رواية عشق الندي الفصل الثالث عشر 13 بقلم مها عيسى
 |
| عشق الندي |
رواية عشق الندي الفصل الثالث عشر 13
❤️ عشق الندي ❤️ ( 13 )
------------------------------------
✍️بقلم / مها عيسى
🌼🌼🌼🌼🌼🌼🌼🌼🌼🌼
أسر / يطلع يتكلم برا عشان الصوت ومش هايسمع
الو...........
المتصل / ____________
أسر / بصدمة (وبصوت عالي) ايييييييه.......
أنت بتقول اييييييييييييه يابني آدم... وازاي ده يحصل
ليأتي "مهند" على صوته وبقلق... فيه ايه يا "أسر...
أسر / يقفل الهاتف وبذهول.... مصيبة ياعمي مصيبه
الدكتور إللي مسكناه في القضيه..... الظابط بيتصل
عليا دلوقت بيقول انهم داخلو عليه الحجز لقيوه
مشنوق.......
مهند / بصدمة.... اييييه مش ممكن ازاي ده يحصل
ومين عمل كدا.... ازاي واحنا حجزينة ف حجز
انفرادي (وبصوت عالي) مييييين قدر يوصل له جوا
يلآ احنا لازم نروح هناك دلوقت
أسر / ازاي واحنا مش عايزين نعمل شوشره.....
مهند / بتفكير.... خلاص انا هاتصرف.... وسابه ودخل
جوا اتجاه العرسان...... اييه ياولاد أنتم عجبتكم القاعده
ولا ايه مكفايه كده ولا اييه.....
مراد / ليه بس كده يا عمي دي لليله العمر.... مالسة بدري
مهند / لأ يابن "سيف"... مش لليلة العمر لليلة العمر دي
تتقال عل الفرح والفرح خلاص كلها أسبوعين
ووقتها ابقو اسهرو للصبح هههههه ياعم
مامت مراد / ايه ياسيادة العقيد انت مستكتر الفرحه
عل الاولاد ولا ايه.....
مهند / ازاي يادكتورة كل ما في الأمر أن الوقت اتأخر
وعشان الدوشه والجيران وكدا وكمان ياعريس احنا
ناس عندنا شغل بدري كدا مش هانقدر نقوم ههه ولا اي
خال مراد / بضحك.... خلاص يا ام مراد "... الباشا
عنده حق يلآ ياعريس وياسيدي هانت وعروستك
هاتبقه معاك علطول ابقو اشبعو قعاد مع بعض هههههههه
مراد / يقوم بابتسامة... ماشي مدام الكبار حكمو
ويسلم عل" ندى " سلام ياقلبي وعل عيني اني أمشي
واسيبك... هابقه أكلمك أول ما أوصل البيت.. تمام
ندي.... تهزله براسها ثم تلف تسلم على مامت مراد "...
ومراد".... سلم على الكل وخاله كمان والكل وداعهم
ومشيو وبعدهم خرج بسرعه "مهند" و "أسر"... بعد ما
عرفو "سراج"...اللي حصل لأنه لحظ تغير في ملامح
مهند "... وهو يتكلم مع مراد" و أهله.. ولما بص ل "أسر
أسر... غمز له
وبعد ما الجماعه مشيو هو قص له كل ال حصل
__________بقلمي مها عيسى ________
ندي / نايمة على سررها شارده وهي تلعب بالدبله بأصبعها
ليرن هاتفها.... تتنهد وتفتح... الو.....
مراد / بحب.... ايه نمتي
ندي / لأ لسه....حم
مراد / ____________يصمت
ندي / مستغربه من صمته... حمم اييه مش لاقي كلام
تقوله
مراد / بهيام... تؤتؤ إن كان ع الكلام فالكلام العشاق كله
ميوفيش أحساسي بيكي ولا حبي ليكي.... أنا سكت
عشان أسمع أنفاسك.... عايز أشبع منه أشتياقي له
ندي "... أنا بعشق كل حاسه من حواسك إللي منهم.. أنفاسك
أنا مش بس بعشقها أنا أصبحت مدمن ليها.....
فا لما أحب أكلمك لازم أشبع أشتياقي منهم كلهم عشان
كده سكت لما أشبع من أنفاسك قبل ما أسمع صوتك
أنفاسك واحدها كفيلة بتفتيت كل خلايا جسمي...
فا تخيلي بقه لما كمان أسمع بيحصل بيا اييه
والابهي لما أشوفك قصادي اتأمل ملامحك إللي بتوه فيها
زي ما يكون ماشي في بستان مليان زهور واغصان وطرق
كتير تحتار ترسي عل اي طريق كل م أمشي من طريق
ألقى نفسي توهت لطريق تاني وأبقى زي إللي ماشي ف
متاهه... ملهاش أخر....
وقبل ما أفوق من المتاهه دي أكون وصلت لعيونك إللي
بالظبط كابحر عشق بغرق بغررررق فيه بعمق......
لمكان صعب الرجوع منه..... بس خايف أرجع ألقى
نفسي كنت ف حلم وأصحى منه على حقيقه تصدمني
اوعي يا "ندي"... أنا أموت لو بعد ما بقيتي ليا تبعدي
تاني عني....
ندي / بتأثر.... يااااه للدرجادي يامراد
مراد / بعشق.... واكتررر بكتيييير مما تتصوري انتي
حاجه كبيرة أوي عندي يا "ندي"... بس ليه مش عارف
حاسس بخوف جوايا أو بحاجه مش مطمناني من جوا
مش عارف ليه.... وابتسامة بصوت... يمكن إني لسه
مش مصدق نفسي ان حلمي اتحقق.... ندي "
أنا عارف انك ممكن تاخدي وقت على ما تحبيني بس
صدقيني انا هاعمل المستحيل عشان اخليكي تحبيني
واخليكي أسعد واحده بالدنيا كلها.... وده مش بالكلام
وبكره تشوفي بنفسك.... (وبكره تشوفو مصر 🤔سمعنا
يابني الكلام ده كتير والحمدالله شفنا والله 😂😅)
عودناااا.... نكمل النحنه بقاا
ندي / بتأثر وهي تشعر بالذنب ومش عارفه ترد عليه تقول
ايه....حمم ان شاء الله.... طيب نقول تصبح على خير
أصل صراحه حاسه بصداع ومحتاجة ارتاح شويه
مراد / بقلق... لاأ ألف سلامة عليكي حبيبي تحبي أجيب لك دكتور
ندي / لاأ لااااا مفيش داعي دا مجرد شوية صداع
وبعدين انت ناسي ان أننا دكتوره ولا ايه يادكتور
مراد / بحب.... واحلى دكتورة كمان انا بس كنت عايز
اطمن عليكي.. أكيد من دوشة الميوزك..... عموماً مش هاتقل عليكي تصبحي على خير يا روحي
ندي / حم وانت من أهله....
تقفل معاه وبشرود...... ياترى ايه متخبيلك معاه يا "ندي...
<<سبحان الله وبحمده سبحان الله العظيم >>
________بقلمي مها عيسى ___________
في الحجز....... يدخل" مهند " و معه" أسر " والضابط النباطشي والمأمور.... وينظرون إلى جثة الدكتور الذي
معلق بشباك الحجز مشنوق بقميصه الشخصي
مهند / وهو يمسك بلياقة الضابط النباطشي بغضب...
ويلزقه بالحائط ميين اللي أمرك تعمل كده اانطققققق
الضابط / أعمل إيه ياباشا انا مش فاهم حاجه
مهند /ها أستعبط ياروح أ**م**ك أعترف وقول مين
إداك الأوامر بأنك تخلص من الدكتور
الضابط / بصدمة... سيادتك بتقول ايه يا باشا سعادتك
عايز توديني ف داهيه.... أنا ايه اللي هايخليني أعمل كدا
مهند / الطمع والمصلحة.... (وبصوت عالي حاد)
قول بالذوق بدل ما أخليك تتكلم غصب عنك
آآنطقققققققق.........
..... وصوت خشن غاضب / مهندددددد سيببببه
مهند / ينظر للصوت ثم يترك الضابط....
أول ما رأي العميد ومجموعه من الضباط والدنيا كلها
اتقلبت بالحجز
العميد / بصوت جمهوري.... فيه اييه ياسيادة العقيد
إحنا من أمتي وبنضرب ونطاول على بعض
مهند / آسف يافندم بس اي حد مكاني لما يخسر الخيط
إللي هايوصلنا للشبكة كلها يبقه من حقه يعمل اي حاجه
العميد / وايه الدافع اللي يخليك تشك في الظابط
النباطشي ويخليك تهينو بالشكل ده
مهند / يافندم هو المسؤل الأساسي قدامي دلوقت
ياعني ايه سجين يتم الاعتداء عليه وشنقه في الحجز
وكل ده وهو موجود... المفرود بقه نحاسب مين
العميد / والله فيه حاجة إسمها تحريات وتحقيق
إحنا مش ف فوضه هنا عشان نرمي التهم على بعض
اتفضل ياسيادة العقيد على مكتبك وسيب الجه المتخصصه
تقوم بواجبها...... إللي هايقومو بالتحقيق في الواقعه دي
رائد حازم.... نقيب محمد... نقيب ياسر.... أنتم قدامي
المسؤلين عن التحقيق في اللي حصل ده وعايز تجيلي
مذكره فيها نتيجة التحقيق.... عايز دقه وشفافيه
يلآ شوفو شغلكم.....وأنت يا "أسر" تعالي معايا
مهند "... يبص للضابط بشرز ثم يذهب لمكتبه
العميد.. ياخد" أسر " ويروح مكتبه وهناك يسمح له بالجلوس
وهو يجلس على المكتب ويشعل سيجاره ثم ينظر ل أسر
العميد / بص يا" أسر " أنا عارف انك ضابط كفئ
وعندك حماس وطاقه عايز تفرغها كلها في شغلك
وعايز طبعا تثبت وجودك وتعمل ملف نضيف.. لكن دا
كله ميجيش بالأسلوب الهمجي ده اللي عمك" مهند"...
بيعملو ونصيحه مني لو عايز توصل أبعد فكرك عن
فكر "مهند".... أنا كان ممكن اااقلب القصه بالعكس
القضيه دي من مسؤليه "مهند" ومن تحته أنت ممم
ياعني ايه اللي ميخلينيش أشك أن ممكن تكونو اتحطيتو
تحت ضغط خلاكم تخلصو من الدكتور عشان ميجرش
وراه العتوله الكبيرة اللي ممكن يكشفو حاجات فوق
توقعات الكل....بقلم مها عيسى
أسر / بصدمة.... ازاي سيادتك تقول حاجة زي كده أو
تفكر فينا كده... ثم ضغوطات ايه اللي هانتعرض لها
ومن مين بالظبط..... لاا أنا بكده بعتذر لسيادتكم بس
حضرتك كده بتدخل بينا في طرق مسدوده وبتشتت
سير التحقيق والوصل للحقيقه.... أنا بعد إذنك بعترض
على اتهام حضرتك ده ولو وصلت إني أوصل اعتراضي
ده لأعلى الجهات
العميد / ههه بس انا ماوجهتش ليكم اتهام... أنا بس
بحاول أوضح حجم الخطأ إللي ارتكبة سيادة العقيد
أسر / بس اسمحلي انا شامم ريحة تهديد مش مجرد
توضيح عادي..... انا بعتذر من سيادتك بس لازم استأذن
دلوقت عشان أباشر نتيجة التحقيق بنفسي
العميد / بحده.... بس انت مش من المكلفين بمهمة
التحقيق ياسيادة الملازم،، وأظن أنا كلامي كان واضح
أسر / تمام يافندم ولكن دا ميمنعش ان القضيه قضيتي من
الأول زي ما حضرتك قلت ياعني لازم عيني تكون على
جهة التحقيق واباشر حتى لو من بعيد
العميد / ممم تمام إن كان كده ماشي بس ياريت متحاولش
تدخل نفسك في التحقيقات (يقولها وهو يرفع أصبعه بوجه)
عشان ميتخذ ضددك اي قرار
أسر / تمام يا فندم... بعد اذن سيادتك....... ويفتح
الباب ويخرج يوقفه تاني بكلامة
العميد / وياريت ياسيادة الملازم تحط كلامي ليك
في الاعتبار....
أسر... يميل براسه بمعني نعم ولكن بملامح غضب
ثم يخرج ويذهب لمكتب "مهند".... يدق الباب ثم يدخل
يجد "مهند" بيشرب سجاير بطريقه غير طبيعيه فايجد
أثر كمية سيجار رهيبة وده غير عوايده تماماً.... ويبدو
عليه الغضب والانفعال......
فيه ايه يا عمي أنا أول مره أشوف حضرتك بالشكل ده
مهند / بانفعال.... أنت اللي بتسأل يا "أسر".. فيه ايه
دانت أكتر واحد عارف خطورة اللي حصل ده ايه
ونتيجته ايه إحنا بموت الدكتور ده رجعنا للسفر تاني
أسر / بهدوء.... متقلقش يا عمي ان شاء الله خير
أنا بس اللي مش قادر أفهمه هو موقف سيادة العميد ده
مهند / أنا اللي مش فاهم ايييه الهدوء اللي انت فيه ده
أنا مستغربك دانا كنت خايف من رد فعلك لما نوصل هنا
تقوم انت تقف بكل ثبات وهدوء،، وانا اللي مقدرش
اتحكم في أعصابي وأعمل اللي عملته
أسر / مفيش هدوء ولا حاجة ياعمي كل القصه إني
مستني نتيجة التحقيق واشوف هايوصلو لأيه...
بقولك حضرتك شكلك تعبان تعالي نطلع نقعد على
كافيه نشرب حاجه تروقك كده ونرجع تاني يكون
التحقيق انتهى ونعرف وصلو لأيه....
مهند... ينظر ل "أسر".. بغضب وفاجأه ملامحه تلين
لمجرد تأمله بملامح "أسر"... وكأنه قرأ شئ على وجه
يصمت قليلاً بتعجب ثم يقول بتنهيدة.... معاك حق
أنا فعلاً محتاج أشرب حاجة تهدي لي أعصابي
يلآ بينا.. بقلم مها عيسى
وخرجو الاتنين مع بعض متجهين لكافيه بعيد شويه
عن الجهاز.....
<< لا حولا ولا قوة الا بالله العلي العظيم >>
¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦¦
نرمين / تخرج من غرفتها وتدخل المضبخ تشرب
تجد نور غرفة المكتب منور تقول لنفسها.. اييه ده
هو "مهند" رجع ولا ايه... تدخل تتفاجأ بأنه بباها
بابا ايه إللي مصحي حضرتك لحد دلوقت دانا
لما شفت نور المكتب شغال فكرت "مهند" هو اللي بالمكتب
سراج / لأ.. مهند ".. هايبات في الشغل النهارده هو
وأسر"...عندهم شغل مع بعض
نرمين / ربنا يعينهم بس بردو انا حاسه ان فيه حاجه
مش طبيعيه يا بابا "مهند" شكله مكنش طبيعي في
نهاية الحفله كدا... ولما اتأخر ومجاش ياخدنا واتصلت
عليه اسألوا مجاش ليه رد عليا بغضب وقالي نامو عند
أختك يا تشوفي المحروس إبنك ييجي ياخذكم يروحكم
ومعتيش تتصلي بيا تاني انا لما أفضى هاكلمك...
مهند ".. مهما كان مشغول بالشغل عمره ما كلمني
بالأسلوب ده ابدا.... أنا مش عارفه في ايه.. حتي
الاستاذ" فهد " هو كمان بتصل عليه من سعتها وموبايله
مغلق..... لتشهق مره وحده اهاااااا بااابااا.... ليكون إبني
فيه حاجة و" مهند " مخبي عليا وبيقول انه هو ف الشغل
سراج / اييه شغل الأفلام بتاعك ده... لااأ طبعاً
جوزك ف الشغل وابنك أنا لسه مكلمه من نص ساعة
وكان في البيت وقالي انه داخل ينام
نرمين / بارتياحيه وتنهيده.... الحمد لله.. طب اومال
فيه ايه.... ثم تنظر لوالدها... بابا حتى حضرتك
شكلك مش طبيعي بابا أرجوك هو فيه حاجة حصلت
ومخبيين عليا...
سراج / نرميين... أنا مش فايق لك وانتي متنميش بقه
أول الليل وتفوقي عليا قومي يلا أدخلي كملي نومك
نرمين / شفت أهو حضرتك بكدا بتأكد لي كلامي بأن
أكيد فيه حاجة
سراج / بشخطة... نرميييييين
نرمين / بخضة.... خلاص خلاااااااص قايمة تصبح على خير
سراج / وانتي من اهله يا سيتي.. يلا واقفلي الباب
وراكي.....
خرجت "نرمين ك وقفلت الباب ووقفت خلفه شويه
وبشرود... اقطع دراعي إن ماكان فيه حاجة وبابا
ومهند... مخبييين.. اااه بس عل مين انا وراكم
بقلمي مها عيسى............
في غرفة" ندى "... ونايمه جنبها" نانسي " وكل واحده
فيهم فتحها موبايلها وبتقلب فيه....
نانسي / وهي بتتاوب 🥱 ااه أنا مش قادره خلاص
أنا هنام بقه.... حمم "ندي"....
ندي / مممم
نانسي / وهي تهرش بمقدمة رأسها... هو أخوكي متعود
يتأخر أوي كدا في الشغل
ندي / تضع الموبايل جنبها وتبص ل نانسي " وبضحك...
ممم وسيادتك بقه سهرانه كل ده عشان مستنيه
حضرة الظابط ال وأنا اللي كنت مفكره إنك سهرانه
عشاني أال اييه وحشاكي وكدا.... لكن طلع نأبي على شومة
نانسي / بطلي رخامه بقه... أنا بتكلم بجد أصل الفجر
هايأذن وهو لسه مجاش... أنا كنت بقول ياعني
اتصلي تطمني عليه بدل ما انتي قاعده برده كده
ندي / وهي تضربها... أنا برده يا برده... وهو انا مالي
ما تتصلي انتي أنا عن نفسي متعوده على كده
لأن شغله ملوش مواعيد.... اااه وعايزاكي بقه من
النهارده بقه تاخدي على كدا... ااه ماهو عشان متبقيش
متفاجأه ولا حاجه بعد الجواز
نانسي /الله يطمنك يأختشيي.... ويرن هاتفها
ندي / بضحك.... ايييه هو كمان مشغول وحب يتصل
يطمن اااه ع آلحب
نانسي / وهي تنظر للرقم وتبتسم... الظاهر ان مش احنا
لوحدنا اللي مش جيلنا نوم...... الو...ايو يا "فهدد
(تقولها وهي تنظر ل ندي" بدلع وتبتسم)
و "ندي" أول ما تسمع إسمه جسمها يتنفض ووشها يحمر
وقلبها يتاخد كدا ويدق جامد..... اد ايه وحشها وهي
كانت لسه شايفاه من كام ساعه بس اومال هاتعمل ايه
بقه لما تتجوز غيره وتبعد خالص... اااااه (دي كانت
خرجه منها بتنهيدة وكأنها كانت بتفكر بصوت عالي)
ثم تشاور ل "نانسي ".. باشارة ووشوشه.. تقصد تقولها أساليه
مشي علطول ليه ومن غير ما يقول لحد
واسأليه.. هو عامل ايه...
نانسي / تبتسم... ااه ياحبيبي ماما نايمة مع تيتا ال ايه
وحشها النوم في حضن تيتا هههههه ومقولكش بقه
جدو "سراج" هايولع كان ناقص يقتلها هههههه
لتنظر ل " ندي " إللي عماله تشاور لها وهي مش فاهمه
حاجه منها... تهمس لها بصوت ضعيف.. بردو مش فاهمة
نانسي.. تنسى وتعلي صوتها شويه...بتقولي ايه مش
فاهمه..... ندي " تلتم على وشها فضحتني الله يحرقك
نانسي تضحك...... وأنت ياحبيبي عامل ايه وليه مشيت
كدا بسرعه من غير ما حد يشوفك
فهد / يبتسم بوجع فاهو فهم أن.." ندي " هي اللي
بتسأل.. وضع ايده عل موضع قلبه وأتنهد.. وهو يهز
برأسه... أنا بخير ياحبيبتي انتي وماما كويسين
نانسي / اه يا قلبي كلنا بخير ( ندى " تاني تشاور لها)
ااه يا" فهد ".. مقولتش بقه انت مشيت ليه
فهد /يضحك على أخته... يابت خليكي ناصحه شويه
متبقيش زي البغبغان اللي يردد الكلام وخلاص
يلآ تصبحي على خير....... واااه.. قولي ل" ندي "
تصبحي على خير....... سلااام
نانسي /🙄 هو قفل وهي لسه حطه الموبايل على ودنها
وفتحه فمها على آخره بأندهاش بطريقه مضحكه
ندي.... بتكتم ضحكتها من منظرها... ومفكره انه لسه
فهد " معاها ع التلفون....
نانسي / الموبايل يسقط من ايدها وهي لسه مبلمه
ندي / تاخد الموبايل.. تلقيه قفل تضحك هههههه
اييه يابنتي مالك مبلمه لييه كدا هو هزقك ولا إيه
نانسي / لأ ولا انتي صادقه.. دانتي اللي هزقتي نفسك
ندي / انتي بتقولي ايه يا مجنونه انتي
نانسي / عشان هو فهم ياحلوه انك انتي اللي بتسألي
عنه مش انا... وقالي خليكي ناصحه متبقيش زي
البغبغان ترددي الكلام وخلاص....
ندي / تشهق جامد.. يانهاااار ابيييييض روحي الله
يكسفك ماهو من لخمتك قدامة يالخمة (وتضربها بالمخده)
نانسي / تضحك... أعملك ايه مانتي عماله تشاوري
وانا مش فاهمه... ربكتيني هههههه
ندي / روحي ياشيخه الله يسمحك ابص ف وشه ازاي
دلوقت يقول عليا ايه دلوقت يا بلووووه
نانسي / تضحك بصوت عالي هههههههه هههههههه
هايقول اي ياعني غير إنك لسه دايبه في دباديبه
دباديبه دباديبه وياناس أنا قلبي مشعلل بلهيبه بلهيبه
هههههههه هههههههه وندي... تضربها.. اخرسي بقه
تدخل عليهم "نرمين" اييه يابنات صوتكم عالي ليه كدا
يتكسفو منها بالذات "ندي ك.. معلش يا خالتو هاعمل ايه
في بنتك دي اللي مش عارفه انام منها
نرمين / هههه انتي هاتقوليلي دي قلق طب يلا قومو
اتوضو واجهزو عشان الفجر خلاص هايأذن... قومو
كدا وصلو رقعتين على م الفجر يأذن....
ندي / حاضر يا خالتو..... ونرمين" تقفل الباب عليهم تاني
وتروح تتوضأ وتصلي
وندي تقوم تتوضأ هي و" نانسي "... يصلو ركعتين
ويظلو يسبحو ويستغفرو.. لحد ما يسمعو صوت الأذان
يصلو الفجر وبعد ما يخلصو ويدعو ويسبحو يطلعو
تاني ع السرير..
ندي... نايمه على ظهرها ونانسي أيضاً
نانسي./.. تهتف.. ندي
ندى / ممم
نانسي / نسيت أقولك.... فهد " بيقولك تصبحي على خير
ندي / بت اتلمي
نانسي / والله هو قالي كده... قولي ل" ندي " تصبحي على خير
ندي / تبتسم وتلف تنام على جنبها وتاخد نفس وتغمض
عينها وف نفسها.... وأنت من أهل الخير يا حبيبي
وتسرح فيه وتتخيله لحد ما تروح ف النوووووم 😴
<<أستغفر الله وأتوب إليه >>
_________بقلمي مها عيسى ________
مهند / مم ياسيدي فيه ايه... وبعدين انت ليه كنت
بتغمز وتتكلم بالاشارات واحنا في المكتب... اييه
انت شاكك انهم حاطين كاميرات مراقبة لنا في المكتب
ولا اييه هههههه
أسر / من غير ضحك ياعمي انا فعلاً معتش عندي ثقه
ف حاجه ولا ف حد بقيت حاسس ان طول الوقت
مطارد بهواجز خنقاني.... أنا مش مستبعد انهم يكونو
فعلاً بيرقبونا...... مش عايز تعرف أي الكلام اللي دار
بيني وبين العميد.... مهند " ضم حواجبه وهز راسه
وبدأ" أسر " يقص له كل اللي حصل تحت تعجب
مهند"... وكمان اتصدم من لغة التهديد الواضحه
في كلامه...
مهند / بضيق.... الدايرة عماله تضيق وكل م نقول
خلاص الببان كلها انفتحت ترجع تقفل زي الضمنا تاني
أسر / أنا قصدت نطلع نتكلم برا بعيد عن الجهاز
خالص... لان بعد اللي حصل مع الدكتور ده فا اللي هاقوله لحضرتك دلوقت فيه خطوره على حياتنا....
ولازم يكون في سريه تامه.... وده يكون بيني وبينك فقط
أنا خلاص معتش عندي ثقه بحد..... بقيت
شاكك في كل اللي حوالينا.....
مهند / بتعجب... خطوررره..... كلااام اي ده يا أسر....!!!
يتبع........
عشق_الندي _______بقلم مها عيسى
