اسكريبت كان مرساة قلبي بقلم سلسبيل أحمد
- بسبسبس
= عايز اية؟
- مش ناوية تكلميني بصوتك الشتوي خاليييص!
= لاء انا معنديش صوت شتوي عندي ايد هتنزل على وشك
- حد يقول لجوزه وشك.؟
= سيف !
- نعم؟
= ابعد عن خلقتي احنا لسه متجوزين امبارح يعني تستني بتاع 7 او 8 سنين لحد ما اتعود عالتلزيق ده
- خلقتي و تلزيق؟ انتي مين فين بيلا!
= اسمي زفت بارين!
- ايوه ماهو اوله ب واخره ي دلعها بيلا
= !!!!!
- طب خلاص تعالي نعمل اكل
= مبعرفش اطبخ
- نطلب؟
= مبحبش اكل بره
- امال بتعملي بناء ضوئي ولا اية!
= خفة دمك
- مالها؟
= هتموتني
- حببتي تسلمي ها هناكل اية
= روح اعمل اكل
- عيوني تحبي تاكلي اية
بصتله بنص عين: انت انسان طبيعيي؟
بص لنفسه: اها! مالي!
بصت بعيد عنه وهي بتقول: الرجاله خلقها ضيق وعنيده ومفتريه وغداره وخاينه وهو مش زيهم ليه يمكن مش راجل
شهق: ينهار اسود هي حصلت ل مش راجل! انا سامعك خدي بالك سامعك!!!
- انت اكيد من سلالة تانيه
= سلالة!!!
- بص انا متجوزة عشان رحلة تعليمي تنتهي واقعد ف بيت مرتاحه وماما تبطل تقولي ذاكري لحسن تفتكر حاجه تانيه انا بكره الصنف بتاعكوا اساسا
= انا اروح عند امي ولا تقوليلي سلالة و لا مش راجل ولا بكره الصنف بتاعكوا
- لاء لاء استني!
= لف بلامبالاه و بعدين بص لعيونها الى اتقلبوا خوف!
بصلها بتركيز: في اية؟
- متسبنيس وتمشي انا اسفه انا.. انا
= اهدي اهدي أ
لاحظ ايديها: ايدك ؟ ايدك بتترعش انتي كويسة!!
- انا مش عاوزاك تسبني
= مش همشي انا بهزر
- مش هتمشي بجد؟
قربت ومسكت ايدها لكن بعدت بسرعه عني: بيلا بصي انا مقدر انك خايفه وانك اصغر مني 19 سن اطفال برضو
ابتسمت وضحكت فا اندهشت لاني اول مره اشوف ضحكتها
- ضحكتك جميلة متزعليش ابدا.
الايام عدت بينا وكنت بحاول اقرب منها بس هي بتخاف جدا مش بتحب حد يلمسها وبتتخنق بسرعه ومش عارف اعالج ده لحد ما قررت اتكلم معاها
- بيلا؟ قاعده لوحدك ليه
عيونها دمعت وفجأة فضلت تعيط: انا تعبت انت ليه شبهو كده ليه كل كلامك زيه!!
قربت بستغراب وخضه: مالك في اية انا مش فاهم زي مين!
- سيف انا عايزه اروح لماما
= بيلا اهدي طيب احنا بليل و ده سفر وبعدين حصل اية لكل ده
- سبني لوحدي
= مش هسيبك تعيطي! اهدي طيب
- متقربش مني متقربش!
اتنهدت: انا بس عايز اطمنك متخافيش
كان صوت عياطها بس الى ظاهر قربت واحده واحده وطبطبت عليها وبعدين رفعت وشها ليا: تقدري تحكيلي اوعدك هساعدك صدقيني
هزت راسها بالنفي فا مسكت ايدها: شششش بطلي عياط
- سيب ايدي
= هسبها اول ما تهدي
بصت لأيدي و بدأت تسكت بهدوء فا سبت ايدها ورجعت تنكمش تاني
- انا هنا عشانك قوليلي حصل اية
= بطل تهتم بيا!
- متعودش اسيب حد لوحده زعلان وخصوصا لو حد بحبه
= حد ب.. بتحبه.!؟
- ايوه انتي يعني انا بحبك اكيد امال هتجوزك ليه
= يعني مش بتكرهني عشان تصرفاتي
- مش عارف بتعملي كده ليه ولكن بحاول احطلك اعذار
= بابا
- اية؟ مش فاهم
دموعها نزلت: كنت اقصد انك زي بابا
- ربنا يرحمه لكن انا حتي مشوفتوش
= بس بتعمل زيه حتي يوم ... يوم ما قولت هتمشي وتسبني عملت زيه لما اتخانقنا سوا قالي كده و مشي و... و... مرجعش خالص مرجعش ابدا
- شششش طب بس بس اهدي
مقدرتش اعمل حاجه يومها كانت فحاله وحشه قريت كتير عن حالتها فقدت ابوها في وقت صعب عليها كانت غلطانه فا قرر يمشي وللاسف اتوفي ، كانت انطوائية ومش بتعرف تتعامل مع حد وبتكره قرب اي شخص ليها ما عدا والدها
كان بيهتم بيها فعلا وانا عملت زيه فا كنت بدوس على جرحها كنت بدخل اسألها قاعده لوحدك ليه واقعد معاها زيه
مكنتش هقدر اخد دوره لأن دور الاب عظيم ، لكن قريت اكتر وعرفت هتعامل معاها ازاي.
- صباح الخير يا بيلا
= ......
- انا عارف انك لسه مدايقه ممكن اتكلم معاكي فحاجه سر
بصتلي بأهتمام: سر؟
- اها انتي بس الى هتعرفيه
= ماشي
- في حد صاحبي اعرفه قالي لو زعلت منك حد مش موجود معاك ممكن تصالحه في طريقه.
= حد مش موجود ازاي
- يعني عند ربنا
لفت وشها: مش عايزه اتكلم خلاص
= هنروح نزور عمو و هتكلميه هيسعمك
كانت هتتكلم قاطعتها: ياريت تلبسي طقم حلو و تضحكي عشان يعرف انك مبسوطه ولما تروحي هناك اقري لي قران كتير ، انا عارف انك مروحتيش من وقتها يا بيل بس مينفعش انتي وحشتيه
اتكلمت بدموع: انا وحشته؟؟
نفت كلامي: هو زعلان مني ومدنيش فرصه اصالحه
= صدقيني في فرصه تعالي معايا بس
ضغطت عليها وساعدتها تلبس وختها المقابر الصبح و جبت معايا ورده بيضه عرفت من مامتها انهم بيحبوا اللون ده او هي حبته عشانه.
وصلنا فا نزلت من العربية وروحنا قدام قبره: ازيك يا عمو سعيد جدا اني بتعرف عليك بنتك طلعت عيني بس مش مهم انا عارف انك بتحبها ومش هتغلطها
لمحت ابتسامتها: خدي الوردة بسرعه اديهاله و اتكلمي معاه
انا هستني بره لحسن هيضايق لو سمعت كلامكم سوا.
شاورتلها ومشيت بعيد مكنتش شيفاني بصت حواليها لكن انا كنت شايفها قربت وحطت الورده على القبر فضلت ساكته كتير بتفرك ف ايدها كنت خايف ابقي بحطها تحت ضغط لكن الدكتور قالي اعمل كده واخليها تتخطي فكره انوه والدها اتوفي بسببها او وهو زعلان منها قالي ان عقلها الباطن هيرد عليها مكان والدها صوته هيكون في مخها لكن اظاهر الدكتور مجنو... اية ده ! اتفاجئت بيها بتتكلم و !!! دي بتضحك كانت بتتكلم زي الاكس و بسرعه وكأنها حست بالحياة تاني!! بصت حوليها وقربت من القبر وحطت ايدها حولين بوقها وكأنها ؟؟ قالت سر!
لقتها جت بسرعه و هي بتضحك: سيف سيف
- ايوه كنت عارف انك
جريت بسرعه وحضنتني كنت مصدوم دي حضنتني!
ضمتها ليا تحت الصدمه وحاوطتها بأيدي: اية الاخبار؟!
- بابا.. بابا سامحني و.. بيحبك يبقي انا بحبك
= قولتي اية؟
ضحكت بكسوف وانا حضنتها المره دي
" في عيد ميلادها ال 20 "
- بيلتي كبرت!
= سيف وحشتني اوي
- وانتي كمان كنت بجيب التورتة
= عشاني!!!
- ايوه في حد قالي سر انك بتحبيها كلها شوكولاتة
= ها ! بابا
- بالظبط سرقت مذكرته من عندك وقريت شوية فيها
= حرامي
- حرامي بس بحبك
= مممم بتحبني بجد
- طبعا بموت فيكي
= ده انا اكلمك بصوتي الشتوي بقي يا ايسو
تنحت: يا اية .؟
همست جمب و دني: ايسو دلع سيف فيها س و اخرها ي
بوست خدودها وانا بضحك: ايسو بيفكر يجيب منك عشره صوتهم شتوي ويكونوا بيقلدوه.
#كَان_مِرساَة_قلبيِ!♡
تمت!👀♥️
