رواية عشق الندي الفصل الحادي عشر 11 بقلم مها عيسى
 |
| عشق الندي |
رواية عشق الندي الفصل الحادي عشر 11
❤️ عشق الندي ❤️ ( 11)
-----------------------------
✍️بقلمي / مها عيسى
🌸🌸🌸🌸🌸🌸🌸🌸🌸
اللهم صل وسلم وبارك على سيدنا محمد وعلى آله وصحبه أجمعين _____________
تصرخ " ندي" بوجه "فهد"... وكل حرف يخرج بألم من
أعماق قلبها.... قووووولي يادكتوررر مييييييين......!!!
تقي = بعد ما "ندي" سألت خالتها عن فهد " وعرفت انه
بغرفته وطلعت له... تقي" بقت قاعده على اعصابها
و خايفه ل "فهد" يضعف قدام ندي " ويعرفها بكل حاجه
اتحججت بأي حاجة وطلعت بسرعه ورا بنتها وهي قريبه
للباب لسه هاتدخل سمعت حوار بنتها مع" فهد "...
و تأثرت جداً بوجع بنتها وهي تشعر بكل حرف تخرجه
وغصب عنها مقدرتش تتحمل عذاب بنتها أكتر من كده
قالت لنفسها.... سامحني يا بابا إني هاخلف وعدي ليك
ودخلت فاجأه عليهم عندمآ صرخت "ندي" بوجه فهد
وهي تقول ميييين..... لترد بقوة..... أنا.... أنا ياندي
فهد... يتفاجئ بخالته،، وندي ".. تلتف لأمها وبنظرة تفاجئ
ل نفسها معقووول تكون ماما هي اللي ورا تغيير فهد معايا
ندي / ا.. اانتي... أنتي ايه يا ماما
تقي / بدموع وهي تبعثر نظارتها بين" فهد و ندي "...
أنا يا" ندى "... إللي طلبت من" فهد "انه يبعد عنك.. وقبل
ما تحكمي عليا اسمعيني للآخر..... أنا لمآ لحظت أن فيه
مشاعر بينك وبين فهد "... وده شوفته لما روحنا نجيب
النتيجه بتاعت الاعداديه بتاعتك وهناك قابلنا" فهد " اللي
كان سابقنا وجاب النتيجه بنفسه وحتى نسي بأن اخته
معاكي وحتى مبصش على نتيجتها غير لما لفتت نظره
نانسي"... وقتها بس اتأكدت،، ومن خوفي عليكي وعلى
مستقبلك طلبت منه انه يبعد عنك خالص.. عل الأقل
لما تخلصي الثانوي وتدخلي كلية الطب اللي كلنا بنحلم
بيها.... سامحيني يابنتي بس انا كل همي وخوفي إنك
تنشغلي بحبك و... وان ده... يأثر على مذاكرتك ومستقبلك
جيت ل" فهد "... وطلبت منه انه يوعدني بأنه يبعد عنك
خالص دلوقت لو بيحبك صحيح عشان مستقبلك
وهو موفقنيش إلا لما وعدته إنك ليه وعمرك ما هتكوني
لغيره..... بقلم مها عيسى
كل ده تحت اندهاش مع صدمة مع دموع "ندي" بأن
ممتها سبب كل ده رغم أنها كانت أول واحده شايفه حال
بنتها ووجعها اد ايه.. وان للدرجة دي هان عليها كسر قلب
بنتها وجرحها وألمها بالشكل ده....
لتكمل "تقي".... وهي تبلع ريقها..... ولما كنا في المصيف
فاكره يوم ما حصل بينكم خلاف وهو نزل بسرعه ومعاه
شنطة هدومة وسبنا ومشي وقتها هو قعد في شقته الخاصه
إللي عمك شريهاله عشان لو حب يستضيف أصحابه يذاكره
معاه او حاجة عشان يكون براحته وبنفس الوقت يكون
بعيد عن مكان ممته واخته لأنك عارفه هو بيغير عل
نرمين و نانسي " اد إيه..... المهم وهو ماشي بالطريق
أتصل عليا................
باااااك ________بقلمي مها عيسى
فهد / وبعد ما خرج من فيلا السخنه وهو بقمة غضبه
وكل ما يتذكر شكل" ندي " المؤلم وعندما سمع صوت
شهقات بكائها وأنه السبب بده قلبه يتمزق عشانها
ولكن مش بايده حاجة وأنه غصب عنه ميقدرش يخلف
وعده لخالته ولكنه لا يتحمل عذاب معشوقته أكثر من هذا
ليقل لنفسه... لااااااأ..... لااااااأ يا "ندي" والله انا مش
بس بحبك لااااااأ أنا بعشقك يا" ندي" بعشققققققك
أنتي الروح اللي جوايا...... ايوووه يا" ندي" انتي روخي
ويخبط ع الدريكسون ااااه ثم يفرمل العربيه مره وحده
ويتصل بخالته........ الو
تقي / تستغرب لما تلاقي رقم فهد.... تبعد بعيد عنهم
وتفتح... الو.... تتصدم بصوته الباكي الجارح
فهد / خالتووو اظن ان انا كنت اد وعدي وبعدت عن "ندي
كل السنين دي وحرمت نفسي وحرمتها من حبنا ودوست
عليها وعلى قلبي قبلها واتعذبنا بمآ فيه الكفاية وكل ده
بسسسس عشان أوفى بوعدي مع حضرتك لكن" ندي
خلاص بقت في الكليه اللي بتحلمو بيها وشوي وهاتبقه
الدكتوره اللي نفسكم فيها وتفرحكم......... إحنا بقه
ياخالتو مين يفرحنا ويريح القلوب اللي ادغدغت ميت
حته دي سنين بحالها عشان ترضيكم مين ياخالتو
مييييييين...
تقي / براحه.... يا فهد" يابني عشان خاطري اهدي
وبلاش تسوق وانت متعصب كده... كده فيه خطوره
عليك يابني........ حاول تهدي بس
فهد / مش هاهدي يا خالتو وشوفيلك حل ياتقولي انتي
ل" ندي " ع الحقيقه وسبب بعدي عنها... يا أمه انا اللي هاقول لها وساعتها ممكن تزعل منك لأنك كنتي سبب
بوجعها طول السنين دي وماتحاوليش تقنيعيها بأن ده
لمصلحتها لأن "ندي" شاطره وأكيد قربنا من بعض
مكنش هايأثر على مستقبلها يمكن بالعكس يكون حافظ لها
فا شوفي بقه حل للي احنا فيه ده انا معنتش متحمل
عذاب "ندي" أكتر من كده... كفايه بقه أنا اتحملت فوق
طاقتي (وبدموع) خالتو أنا كل م اشوف نظرة الحزن اللي
بعنيها وإني انا السبب بده بتقطع من جوا ببقه بنار ومش عارف اعمل ايه........
تقي / خلاص يا "فهد"....ياحبيبي أوعدك ان شاء الله لما
نرجع أنا هامهد لها الموضوع بس عشان متزعلش مني
ووحده وحده كده هاعترف لها بكل حاجة..... بس
انت اهدي عشان خاطري متقلقنيش عليك وانت سايق
لواحدك بليل كدا....... ياترجع تاني لما نسافر سوي
فهد / بتنهيده حاره..... لاأ يا خالتو مش هينفع أرجع
وأشوفها بتتعذب قدامي وأنا واقف ساكت أنا رايح
شقتي هاستني لحد ما ترجعو وبعد كده مش
هاستني كتير عشان تصرحي "ندي" بكل حاجة
تقي / تمام يا قلبي حاضر إللي انت شايفه بس عشان
خاطر خالتو يا قلب خالتو تهدي وتخلي بالك من نفسك
مع السلامة يا قلبي في حفظ الله
______عوده للوقت الحالي _________
كل ده وسط ذهول "ندي"... ولكن مازالت الأفكار السيئه
تلعب بمخيلها..... ط.... ب... طيب... و.. بعد ما رررجعنااا
اييه إللي... منعكمم......... ليييه يادكتور استمريت بالبعد
بتتكلم بسيل دموع)..... لييييه هااا.... ليييه
فهد / بدموع وألم ينظر ل خالته...... وهو مش قادر يكمل
تقي / ندي.... حبيبتي.... فهد " لما رجع وقاعد بشقته
وقتها حصل............ ليقاطعها بسرعه دخول سراج المفاجئ
سراج / لحق بسرعه" تقي " قبل ما تعترف ل" ندي "
ليهتف" تقي"..... تلتف له بتفاجئ وتنظر للأرض خوفاً من
غضبه.... وهو ينظر لها بغضب ثم ينقل نظره ل" ندي "
بلين وابتسامة..... حبيبتي" ندي" ممكن تسبيني انتي
و ممتك مع "فهد" لوحدنا
ندي / مازالت دموعها تسكن عل خدها.... بس ياجدو
سراج / عشان خاطر جدو ياروح قلب جدو.... تميل برأسها
ثم تخرج ومن خلفها ممتها... ويطلب منهم بغلق الباب
خلفهم وبعدم دخول اي شخص عليهم........
<<سبحان الله وبحمده سبحان الله العظيم >>
////////////////////////////////////////////////
مراد... يتحدث بالهاتف مع والده
سيف / بفرحه.... معقوله يا دكتور أخيراً هانفرح فيك
مراد / هههههههه دانت شمتان بقه هههههه ماشي ياسيادة
العقيد
سيف / هههههه لأ وكمان اييه شويه وهاتقول سيادة العميد
يا ولا
مراد / بفرحه.... معقووول ايه ده ياكبير هو فيه ترقيه ولا ايه
سيف / ايو ياواد يادكتور اومال انت فاكر أبوك اي احنا بنلعب
الظاهر ياوالد وش عروستك ده حلو علينا لسه الخبر جايلي
طاظه دلوقت واحد حبيبي سربلي الخبر بيقول إني أديت
مهمتي على أكمل وجه وان مجرد ما أرجع من المهمه
هيتم ترقيتي علطول
مراد / بضحك هههههههه ألف ألف مبروك يا سياده العميد
وعقبال مانبارك لك على رتبة اللواء والمشير كمان
سيف / هههههههه مشير حته واحده نطيت رتبتين علطول
يابني عشان أوصل لرتبة المشير لازم أعدي الأول على
اللواء وبعد كده الفريق،، وبعد كده فريق أول،، وبعد كل ده
نوصل للمشير هههههههه متودناش ف داهيه
مراد / وماله ياكبير أنت قدها وقدود المهم عايزك تخلص
مهمتك دي بسرعه بقه عشان تيجي معايا تخطبلي العروسه
سيف / بسعاده.... إن شاء الله ياحبيبي ده يوم المنى
بس ياعني بباها وعمك "مهند" وافقو وسيادة اللوا سابق "سراج " وافق.... قالولك رأيهم ياعني
مراد / وهو يدلك بدقنه.... لاأ لسه بس أنا متأكد أنهم
هايوفقو مفيش حاجه تخليهم يرفضو دا ابن حبيبهم
وحفيد صديق وحبيب "سراج" نفسه ده +إني دكتور اد
الدنيا وراجل جنتيل كده وفيها كل الصفات اللي يتمناها اي
أب لبنته ياعني من الاخر كدا انا لقته ومتعودش هههههه
سيف / ياجامد ياوثق ف نفسك انت.... بس ليه حاسس
بتوتر وقلق شوي ف صوتك فيه مشكله ولا ايه
مراد / يهرش بمؤخرة رأسه... لاأ مش مشكله ولا حاجة
هو بس قلق بسيط كده لكن ان شاء الله هاتعدي على خير
سيف / بتركيز.... خير يابني فيه اي متفتنلي حد فيهم
ياعني عنده اعتراض.. اخوها مثلاً
مراد / لأ هو مش أخوها هو ابن خالتها.. فهد.. ياسيدي
شكله كده راسم عليها لنفسه
سيف / يغضب... ولا يهمك المهم انت مالي ايدك م البت
يصمت "مراد".... ياعني سكت انت مش مالي إيدك منها
ولا ايه
مراد / لأ مش كده بس..... اقولك هارد على سؤالك ده
لما اقابلها بكره ان شاء الله أنا طلبت منها أننا نتقابل
عشان أعرف رأيها قبل ما أجي ليهم انا وحضرتك
هي قالت إنها عرفت العيله بس لسه معرفش الرد ايه
سيف / خلآص ولا يهمك شوف انت البنت لو هي موافقه
سيب الباقي عليا وانا هاعمل المستحيل عشان تكون ليك
ومش هاسمح لحد أبداً انه يقف قدام سعادتك حتى لو
كان "مهند" نفسه مش إبنه... عموماً سلام مؤقت دلوقت
لحد ما تجيب الرد النهائي من "ندي" وبعدها بقه أنا ليا
كلامي.... يلا حبيبي سلام وألف مبروك مقدماً... مع السلامة
قفل معاه ثم ينظر للفراغ بشرود ولنفسه..... ايه يا ابن "مهند
عايز تعمل نفس اللي عمله أبوك زمان.... ليلف وجه لاتجاه آخر
بس لااااااأ مش هاسمحلك توجع قلب ابني وتحرمه حبيبته
زي ما أبوك عملها زمان وطمع ب" نرمين " لنفسه واخدها
مني (وبنظرة شرز) ده يمكن جه وقت الحساب عشان
اذوق إبنك نفس الكاس إللي شربتوهولي زمااااااااان
يا.. مهند...... ليسرح ويغمض عينه بتنهيده
ااااه يا "نرميييين".... ياحب العمر كله
¥¥__________بقلمي مها عيسى ________¥¥
ينزل من فوق "سراج"..... ويجلس بجانب بناته
نرمين و تقي "... وامامه نانسي و ندي
لينظر لهم قائلاً...... بابتسامة ممم يا ندي" ياقلب جدو
عريسك هاييجي يتقدم لك راسمي أمتي.....
كانت تلك الكلامات كالصاعق عل الجميع وبالاكتر "ندي
كيف يقبل جدها بهذا فجأه كده ومن بعد جلوسه مع" فهد
و فهد.... معقووول يكون موافق هو كمان إني أكون لغيره
طب ازاي والكلام اللي سمعته فوق ده يبقه اييه
هو ايه اللي بيحصل بالظبط لتقوم بكل انفعال.....
ندي / ممكن اعرف هو اي اللي بيحصل ده هو انا لعبه
ف اديكم ولا اييييه ياعني اييه من شوية اكتشف ان فهد
كان مجبر انه يبعد عني ويمثل عليا انه نسيني...
هه ودلوقتي حضرتك جاي تقولي العريس ومش عارف ايه
وبصوت عالي..... هووووو فيييه اييييه بالظبط
أنا لعبه باديكم بتحركوها بمزاجكم....
سراج / يقوم مره واحده وبمنتهي القسوة..... اخرسي
يابنت انتي اتجننتي ولا ايه ازاي تعلي صوتك قدامي
كدا بكل بجاحه
ندي / بنفس نبرة الغضب..... لااااااأ ياجدو مع احترامي
لحضرتك بس انا مش لعبة مش عروسة بخيط بتمشيها
بمزاجكم....... ليسكتها ضربة قلم قويه من جدها "سراج
تنزل على خدها مثل الصاعق القوي..... وف نفس اللحظه
كان نازل" فهد " من ع السلم وتفاجئ بهذا.....
والكل اتصدم من المنظر الغير متوقع وإن الأمر وصل
لهذا الحد...... لتقف" ندي "... مصدومة مش مصدقه
نفسها أن ازاي جدها اللي هي بالنسبه له نور عينه زي ما
بيقول يهون عليه يضربها بقسوة كده... وهي تضع يدها
مكان ضربة القلم وعيونها بالأرض رايحه شمال ويمين
بصدمة وعدم تصديق الأمر..... ثم ترفع بعينها لجدها
بحسره ودهشه وتهز برأسها شمال ويمين ثم تلتف لتمشي
تأتي عينها بعين "فهد"... لتسرع بالانصراف جرى وتخرج
من الفيلا مسرعه وتصرخ خلفها بهتاف ممتها... ندى... ندي
استنى وتجري وراها ومن قبلها تجري "نانسي" وهي
تحاول إيقافها ولكن "ندي" كانت أسرع منها وتجري تجري
وقبل وصولها لسيارتها تقع مغشي عليها.
تصرخ "نانسي"...... نداااااا...... الحقوووووني... ندي اااا
الحقني يا جدو وووو........وبدموع..... ندى... قومي
يجرو كلهم عليها وفهد " إللي قلبه كان هايقف من شدة
خوفه عليها شالها بسرعه وحطها بالعربيه وبصوت عالي
أول ما شاف نانسي" بتركب جنبها من الخلف
اقفلي الباب بسررررررعه...... وساق العربيه بجنون
متجه للمستشفى ومن خلفهم ركب سيارته "سراج"
ومعاه بناته وهما بالطريق اتصلت "تقي" ب "رائد"
عرفته أن بنته تعبت ووخدنها ورايحين المستشفى
نانسي..... واخده" ندي " بحضنها وهي بتمسح على
وجهها وحجابها بعياط.......ندى " حبيبتي ردي عليا 😥😢
والله حرااام إللي بيحصل ده حرام عليكم حررررام
وفهد.... كل شويه يبص عليها بمراية العربيه ويمسح
على وشه ويضع يده على موضع قلبه إللي بيدق بعنف
وألم مرعوب على معشوقته.... ويدوس بنزين أكتر لتذيد
سرعته وهو مش حاسس بأنه وصل لأعلى سرعة قيادة
لا إله إلا أنت سبحانك إني كنت من الظالمين
بعد وقت كانت " ندي" جوا بغرفة الكشف وأمام الغرفه
يقف الجميع على أعصابه وخصوصاً "فهد"... إللي خلآص
فاض بيه وذهب ل جده..... قائلاً بغضب
عمري ما هاسمحكم لو "ندي"... جرالها حاجة
ليأخذه "أسر" من زراعه ويحاول يهديه تعالي بس
معايا يا "فهد".... وحاول تفهم وتتمالك أعصابك شوي
وعيب جداً أسلوبك اللي بتكلم بيه جدك ده
فهد = بكل عنف وقوة يخبط بيده التانيه عل الحائط
وبصوت غاضب.... محدش يقول عيييب ولا اهدي
انتم كلكم محدش فيكم حاسس باللي انا فيه دلوقت
ندي " لو جرالها حاجة انا مش هاقدر أسامح نفسي ابدا
ولا هاسامح حد فيكم.......
ليخرج الطبيب من عند" ندي " والكل يجري عليه
عشان يطمن....
الدكتور / اطمنو ياجماعه ان شاء الله خير... هي بصراحه
عندها انهيار عصبي لكن الحمد لله قدرنا نهديها وهي
دلوقت واخده مهدأ هاينيمها للصبح ان شاء الله
ياعني وجدكم دلوقت ملوش لازمه هي دلوقتي نايمة
ومش هاتفوق قبل الصبح زي ما قلت
سراج / بحزن.... ياعني انت متأكد يا "أمجد" يابني انها
بخير طيب الانهيار العصبي ده ياعني مفيش خطوره
عليها
الدكتور أمجد = ياسيادة اللوا أطمن ان شاء الله بسيطه
مع المهدئات هاتكون أحسن بس المهم تبعدوها عن أي
ضغط نفسي وياريت تشوفو اي ممكن يخرجها من
حالتها دي وتعملوهلها......(يكلم سراج وعينه كل شويه تروح
على نانسي إللي من كتر عياطها بقت خدودها حمرا زي
الفراولة وذاد جملها،، وهناك من واخد باله من نظراته إللي
قايدة فيه حريق ومش قادر يتكلم) ينظر الدكتور ل "نانسي "
و بابتسامة..... اطمني يا آنسه هي هتكون كويسه ان شاء الله
مفيش داعي للدموع دي.....
أسر / خلآص ناقص يفضي فيه المسدس اللي معاه ليخبط
على كتفه بغل ومن تحت سنانه.... شكرا يا دكتور....
اتفضل حضرتك مش عايزين نضيع وقتك الثمين
الدكتور / يعدل نظراته النظر بتوتر.... حمم طيب ألف سلامة
عليها ربنا يطمنكم عليها ان شاء الله.... حم بعد إذنكم
يمشي وشوية ويبص خلفه يرا "أسر ك وهو ينظر له بزغر
يمد بخطوته
أسر / يقترب من نانسي".. وبضيق.... وانتي ياهانم بطلي
عياط بقه خدودك مش ناقصه حمار واللي انتي عجبك
نظرات الإعجاب بتاعة الدكاتره... ثم يخرج منديل من
جيبه ويمسح لها دموعها.. وبشخطه.. قلنا كفايه بقه
نانسي / رغم حزنها الشديد على بنت خالتها وصاحبتها
واختها إلا إنها مقدرتش تمنع قلبها بسعادة هذه اللحظه
اللي شعرت بها اد ايه "أسر" بيغير عليها وده دليل كافي
على حبه الشديد لها.... فاتحاول تمنع ابتسامتها حرجاً
ولكنه هو يشعر بها وبما تشعر به الآن.... فاهو يحفظ كل
نظره وكل نفس لها
أسر = ليغمز لها وبهمس.... مبسوطه انتي هاااا
ااه انا عرفك بتبقي سعيده أوي وانت شيفاني والغيره
بتاكل فيا صح.. هاا ماشي ماشي (يقولها بلغة التهديد) ولكن
بمرح يلآ ياختي قدامي نروح الحمام تغسلي وشك ده
يمكن يسود شوية والناس تبطل تاكلك بعنيها
لينظر لهم جميعاً.. حمم أنا هاخد "نانسي" تروح الحمام
تغسل وشها عشان تهدي شوي
نرمين / ماشي ياحبيبي..... روحي يانانسي " مع اخوكي
يمشو و" أسر ك بهمس ل نانسي " أنتي عارفه لولا انها بس
أمك كنت مممااا (وهو يجز بسنانه ويوح)
نانسي / بابتسامة خفيفه على إللي مجننها ده.... كنت هاتعمل
ايه ياعني،، وبعدين ايه أمك دي... متتحضر شوي
وهي عملت ايه أساساً عشان تقول كدا
أسر / ياعني عجبك كلمة خد أختك دي... وهو فيه حد
بيتجوز أخته بردو
نانسي / تكتم ضحكتها.... والله انت رايق... بقه دا
واحد اخته مرمية ف الاوضه جوا تعبانه دا شكل
و عندها انهيار
أسر / أعمل إيه ياعني هي عندها انهيار جوا، وانا عندي
انهيار براا....
نانسي / تنظرله بابتسامة جميلة... يارااجل ومنهار ليه بقه
أسر / ااه ااه استعبتي استعبتي... ال ياعني مش عارفه
دانا كان فاضل شوية وأفضي المسدس ده في وسط صدره
لولاش بس أديته عذره...
نانسي /بضحك والله وايه عذره بقه
أسر / بحب وحنيه..... يقترب لها.. معذور بردو ماهو
أصلك مبتشفيش نفسك وانتي بتعيطي (يغمز لها بعينه)
بتبقى عايزه تتاكلي أكل بحب قمر ياخوتشيييي
نانسي / تضحك وتهز برأسها وتمد أمامه بخطواتها....
وتهمس لنفسها..... وأنا بحب مجنون (تقولها وهي تضم كتفيها
بسعاده)...
وأسر... من خلفها...... سمعتك على فكره هههههههه
<<سبحآن الله وبحمده سبحان الله العظيم >>
..................
وبعد ساعات الكل ذهب وظلت فقط "تقي" بجانب ابنتها
وجاء اليوم الثاني واستيقظت باكر "تقي" توضأت وصلت
ودعت ربها بأن يشفي ابنتها ويعمل ماهو خيرً لها ويجعله
من نصيبها....... ليدخل عليها زوجها يراها تختم صلاتها
رائد / حرماً ياحبيبتي..... ثم ينظر لابنته بحزن... هي عامله
ايه دلوقت لسه مفقتش
تقي / بحزن... لسه ياحبيبة أمها... ربنا يشفيها ويعافيها يارب
رائد / ينظر لزوجته مطولاً..... تقي " هو فيه ايه بيحصل
من ورايا بالظبط... مالها بنتنا وايه اللي واصلها للي هي
فيه ده
تقي / وهي تفرك بيدها.... مفيش ياحبيبي اظاهر بس
الفتره الأخيره عشان ضغط الامتحان والقلق على النتيجة
وكدا.... ياعني كله اتراقم على بعضه لحد ما حصل الل
حصل ده...... الحمدلله على كل شيء
رائد / الحمدلله..... ولكن انا مش مقتنع باللي بتقوليه
ولكن مش وقته الكلام بس اعرفي اني مش هاسمحك
لو اكتشفت إنك مخبيا عليا حاجة...... وبالذات لو فيها
أذى لأولادي انتي عارفه عيالي بالنسبالي ايه
تقي / تبتلع ريقها وتوجه نظرها لابنتها تبتسم فجأه...
حبيبتي شكلها بتفوق..... ندي..... ندي... بنتي ردي عليا
ندي..... بتلف برأسها يمين ويسار وهي تزوم مممم مممم
يقترب لها والدها يحتضن يدها.... حبيبة بابا... ندي
بنتي المدلله ردي علي بابا حبيبك وريحي قلبه
ندي / تفتح عيونها ببطئ.. لتفتحها اخيرا وترا وجه أبيها
تنزل دموعها وهي تحتضن يده وتبكي... يضمها "رائد" له
أكثر.... مالك ياحبيبتي فيكي ايه اي إللي مزعلك بس
قوليلي مين السبب ف اللي انتي فيه ده قولي وأنا هاعرفك
هاعمل معاه ايه مهماً يكون مين هو.... مش هايكون أغلى
منك ولا هاخاف عليه أكتر منك يا قطعة من قلب أبوكي
ياثمرة عمري كله ياللي مجرد نسمة هوا ذايده تيجي عليكي
دي بس بتوجعني.... كده ياقلب بابا ترعبيني عليكي كده
أنا قلبي هايقف من إمبارح من خوفه عليكي...
( 😭ربنا يرحمك يا أبي ويغفر لك ويرحم كل اب ويصبر
قلب كل إبنه اتحرمت من حنان الأب 😭فالندعي جميعاً لوالدينا سواء أحياء أو أموات)... آسفه بس تذكرت حنان أبي رحمة الله عليه غصب عني اتأثرت وبكيت
يدخل عليهم "أسر".... يلقي عليهم السلام وينظر لشقيقته
بابتسامة حبيبة أخوها..... ألف سلامة ع الجميل
ليقترب ويقبل جبهتها... اي ده هو اللي بيتعب بيحلو كدا
لينظر لوالده ويرا الدموع بعينه...... يتأثر..... ايه ياحجوج
مكنتش أعرف أن قلبك رهيف كدا.....
رائد / ويمسح دمعه نزلت غصب عنه..... اي حاجه تتعلق
بيك انت وأختك وقتها بس بكون أضعف مخلوق عل
الأرض ولكن لما أعرف مين سبب اذاكم بكون أقوى راجل
ع الأرض ومن غضبي لخوفي عليكم بيبقه عندي استعداد
اولع في الدنيا كلها لو اطلب...... إلا أنتم عندي يا ابني
أسر / ربنا يخليك لينا ياحبيبي ومنتحرمش من حنانك
أبداً..... (وليخرجهم من جو الحزن ده) بمرح... يابختك
ياست "تقي" بزوج حنين كدا.... ربنا يوعدنا ياااااااارب
تتبطب على كتفه "تقي".... ياااااااارب ياقلبي يسعدك
انت واختك ويطمني عليكم..... يقبل رأسها يارب
ياحبيبتي ويخليكم لينا.......
يدخل عليهم... سراج " ومعاه" نانسي "... ونانسي" أول ما
تشوف "ندا" صاحيا تجري عليها تحتضنها....
نانسي.... حبيبتي يا "ندووش" ألف سلامة عليكي
كدا بردو يا" ندووش" ترعبينا كدا عليكي...... ندي "
تكتفي بابتسامة خفيفه وهي تحاول أبعاد انظارها عن
جدها و" تقي " تلاحظ كدا وعشان مش عايزه جوزها
يلاحظ حاجه.... حمم "رائد " معلش تعالي نروح الكافتيريا
أشرب فنجان قهوة أصل الصداع هايفرتك دماغي
رائد / ماشي ياحبيبتي يلآ.... ثم ينظر لحماه أجبلك حاجة
تشربها ياعمي
سراج / لأ شكرا ياحبيبي اتفضلو انتم..... وينظر لهم
يخرجو ثم ينظر ل "أسر".. أسر خد نانسي " واطلعوا برا
شوي عايز أقعد مع حفدتي لوحدنا
نانسي / تترك حضن" ندي " وتقبلها... طب ياحبيبتي انا
برا شويه ورجعالك.... بعد إذنك ياجدو.... ويخرجو
وسراج / يستكفي بهز راسة لهم... ثم ينظر ل" ندي "
وهي معطيه وجهها الإتجاه الآخر... يقترب لها
ياااه للدرجادي زعلانه من جدو ومش طايقه تبصي ف
وشه....... أمشي
ندي / ودموع تلمع بعيونها.... العفو يا جدو أكيد لأ
طبعاً... أنا بس مكسوفه من حضرتك أن صوتي علي
قدام حضرتك وبكت 😭
سراج / يمسح دموعها بحنان..... تسمحلي أميرتي
أقعد جنبها
ندي / تبتسم... آكيد طبعاً
سراج / اههاا وادي قاعده.... يمسك يدها ويقبلها بحنان
ندي " أنتي عندك شك في غلاوتك عندي أو إني ممكن
أعرف سعادتك فين واحرمك سعادتك......
ندي / تزوم... اااا وهي تهز برأسها
سراج / طيب واثقه بجدك وانه أهم حاجة عنده سعادتك
ولو هايكلفو الأمر حياته....
ندي /بلهفه... بعيد الشر عنك يا قلبي
سراج / طب واثقه بجدو واختيارته وحبه ليكي
ندي / أكيد واثقه ياجدو...... بس
سراج / من غير بس... بكره تشكريني بس بعدين... المهم
دلوقت قبل ما اتفق معاكي على أي حاجة
أنا عايز أصلحك واعتزرلك ياسيتي على القلم اللي ادتهولك
ندي / متقولش كدا ياجدو دا حضرتك تموتني لو تحب
وانا أكون سعيده كمان (لتحضن يده) ربنا يخليك لينا
ياجدو حضرتك أحن وأعظم جدو ف الدنيا
سراج / يقبلها.... ياحبيبتي وانتي أحسن حفيده ف الدنيا
أنا من إمبارح منمتش بسبب أذيتي ليكي واني ازاي
مديت ايدي عليكي
ندي / حبيبي كلنا فداك وأنا مش زعلانه ياحبيبي والله
أنا بحبك اوي اوي ياجدو
سراج..... وأنا أكتر ياقلب جدو
خارج الغرفه.... يقف "أسر" على رجل واحده وثاني الاخره
بالحائط وهو يستند بظهره وبجانبه "نانسي" تقف وهي
تضع يدها بجيوب الجاكيت......
أسر / والله جدو ده كل يوم غلاوته بتذيد ف قلبي
(يقولها بنظره عين عاشق)
نانسي / بضحك... ليه بقه
أسر /بحب.... عشان طردنا برا وسبلي فرصة إني أكون معاكي
لوحدنا ودي أكتر حاجة بتسعدني
نانسي /بابتسامة وبخبث... وايه بقه وجه السعاده ف كدا
أسر / بحب... ياعني منتيش عارفه
نانسي / تؤتؤ تؤتو مش عارفه
أسر / يميل عليها وبنظرة عشق وحنان.... طب أعرفك ازاي
نانسي / تتوتر وترجع شعره لورا أذنها... حم أنا مش عارفه
خالتو وانكل "رائد" اتأخرو ليه كده
أسر / اهربي أهربي هههههههه ماشي مسيرك ياوحش
تقع ومتلقيش إللي يسمي عليك
نانسي / بخجل... بس بقه بدل ما أسيبك وأمشي
أسر / وهو يخبطها كتف خفيف... يابت
نانسي / تبرق له... ياولا....... ويقهقه "أسر" عليها
وهي تبص يمين ويسار... بس بسس الناس تقول ايه
أخته تعبانه جوا وهو شمتان فيها برا..... ثم تسكت
فجأه وهي سرحانه فيه وهو كمان سرح معاها
لتقول بدون وعي وبصوت حنين..... تعرف أن ضحكتك
جميلة أوي
أسر / اتسحر بها، وبهمس ..... مش أجمل من سحر عنيكي وابتسامتك دي اللي مجنناني
ويظلو يتأملو نظراتهم بدون وعي وكل منهم مسحور
بالآخر إلى أن سمع صوت غليظ خلفهم افجعهم
لو سمحت هي فين غرفة 105 (كان زاير بيسأل عن غرفة مريض)
أسر / حمم وهو يشير بيده..... قدامك بغرفتين
الشاب... شكراً
أسر / العفو اي خدمة... ينظر ل نانسي " يجدها مبتسمة
وتحاول تكتم ضحكتها..... بضحك اضحكي اضحكي
كتمها ليه
نانسي /بضحك.... أصل شكلك كان يجنن وانت مخضوض
أسر / وهو يرقص حواجبه.... والله انت اللي تجنن
حم اعمل ايه ياعني أنا فكرتو الثقيل أخويكي... ييجي
بقه ويعلمنا فيها عنتر بن شداد...
نانسي / تنغزه بيده.... متقولش على أخويا ثقيل لو سمحت
وبعدين أطمن "فهد" مش هاييجي دلوقت...
لأنه ببساطه لسه ماشي من هنا اصلاً
أسر / باستغراب.... لسه ماشي... امتى يابنتي وانا وبابا
هنا من بدري جه امتى ده
نانسي / وهي بتهز رجلها ... والله زي ما تقول كده هو تقريباً
مروحش عشان ييجي هو فضل هنا جمب "ندي" طول
الليل (تعض شفايفها) قصدي حم جمب خالتو و ندي
أسر / يشرد بزعل..... ونانسي تلاحظ كده وتلف وشها
وهي تقول لنفسها شكلي عكيت.....
ليأتي اتجاهم "رائد" و تقي "....
رائد / ايه يا ولاد... واقفين برا ليه
أسر / ابدا يابابا سبني جدو بس مع" ندي " لوحدهم
ما حضرتك عارف الست" ندي " عند جدو اييه
تقي / حم ربنا يخلهولنا كلنا... يلآ ندخل ل" ندي "
دخلو كلهم غرفة ندي" وقاعدين حواليها بيحاولوا
يضحكوها وبعدين "سراج " لسه بيسأل" رائد "
سراج... امم يا" رائد "... مراد" ابن سيف "بيستعجل ردنا عليه
أنت رأيك ايه....... يدخل عليهم" نرمين " ومعاها إبنها
فهد" يلقو السلام ويسلمو و "نرمين" تحضن "ندي"
ألف سلامة عليكي يا حبيبتي... كدا بردو ياندي....
سراج / بحزم..... خلاص بقه يا "نرمين " إحنا هاننسي
كل حاجة وهي الحمدلله بقت زي الفل أهو... مم خلينا ف
المهم دلوقت قولت ايه يا" رائد "... نرد على" مراد"
نقوله اييه....... (فهد ينتبه بقلب موجوع)
رائد / بس يا عمي....مم أنا مش عارف ف النهاية الرأي
رأي "ندي" هي صاحبة الأمر
ندي / وهي تنظر ل" فهد" الواقف جانباً دون أي تعليق
ليقطع عليها كل سُبل الأمل في عودة آلحب الضائع
ثم تنظر لوالدها،، وبحده وتحدي......
وانا موافقه يا بابا.................!!!!!!!
فهد............ 😳
يتببببببببببع......... ______عشق_الندي
✍️بقلم // مها عيسى
