ماتنزلي اشتغلي في اي مكان تخرجي من الجو دا خالتو كانت قايلالي ان اخوكي عنده مستشفي كبيرة ماتكلميه يشغلك محاسبة مثلا في المستشفي او لو يشوفلك في اي شركة حد يعرفه شغل وكمان هو فين يقف لجوزك دا يطلقك مثلا
مريم بضحك غلب حتي انها ادمعت من الحزن : اخويا السبب في كل القرف دا دا حتي هو السبب تقريبا في انفصالي عن جوزي
نظرت لها فاتن بحزن وشفقة علي حالها
في الاسكندرية في مصنع الادوية
في مكتب فهد
كان الكل مجتمع لاتمام العقود وبعد الانتهاء من اتمام العقود سلم عليهم فهد وتامر
اقتربت ليندا من فهد جدا ثم تكلمت بدلع : تسمحلي ان اعزمك بمناسبة اتمامك العقود مع شركتي
نظر لها فهد لفترة ثم تكلم وهو علي وضعه وعدم تاثره بقربها : لا
نظرت له ليندا بصدمة من رفضه الصريح وجموده امامها رغم انها انثي جميلة وترتدي ملابس تغري اقوي الرجال
ليندا وهي علي حالتها : انت صريح اوي بشكل غريب بس حالتك دي بتدل علي حاجة واحدة بس وهي انك بتحب ومخلص لابعد الحدود لحبيبتك
نظر لها فهد باابتسامة تهكمية : هو انتي دا بس الي جه في بالك واضح كدا انك من هواة قراية الروايات الرومانسية ومفيش اي شئ يخلي الراجل يغمض عينه غير الحب
اقترب منها فهد ثم تكلم بهدوء : مش يمكن مثلا انتي مش نوعي المفضل او مش انتي مزاجي مثلا
نظرت ليندا في عيونه ووجدت ثبات رهيب في عيونه وملامحه
اقترب تامر منهم ثم حمحم : فهد الناس بتتفرج علي مناقشتكم دي اينعم مش فاهمين حاجة بس المنظر بيودي الدماغ في حتة تانية
تركها فهد وذهب وودع باقي الوفد بتاعها ثم تحدث لتامر : خليك انت هنا في المصنع وانا رايح المستشفي فيها حجات كتير عاوزة تخلص من كام يوم وانا مأجلها
ذهب فهد الي المشفي الخاص به
دخل فهد الي المشفي بهيبته المعتادة واستقبله مدير المشفي
علاء : اهلا دكتور فهد اخيرا وصلت المستشفي محتاجين امضت حضرتك علي ورق استلام الاجهزة الجديدة
فهد : علاء اهلا بيك تمام انا جاي النهاردة اخلص كل حاجة محتاجاني
انتهي فهد من كل الاوراق
علاء : دكتور فهد في عجز في الدكاترة محتاجين كذا دكتور في كذا تخصص
فهد : طيب ماتتصرف يادكتور هو مش حضرتك المدير
علاء بتردد : احنا محتاجين دكتورين في قسم الجراحة وقدرت ادبر منهم دكتور زميل ليا اقنعته يجي هو ليه وزنه واسمه بس محتاجين دكتور نسا
قبل ان ينهي كلامه قاطعه فهد بحدة : شوف دكتور ودكتورة للنسا لكن لوبترمي ان انا انزل اشتغل هنا يبقي لا
علاء : طيب ليه بس دا ......
فهد قاطعه لمرة تانيه : قولت لا وخلاص خلصنا
انتهي فهد وهب الي منزله
رجوعا الي البحيرة ليلا
علي العشاء اجتمع الكل
سالم : يااهلا ياحجة سناء منورة والله انتي وضيوفك علي راسنا
سناء : حبيبي ربنا يفرحك انت وفاتن ويبعد عنك كل شر ثم نظرت الي تغريد وفتحية والذين بدورهم نظروا لها بغيظ
تغريد بغيظ : بس ياخالتي سناء اتعرفتي علي الحلويات دي ازاي غريبة عليكي ولا ايه رايك ياسالم
كانت تغريد تنظر الي مريم
سناء بتهكم : مهي الحلويات دي في اسكندرية ياروح خالتك حتي الحلويات اللي بتكون في البلد هنا بتهج علي اسكندرية بتهج من القرف
نظرت لها تغريد بغيظ : انتي بتهزقينا في بيتنا ياخالتي ولا ايه
سناء بتهكم : لا ياروح خالتك انا بفهمك بس بطريقتك
سالم لتغير الموضوع ومنعا للمشاكل : امال فين غانم
تغريد : في الارض عنده شغل وهيتاخر
كانت في نفسها فرحة لانها خائفة من غانم عندما يري مريم
بعد وقت قليل حضر غانم نظر غانم الي مريم ثم ذهب وسلم علي سناء التي بجانبها
غانم : ازيك ياخالة عاملة ايه مش تقولي انك جيتي كنت جيت من بدري
سناء : ليه هي مراتك مقلتلكش ولا ايه
غانم نظر الي تغريد والتي تنظر له بغيظ وقلق ثم قال : لا مقالتليش والله
ثم نظر ثانيا الي مريم بااعجاب واضح : مش تعرفينا علي ضيوفك ياخالة
سناء : دي مريم جارتي وكانت عارفة فاتن قبل متسافر فاجت تباركلها لما عرفت انها اتجوزت
نظر لها غانم بااعجاب : يااهلا يااهلا منورة البلد كلها والله
مريم : بنور حضرتك شكرا
نظر غانم الي فاتن : طيب يافاتن كنتي قولتي كنا نضفنا الدور اللي فوقي عشان خالتي والهانم ياخدوا راحتهم فيه
سناء : لا ياغانم شكرا انا اعدة مع غالية وعموما احنا مش هنطول احنا ماشين بكرة بليل بالكتير
تغريد بتهكم : توصلوا بالسلامة ياخالتي
غانم : الله دانا ملحقتش اقعد معاكي ياخالتي
سناء وهي تنقل نظرها بين تغريد وغانم : لا ياحبيبي عشان جوز مريم ميعملش معاها مشكلة هو عطيها اذن يومين
غانم : خلاص اني بكرة مش رايح الشغل وهقعد معاكي اصل انتي وحشاني اوي والله
فتحية وهي تميل علي تغريد وتهمس : مش قولتلك انتي الي هتتنيلي في الاخر سالم ملوش في الكلام دا غلبان ياعين امه الدور والباقي علي جوزك اللي ريل عليها روحي ياختي الحقيه
نظرت لهم تغريد بخوف
يتبع ............
رواية الميدوسا الفصل السابع 7 من هنا
تابعونا على التليجرام من هنا (روايات شيقة ❤️)
