رواية الميدوسا الفصل الرابع 4 بقلم كوكا أشرف
رواية الميدوسا البارت الرابع 4
رواية الميدوسا الجزء الرابع 4
رواية الميدوسا الحلقة الرابعة 4
رواية الميدوسا بقلم نورهان ناصر
 |
| رواية الميدوسا |
رواية الميدوسا الفصل الرابع 4
رواية الميدوسا (بقلم كوكا اشرف )
الفصل الرابع
في اليوم التالي صباحا
في منزل فاتن
علي مائدة الافطار
غانم : انتي يابت اعملي حسابك ان مفيش شغل تاني خلاص ودا كلام نهائي
فاتن بصدمة : ايه ده ياغانم احنا مش اتكلمنا في الموضوع دا وسالم قالك انه موافق
خبط غانم السفرة بيده وزعق بصوته كله : واني قولت مفيش شغل انتي هنا لسه في بيتي وادامك شهر وتتجوزي لما تكوني في بيت سالم ابقي اعملي مابدالك ياختي
نظرت فاتن الي تغريد وجدتها تنظر لها بشماتة وتفشي فأدمعت عينها وصعدت جريا الي غرفتها
غالية : ليه بس يابني كدا ماكنت سبتها الشهر اللي فاضل دا وهتطلع من مسئوليتك خالص
الجدة : لا احنا وافقنا بسببك انتي وسالم لكن تقعد بالايام في المستوصف ومتجيش البيت وسيرتها تبقي علي كل لسان في البلد انتي نسيتي انتي كنتي متجوزة مين وابن مين وابنك مين حتي هي خطيبة مين وهتشيل اسم مين كفاياكي دلع وحزن فيها عصتيها علينا
نظرت غالية لهم بحزن وحسرة
صعدت فاتن الي غرفتها وهاتفت سالم
فاتن ببكاء :سالم الحقني ياسالم غانم بهدلني وقالي مفيش شغل لغاية لما تجوزي وتبقي في بيت سالم انا مينفعش اقعد كل الفترة دي من غير شغل الناس محتجاني دا غير ممكن يشفوا دكتور غيري والفرصة تضيع مني ارجوك ياسالم اتصرف معاه ولا كلمه بالله عليك
سالم بحيرة : اهدي طيب يافاتن وبطلي بكا بس طيب قوليلي اعمل ايه يابت الناس انا المرة اللي فاتت كلمته بدلال عليه واجب يعني لكن هو بردو حقه يعمل مابداله طول مافي مسئوليته وبيته لما تاجي بيتي ابقي اتشرط براحتي وملوش اي كلمة عليكي
فاتن ببكاء : يعني ايه ياسالم حلمي كله راح من تحت راس اختك
سالم ببعض الحدة الخفيفة : الله ودخل اختي ايه بس دلوقتي يافاتن اينعم تغريد عقلها صغير شوية لكن في الاول والاخر انتي السبب وانتي اللي غلطتي
فاتن : ازاي يعني ياسالم انا السبب ازاي
سالم : اني قولتلك ان اللي هتعمليه ده غلط يافاتن مينفعش تقعدي برة البيت المدة دي كلها وصممتي واني عارف ان كل ده ممكن يحصل اني ملصم غانم بالعافية
ظلت فاتن تبكي بحرقة
سالم بتردد : طيب بصي في حل ممكن ينفع بس معرفشي هل هتوافقي عليه ولا لا
فاتن بسرعة : انا موافقة طبعا
سالم بضحكة خفيفة : الله مش تسمعي الاول يمكن ترفضي عموما ياستي الحل هو ان نكتبوا الكتاب الايام دي ونخلوا الفرح في ميعاده وبكدا تبقي في زمتي وممكن تبقي كارت نخلي غانم يوافق ولو ان ممكن يعصلج شوية ويقولي لسه في داري بس متقلقيش ممكن اتصرف معاه ساعتها ها قولتي ايه
كانت فاتن تستمع له بحيرة ولكن عقلها بدت له الفكرة جيدة ولا يوجد حل اخر امامها
فاتن : طيب ياسالم موافقة
سالم بفرحة : بجد موافقة نكتبوا الكتاب
فاتن بتنهيدة : ايوة طلما هتنزلني اشتغل
سالم : طيب اني هكلم غانم دلوقتي واقوله اني اكتب عليكي بكرة ايه رايك
فاتن : اللي تشوفوا صح ياسالم انا معاك في انا وثقة فيك
فرح كثيرا سالم انها تثق فيه ورد : واني مش هخزلك ابدا ياحبيبتي
اغلق سالم مع فاتن ثم اخبر غانم والذي وافق فور ان اخبره وذلك حتي ينتهي اخيرا من مسئولية اخته وحتي ينتهي من كلام زوجته له بسبب كثرة شكواها من اخته
ظهرا في الاسكندرية في منزل مريم
كان جرس منزلها يرن فتحت سناء والتي كانت مريم عزمتها علي الغذاء
سناء : مين حضرتك
تامر بااستغراب : حضرتك اللي مين دا بيتي
ظلت سناء مصدومة حتي جاءت مريم من خلفها ورأته
مريم : اهلا ياتامر اتفضل دي طنط سناء جارتي
تامر بنظرة حدة لسناء : اهلا ممكن ادخل بيتي
سناء بغضب من قلة ذوقه : ادخل ياخويا بيتك وانا رايحة بيتي انا كنت بسليها ياعين امها بدل مهي ليل نهار لوحدها والناس مفكرينها ارملة
نظر لها تامر بصدمة
مريم لتدارك الموقف : طب ياطنط انا هخلص الاكل واجيلك
دخلت سناء شقتها ودخل تامر واغلق بابه
تامر : مين الولية ام لسان طويل دي
ضحكت مريم علي كلامه ثم صمتت : طنط سناء حد جميل اووي واللي في قلبها علي لسانها وفعلا محدش هنا يعرف اني متجوزه وهي لسه عارفة من كام يوم اصلا
تامر بغيظ : وليه ياختي قايلالهم اني ميت
مريم : انا مقولتش انك ميت هما افترضوا انك متوفي لاني اعدة لوحدي وانا معلقتش مش اكتر ولما اخدت علي طنط سناء قولتلها
تامر بغيظ وعصبية : انتي السبب في كل دا اصلا سايباني وسايبة بيتنا واعدة هنا
مريم بعصبية : وطول مانت شغال معاه عمري ماهكون معاك
تامر بغضب : انتي مجنونة دا اخوكي وحد محترم وله وزنه واسمه وعنده مستشفي من اكبر مستشفيات مصر غير مصنع الادوية اللي بيورد لبلدان كتير دلوقتي انتي المفروض تفتخري انك اخت فهد الالفي
مريم نظرت له بحسرة وصمت ثم نطقت اخيرا : بلاش نتكلم انا وانت في الموضوع ده لانه لا هيودي ولا هيجيب اصلا ولا هيغير رائي في اللي سمعته او شوفته بعيني انا اصلا حقيقي بكره نفسي انه كان مثلي الاعلي وبعتبره ابويا مش اخويا بس
هز تامر رأسه بيأس منها : طيب انا يامريم ليه تسبيني انتي عارفة اني بعشقك مش بحبك وتحرمي ادم ان يتربي بينا
مريم : ادم كدا هيتربي افضل ياتامر
تامر : طيب اجي اعيش معاكي هنا طلما محرمة الفيلا بتاعتي عليكي
مريم : متلفش وتدور ياتامر انا مش محرمة الفيلا ياتامر انا محرماك انت لغاية لما تنفذ الصح
تامر : هاتي ادم يامريم عشان اشوفه واديله اللعب بتاعته
ذهبت مريم واحضرت ادم له وتركته معه وذهبت الي المطبخ وهي تنظر لهم من وقت لاخر وقلبها يؤلمها
ليلا علي العشاء
في مطعم فندق من اكبر فنادق الاسكندرية
(الحديث بالاجليزية ولكن يتم كتابته باللغة العربية الفصحي )
تامر : انا بعتذر علي تأخر فهد بيه انه بالطريق
احد الرجال ويدعي كارلوس : لا بأس سيد تامر نحن ننتظره لقد جئنا للتو
بعد مرور قليل من الوقت وصل فهد بهيبته وجديته
فهد : بعتذر كثيرا علي تاخيري لزحمة الطريق
رحب به الجميع ولكن اقتربت منه فتاة ما جميلة طويلة وشعرها كيرلي لونه اصفر تدعي ليندا
ليندا : اهلا فهد بيه انا حبيت ارحب بيك بالعربي لاننا مصرين زي بعض
فهد : عربية !!!! انا علي حد معلوماتي ان الصفقة مع الشركة ايطالية بكل اعضائها
ضحكت الفتاة بدلع : ماما ايطالية والشركة دي بتاعت عائلتها بابا مصري وعايش هنا في مصر في القاهرة
نظر لها فهد بدون اي تعابير علي وجهه او تأثر بها مما جعلها تتوتر ثم تركها ونظر الي الباقي وابتدا يرحب بهم ويتحدث عن تفاصيل الصفقة
ظلت ليندا تنظر له برغبة وهو متجهلها تماما وحتي ان حاولت توجه له اي كلام لا يجاريها به او لا يرد عليها اصلا
مما جعل فضولها يزيد من ناحيته
انتهي عشاء العمل
فهد : حسنا سوف انتظركم بعد غد بمصنعي لان غدا اجازة حتي نتمم العقود معا واتمني شراكة ناجحة لكلانا
قام فهد من مكانه وسلم عليهم وعندما جاء دور ليندا اقتربت منه وقبلته من خده ببعض الاغراء وعندما نظرت له بعينه لم تجد اي تأثر مما جعلها تحتار وتنظر له بااستغراب فنظر لها باابتسامة تهكم وتركها وذهب
يتبع ..........
رواية الميدوسا الفصل الخامس 5 من هنا
تابعونا على التليجرام من هنا (روايات شيقة ❤️)
