رواية أرض بنزاكور الفصل الرابع 4 بقلم آلاء مسعد الشيطى
 |
| رواية أرض بنزاكور |
رواية أرض بنزاكور الفصل الرابع 4
••••••••••••○○○ رواية أرض بنزاكور ○○○•••••••••••••
الحلقة الرابعة
************
ليندا فاقت لقت نفسها على الأرض حطت ايدها على بقها لقت دم افتكر علا وانها لازم تسعدها مكنش قدمها حاجه غير انها تروح الشركه عند معتز ركبت العربيه و سقتها بسرعه ووصلت على الشركه لسه هتطلع لقت معتز و ماهر نزلين جرت ليندا على معتز بسرعه
ليندا : الحق علا يا معتز
معتز : اهدى عشان افهم ف اى
ليندا : كريم خطف علا واحنا خارجين من النادى
معتز بصوت عالى : خطفها ازاى يعنى
ماهر : اهدا يا معتز عشان نعرف نفكر
معتز : انا لازم اكلم معتصم
وعرض على ليندا يوصلها بس هى فرضت و صرت انها هتطمن على علا الأول
معتز : وجودك مش هيفيد بحاجه
وركبوا العربيه هما الثلاثه معتز اتصل على معتصم
معتز : معتصم محتاجك ضرورى
معتصم : ف اى
معتز : اختى اتخطفت
معتصم بخوف لتكون علا : عليا !
معتز : علا
معتصم وقف بسرعه من على المكتب : علا ازاى
معتز : مش عارف صحبتها بتقول واحد اسمه كريم
معتصم : متقلقش هدور عليها لحد ما لقيها معلش ابعتلى رقمها ف رساله
قفل معتصم مع معتز وحاسس ان تفكيره اتشل من الخوف عليها : يا ترى عمله اى الوقتى
لقى رساله من معتز فيها رقم موبايلها
راح لواحد صحبه عشان يعمل تتبع للجهاز
صحبه : الجهاز مقفول
معتصم ضرب بايده على المكتب
-------------------------------
فى غرفه فى أحد المنازل بالطابق ال ٨ كانت تبكى علا بشده وهى جالسه على الأرض بخوف ان يفعل بها كريم شئ
فى الصاله كان كريم وصحبه اعدين بيتفرجوا على فيلم رعب و بيشربو سجاير
امجد : مش هندخل للحلوه دى ولا اى
كريم : وانت مالك انت بيها
امجد : انت هتخلف اتفاقك معايا ولا اى
كريم : لا مش هخلفه بس مش وقته
دخل كريم عند علا و اخدلها اكل و شرب راح حط الاكل عندها وقرب منها بعت نفسها عنه
علا : انت عاوز منى اى يا .... انت
كريم : تؤتؤتؤ انتى هتغلطى فيا وانتى فى بيبتى و ضربها بالقلم
علا رفعت وشها والدموع فى عينها : واحد ....
خرج كريم من الأوضة و علا اعدت تبص يمين وشمال لقت شنطتها مرميه قدام السرير قامت بسرعه راحت و طلعت موبايلها لقيته فاصل فتحته و لسه هترن على معتز دخل كريم تانى اخد منها الموبايل وقفله ورماه بعيد
------------------------------
فى بيت نور كانت بتحضر العشا و اعدين يتعشو الباب خبط نور وندى دخلو جوا
ابو نور : مين
الضيف : انا حسام يا عمى
ابو نور فتح الباب : اتفضل يا بنى خير فى حاجه
حسام : شكلى جت فى وقت مش مناسب
ابو نور : اتفضل يا بنى اتعشا معانا
حسام : شكرا يا عمى سبقتكم الحقيقه انا كنت جاى طالب ايد الانسه نور
ابو نور : بس هى لسه بتدريس يابنى
حسام : انا معنديش مانع استناها لما تخلص تعليمها
ابو نور : هسالها وارد عليك يا بنى
خرج حسام و ابو نور نده على نور
نور: ايوه يا بابا
ابو نور : حسام جارنا طالب ايدك
نور : بس انا لسه بدرس يا بابا ومش بفكر الوقتى فى حاجه زى كدا
ابو نور : الجدع مستعد يستناكى
نور : بس يا بابا دا دبلوم
ابو نور : خلاص ال انتى شيفاه يا بنتى
--------------------
فى بيت معتز
مرفت : معتز و علا اتاخرو كدا ليه
عليا : الغايب حجته معاه يا ماما
مرفت : الساعه بقت ١١ اول مره علا تعملها
موبايلها مقفول يارب استر
رنت على ليندا
ليندا : دى طنط مرفت اقولها اى
معتز : الأحسن مترديش عليها الوقتى وانا هروحك عشان الوقت اتأخر
ليندا : بس
معتز : مفيش بس يلا
ليندا على اد ما هى كانت سعيده انها قاعده مع معتز على اد ما كانت خايفه على صحبتها
----------------------
صاحب معتصم : معتصم باشا الجهاز اتفتح واتقفل تانى
معتصم : طيب كدا تقدر توصل لحاجه
صاحبه : ايوه ممكن اعرف اللوكيشن ال هى فيه
معتصم : حلو اوى مستنى اى يلا
دخل معتز وماهر على معتصم المكتب
معتز : اى فى جديد
معتصم : متقلقش قربنا نعرف المكان
ماهر : ان شاء الله خير
-------------------
فى بيت كامل دخل الخادم لمكتب كامل بعد أن استئذان
الخادم : استاذ كامل فى واحد بره يا بيه عاوز يقابل حضرتك
كامل: خليه يتفضل
الضيف : معالى الباشا عامل اى
كامل : تمام الحمد الله مين حضرتك
الضيف : انا صفوان من مكتب معالى الوزير
كامل : تشرفنا اتفضل اقدر اقدم لحضرتك خدمه
صفوان: جميل معالى الوزير كان فى كام قضيه كدا تهمه حضرتك تخلصهم وال تؤامر بيه هيكون عندك
كامل : انا بنفذ القانون ومقدرش اخالف القواعد يا استاذ صفوان
صفوان : بس دا لمعالي الوزير و كدا معالى الوزير يزعل واكيد متحبش زعله
كامل : اعتبر دا تهديد ولا اى
صفوان : العفو معاليك انا حبيبت بس اعرفك و الفلوس ال هتعزها هتكون عندك
كامل : وكمان رشوه شكلك متعرفش مين كامل الفيقى المقابله انتهت
-------------------
ليلا فى مكان آخر يشبه المقابر يوجد مجموعه من الرجال يرتدون ثياب سوداء ويغطون وجوهم يبحثون فى التراب عن جثث الموتى وعندما وجدو جثه مدفونه حديثا قامو بوضعها فى كيس كبير معهم وحملوها وغادرو المكان
-------------------
كريم دخل على علا وقفل الباب ورا علا كانت وقفه خافت و رجعت لورا اتكعبلت ف السجاده وقعت
#writer_alaa_elshety
رواية أرض بنزاكور الفصل الخامس 5 من هنا
لقراءة الرواية كاملة اضغط هنا (رواية أرض بنزاكور)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
