رواية ممرضى الفصل الثالث 3 بقلم أميرة رمضان
 |
| رواية ممرضى |
رواية ممرضى الفصل الثالث 3
دخلت ريناد بغضب اوضة ياسر من غير متخبط
ياسر كان بيسرح شعرو قدام المرايا بصلها ببرود وكمل
ريناد بغضب اكتر : ااانت اااي اللي عملته ددده هي وصلت معااااك لكدددده
ياسر ببرود: انا عملت حاجه
ريناد : انا غلطانه اني جيييت لواحد زيك كان المفروض اروح اقول لااسلام ولا لجدي وشوف كان عملو فيك ااااي
ياسر مسكها من معصم ايدها وقال بغضب: مش انا اللي اتهدد لو كنتي عايزه تقولي لحد كنتي رحتي علطول جايه اوضتي ليييه وقرب منها اكتر
ريناد بدموع : ايدي بتوجعني ابعد
ياسر وهو مزال ماسك اديها : يارب تكوني عرفتي اني مش بخاف واللي انا عايزو بعملو ابعدي عني بقي عشان متتاذيش
ريناد : شدت ايدها منه وقالت والله ماهسامحك علي خضتي امبارح بسبب التعبان كنت عايز تمو*تني
ياسر بضحكه مستفزه: اموتك..! لاء اكيد انا اذكي من كده مش هودي نفسي في داهيه عشانك انتي
ريناد بتحدي: نفسي اعرف ذنب اي اللي عمي عمله عشان يرزقه بواحد زيك
ياسر ببرود : روحي اسأليه ي قطه ويلا بقي اطلعي وخدي الباب في ايدك (وغمز بعينه وقال) انا شاب اعزب في اوضتي وانتي جيالي برجلك
ريناد اتفاجئت من وقاحته وطلعت بسرعه وهي في داخلها بتلعنه : ماشي ي ياسر انت مفكرني هخاف منك واقعد ساكته اصبر عليا
__________
عمتي : لابسه كده وايحه فين علي الصبح
_ سيبالك البيت عشان تدوري حلو علي عروسه لابويا
عمتي باستفزاز ؛ منا خلاص لقيتها متقلقيش مستنيه بس لما ينزل ونروح نطلب ايدها
_ طب متنسوش تاخدو معاكم بوكيه ورد وشيكولاته
عمتي : هيحصل بس انتي اللي هتجبيه ماهو ابوكي برضو
قولت بعصبيه : دانا اولعلكم في البيت باللي فيه قبل ما حاجه زي دي تحصل اوعي من وشي
سبتها وطلعت وانا هولع في نفسي #بقلمي_اميره_رمضان
اسلام كان مستني في العربيه فتحت الباب اللي ورا وركبت
اسلام : هو انا سواق الهانم ولا اي متاجي تركبي قدام
_ انت تحمد ربنا اصلا اني ركبت معاك عربيه لوحدنا
اسلام بسخريه وعصبيه: هو انا راكب مع الملكه يعني اطلعي قدام يلاااااا
طلعت ركبت قدام وسكعت جامد باب العربيه
وطلعنا علي المستشفي
______
في البيت
اشرقت : الحقي ي خالتي ابنك اسلام واخد وجدان معاه وخرجو
مرات عمي بضيق : راحو فيين
اشرقت : معرفش
مرات عمي بغيظ : وحده تلف علي اسلام والتانيه تلف علي ياسر والاتنين هياخدو ولادي مني
اشرقت بشر : دول متفقين عليهم بقي
مرات عمي : ده علي جثتي لو حصل مبقاش الا بنات حنان اللي ياخدو ولادي مني
______
دخلنا المستشفي
انا مش عارفه اي اللي خلاني اسمع كلامك واجي هنا اوعي تكون مفكر بقي انك هتمسك عليا زله
اسلام سامعني ومش بيرد
_ يعني بعد اذن الكاريزما ممكن ترد علياااا وتقولي انت جايبني هنا لييييه
هتعرفي دلوقتي ودخلنا عند دكتوره كيوت اوي
ابتسمت وقالت عامله اي ي مدام
_مداام مييين انا انسه
الدكتوره باعتذزار :انا اسفه والله اسلام حكالي عليكي وشفت التحاليل بتاعتك وبصراحه مش حاجه كويسه ان السكر يكون عالي كده
_ اعمل اي يعني انا تعبت اصلا ومفيش اي تحسن
الدكتوره : لاء كله الا اليأس علاجنا الوحيد ان يكون طاقتك ايجابيه ابعدي عن اي طاقه سلبيه
بصيت لاسلام وقولت بصوت واطي : وهي العيله دي هياجي فيها طاقه ايجابيه منين
اسلام :سمعتك علفكرا
قولت باستفزاز _ قاصده انك تسمع
#بقلمي_اميره_رمضان
خلصنا كشف وعملت كام فحص وبعدها قعدت بتعب ع الكرسي
ولقيت اسلام واقف مع كام ممرضه بيتناقشو في حاجه ويضحكو
رحت رايحه ليهم وقولت :اهلااا
اسلام : اقدملكم وجدان بنت عمي
وحده من الموجودين : مش شبهك خالص
ردت عليها وحده تانيه وقالت : ماهو حقيقي اسلام جماله منفرد مفيش ليه شبيه
بصيت لاسلام بصدمه وقولت : احييييه انا ماشيه ي عم
جه ورايا وهو بيضحك : اي غيرانه انهم بيشكرو فيا
_تعرف انا كنت ديما بقول انت بتمو*ت في شغلك لييه ودلوقتي عرفت استغفر الله
_________
ريناد قاعده بتلعب في التلفون والباب خبط قامت فتحت
كان ساعي بريد
الراجل : ده بيت الاستاذ ياسر العزايزي
ريناد :لاء مش بيته هو بس عايش هنا معانا وانا بنت عمه
الراجل :طب ده انذار جايلو من البنك
ريناد : انذار اي
الراجل : معرفش حضرتك انا مطلوب مني اني اوصل وبس ممكن تمضيلي هنا انك استلمتي
ريناد مضت ودخلت
ومسكت الجواب بابتسامه نصر وقالت:ياترا عامل مصيبه اي تاني يابن العزايزي
______
واحنا جايين في العربيه
_هي المستشفي دي بتاع اهلك تدخل وقت منتا عايز وتخرج براحتك
اسلام بغرور: هو انا اي حد
_بس مش كده ولا تلاقيها المديره وحده ست عشان كده بتضحك عليها
اسلام : مش محتاج اضحك علي حد هما بيفرحو بس بمجرد مقف معاهم
_نفسي اعرف بيعجبهم فيك اي دانا مش شايفه فيك ميزه
اسلام ببرود: مش ذنبي انك مابتشفيش
بصتله بغيظ وقولت_انا عطشانه اقف قدام اي سوبر ماركت اجيب مايه
(وقف العربيه)
_انزل هات بقي انا تعبانه
اسلام ببرود:هو انا اللي عطشان ولا انتي
قولت بعصبيه:ده بدل متقولي عايزه حاجه تاني مع المايه
اسلام بتتريقه: عايزه حاجه تاني مع المايه
_مش عايزه منك حاجه... ونزلت بسرعه ماخدتش بالي من العربيه اللي جايه سريع
اسلام بصدمه :وجداااااااااااان😳
يتبع البارت4
#روايه_ممرضي
#بقلمي_اميره_رمضان
رواية ممرضى الفصل الرابع 4 من هنا
لقراءة الرواية كاملة اضغط هنا (رواية ممرضى)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
